[今日寫呢啲]又到新一個月,未訂嘅快訂。東主今日有喜(結婚周年),加上市況麻麻,昨日又睇咗占士邦,所以只寫兩個大題目,深度少少。但放心,今日(十月一日)依然有文的,週末都會有。
==============
月頭訂最抵! Patreon 已經2000人訂!多謝大家!Two thousand people can't be wrong!下一個目標當然係攞你命3000!
比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
首先,就係如題,北水買咗500萬嘅王維基1137。多又唔算好多,但都只係10日嘅事(今個月好多日子冇北水),個別日子去到佔20%成交,都唔算小嘢。
咁你見1137,5日都升咗8%,表現都幾好。我有買,亦都有在Patreon推
其實之前呢度都有出過post講,但之後北水仲有繼續增持。我就好簡單,幫你睇晒每日嘅倉位,整理晒一個表,睇下邊日淨買入 (差不多日日都係)邊日淨沽出(近乎冇),同埋佔成交幾多
難就冇乜咁難,但都要啲心機,要睇晒每一日。但都未係最煩,最煩係你唔好忘記,唔係日日有北水的。而你見到啲倉位變動日子,又唔等於個交易日嘛(因為T+2)。
我就一個Excel同你整晒,你鍾意拎走自用 第時用落另一隻嘢都得。
又,見到話「北水唔會買1137」都只係偽命題,都買咗唔少,因為隻嘢實在太細,真係求其一條村有幾個人信微信女都夠。況且,就係賣鞋去非洲嘅故事。半杯水啫。正係而家冇乜北水買,到開車時仲勁。你睇隻東岳189?我懷疑理文化工746都係咁。固然理文唔在北水名單,但都因為東岳炒到飛天而有人留意
第二部份,講美股期權101。咁之前已經買咗,亦都極速輸錢(唔係贏就輸架啦)。都輸得幾甘添,你睇美股咁走勢就知,而我呢啲大好友當然係睇好。但我亦唔會走去sell put咁冇安全感,所以當然係buy call
買邊隻?文入面有講。但其實都仲未講到點解買,留返過兩日講
咁呢篇講乜?就真係美股期權101,咁唔少連buy call都唔知係乜嘅,咪入面解。「隻嘢而家100蚊 你行使價150蚊喎 咁咪要升五成你先賺?」,梗係唔係,如果有以上嘅錯誤想法嘅,記得睇下
其實亦唔係咩好特別嘅嘢,你上網免費搵都搵到。不過由我解當然清楚好多。解下咩係 「時間值」 「內在價值」「盈虧平衡點」「獲利機會」咁咯
最後都講埋,咁你大約估到,個行使價越高,「獲利機會」就越細。但當然唔係睇呢樣嘢啦,要睇埋個賠率嘛。
等於你啲網友去恥笑人,但你見一樣有美資基金最近再買恒大債。係呀,好大機會輸晒的 — 但萬一扑中呢? 個個笑人買垃圾明知爆煲仲買 —挑,咪同你買六合彩差不多。咁你話,「但我唔會全副身家買六合彩嘛」,咪係咯, 人地都唔會成個基金訓晒去買恒大債。輸錢有乜所謂?你買六合彩夠輸錢啦。
==============
月頭訂最抵! Patreon 已經2000人訂!多謝大家!Two thousand people can't be wrong!下一個目標當然係攞你命3000!
比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
北水買啲乜 在 Facebook 的最佳解答
[今日寫呢啲]照舊,月尾訂Patreon嘅有得回水一個月,即係送兩日畀你,唔使等到10月先訂了
港股昨日就夠晒靚仔,低位反彈600點。固然成交都係少,但唔好忘記已經冇北水。成堆香港地產股就反彈,之前大跌提過可撈嗰隻就彈得幾好(文入面有講邊隻,但不難估啦)
正如我講,事隔兩日後,已經再冇人講咩鬥地主。證明你啲網友全部係危言聳聽乜都講到世界末日。發咗達未?
