https://youtu.be/zzBbEapc_6s…
行山系列第一撃 –＃大浪西灣
難度：⭐︎
長度：⭐︎⭐︎⭐︎⭐︎（約12公里）
時間：約五小時
起點：西貢碼頭＞巴士94／96R＞北潭凹
終點：西灣＞快船＞西貢碼頭 或 西灣亭＞村巴29R＞西貢碼頭
路線特色：
陽光沙灘與行山，平坦易行，多荼座又多廁所，cp值奇高！
牛屎出沒注意，同時留意番尾班村巴時間（http://www.i-busnet.com/busroute/resi...）
宜：＃情侶，＃一家大細，＃行山初哥，＃想影靚相的你，＃一班麻甩佬（沙灘 你懂的）
忌：＃追求山景或開揚景色之人，＃雨季！（小心山泥傾瀉）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
純文字攻略：（方便大家copy定行山時睇番）
大家可以先係西貢碼頭集合，再轉搭94／96r到北潭凹落車，入口就會係你對面架啦！
約5分鐘：你就會