美股方面,反彈返少少,但冇乜力。記唔記得早排講乜春「中國雷曼時刻」?結果呢個中秋月,A股仲要跑贏美股,笑死未?證明你啲網友全部係危言聳聽乜都講到世界末日。發咗達未?係呀,今日唔爆聽日爆,下年唔爆下世爆。
另外,昨日我老母生日,咁啱又係我老豆生日喎,哈哈哈。今年又會咁橋。咁就賀一賀佢,獻出第一次,買咗隻美股嘅期權。「咁其實稍為有常識嘅都知我call定put」.但買咗邊隻?點解?就Patreon講。「不過一買就已經輸錢」LOL
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
講明先,家庭觀眾唔好亂學。我只係買咗少少(1萬港紙唔夠,話埋你知),亦都預可以輸晒(買得期權就預輸晒,其實買股票嘅錢你都應該輸可以輸晒)。仲有,雖然我大學讀Financial Maths,但紙上談兵啫。都話第一次買option,就唔好問我點解買呢隻唔買嗰隻之類,我本人係相當討厭呢啲問題嘅。
即係好似我去餐廳食牛扒然後貼上網,你問我點解食牛扒唔食羊,點解配沙律唔配薯菜,點解坐吧枱唔坐卡位。又或者,我寫文,有人問點解你唔咁寫咁寫,點解你寫李佳芯唔寫鄧麗欣,點解你寫洪欣都唔提大劉但要講原振俠。點解點解點解。我強烈建議你睇呢篇文(https://bityl.co/8uOJ)(同炒股,牛扒同寫文都冇關的)
每日一圖嘅,畀你睇返美國一日跌2/3%有幾常見。你特別留意2009-2019年呢十年牛市,睇下有幾多次一日跌3%—然後今年美股都冇試過。3%等於道指跌1000點,嚇到好多人賴屎,又話股災 又話雷曼時刻了。不如都係返鄉下耕田啦(睇完《旺角卡門》卒之唔使再講「不如返屋企磨墨」)
第二圖睇,睇下世界100大企業嘅分佈,嚟自邊度,睇下過去20年嘅走勢。DLLM咁講大企業梗撚係講市值啦,咁堅持乜柒市值唔代表乜呀股市有上有落嘅,真係唔撚使討論的。你咪話你檔濕鳩茶餐廳大過Netflix咯,乜撚嘢呀?做乜睇市值呀?多人睇就大呀?多人講就大呀?
但講返,你睇下個走勢,就真係好多嘢冇得呃。任鳩你話美國點衰落,但至少睇呢個圖唔係,不過更值得睇嘅係個轉折點。仲有,中國情況一樣,任鳩你話聽日爆煲,但三十年前有撚中國公司在世界頭一百?不過,又係睇下個轉折位在邊。
Good read嘅,兩篇都夠實用。
第一篇,有一大舊錢未入市,點算好?哎呀買港股又驚政策風險喎,又鬥地主又雷曼時刻喎。買A股又驚人民幣爆煲喎。買日本股又驚人口老化喎。買美股又嫌貴喎。咁點?等到幾時?當然,呢個問題真係比我想像中常見,雖然我唔係好明點解咁多Patreon讀者會有一千幾百萬在手冇買股票,「但亦證明我啲讀者群好富貴」(廣告商留意)。咁真係,如果有筆錢在手,港股嫌廢美股嫌貴嘅,點算好?慢慢等定而家瞓入去?因乜準則?文入面講
第二篇,如題,股災低位打靶嘅係乜人?有研究睇到,多數係有投資經驗嘅人。男性,45歲以上,結咗婚,有小朋友。點解呢啲人容易打靶?有得解的。文入面解
同場加映,波動市走去做錯決定嘅,亦都多數係男人。點解?亦都有得解。但我畀個提示你:屋企或寫字樓,等電梯,電梯未到時係咁撚狂撳掣,以為撳咗就快啲到嘅人,係男人定女人多?
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
北水買啲乜 在 Facebook 的最佳貼文
[北水一日買咗34萬股1137!]全日都不過係200萬股成交,都幾係嘢。幾時成間買起?
唔係好覺有其他人講呀下!
TLDR:第一個星期1137冇乜北水買,但去到第二個星期(即係早幾日),星期二已經買34萬股,星期二買多5萬股。
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
1. 記住,除非你拎出嚟自己名,否則你買股票default 十居其九都係nominee,例如你經恒生買莎莎,在莎莎嘅股東紀錄上只見到恒生個名唔見你(*)。咁在CCASS(中央結算系統持股紀錄查詢服務)(https://bityl.co/8kJA)嘅持倉一樣,只會見到邊間行邊間行,你嘅大名一般唔會出現,你同恒生其他買莎沙嘅客,全部pool埋一齊的。
2. 但始終,你睇CCASS,睇莎莎會見到 德意志呀 恒生呀 耀才呀咁,跟返唔同券商去分,因為每人都有一個「參與者編號」
3. 但如果大陸佬經港股通買港股,就有啲唔同。所有經深圳或上海港股通買嘅同一集股票,都會集埋一齊。即係你經東吳證券買莎莎,你朋友經西楚證券買莎莎,全部都係會集埋一齊的。
4. 嗰個大統領叫做「中國証券登記結算有限責任公司」,編號: A00003及A00004。同樣地,你睇股票機見到呢兩個「牌」,就係所謂嘅北水在掛
5. 所以呢,一間公司有幾多股份係啲北水持有住,係每日睇得到嘅。有個別可以去到五六成係北水持有(但背後可能係幾百萬個唔同嘅人)。匯豐都去到9%,仲要未計平保啲貨
6. 咁而同樣地,每一日,北水拎住每一間上司公司幾多股票,亦都全部睇得到。然後你拎任何兩日比,就睇得到佢地增持咗乜 減持咗乜。
7. 以上種種,你去睇下個表就明(https://bityl.co/8kIt)
8. 之前寫過(https://fbook.cc/3c8a),王維基隻1137,9月6號入咗深圳嘅港股通名單(留意上海係冇的,另一個名單),但未發市。但其實好快手,去到9月9號嘅「花紙」已經見到有。由於係T+2,兩日後先結算,所以9月9號見到,即係9月7號有人買,入咗嘅第二日咋。買咗幾多?買咗2000股咁大把。
9. 然後曾經試過見到去到得返1000股,即係一手。但,留意唔一定係佢沽咗一手留一手,可能係佢沽晒但有另一個人買。實情就算日日係2000股,都不能肯定冇沽,可能係換咗幾十個大陸人。我地只能睇到aggregate 嘅數
10. 不過正如我篇文講,第一個食螃蟹嘅人勇敢,打後就有更多人食。
11. 去到9月16號,登登!北水持股去到34萬股!(343,000 to be exact),即係一日掃多咗34萬股!
12. 然後去到9月17號,登登登!去到39萬股!
13. 好啦,如果你係好貼市場嘅,應該留意到有個問題:唔係9月16號(星期四)當日已經停咗北水?做乜仲有?
14. 答案就係頭先講嘅T+2,16號17號你見到嘅嘢,即係14號同15號發生的。
15. 咁順手就可以解答埋你,點解9月16號星期四就停咗港股通。因為,9月16號嘅嘢,就會兩個交易日後,即係9月20號星期一結算。
16. 你話,有乜問題?星期一香港冇假放喎,有結算喎。係丫,但大陸放假嘛!所以一樣冇。
17. 所以你見到其實好多日子都開唔到的,香港同大陸是但一邊放假固然唔得,但如果係個結算日放假,都係唔掂的。所以除咗香港或大陸嗰日放假,仲有十日八日係因為呢啲原因冇北水。夾埋,一年有嘅日子大約係225日左右。而正常普通港股交易,一年大約250日。
18. Anyway,北水買呢34萬股,多唔多?你同成間公司比當然唔多(持股0.04%),但,你估真係成間公司掃起咩。你要考慮埋1137本身成交都唔多
19. 幫你查埋,北水買34萬股嗰日,1137都大約只係200萬股成交,即係北水佔咗17%,唔算好多,但亦唔係細數。
20. 幾時開車呢?本人係持有的。
(*)但當然你係可以去投票的,你可以同你嘅券商講,佢背後一定詛咒你,但只能照做,因為係你嘅權益,佢冇權阻你去。佢話唔得你可以投訴甚至告佢。
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。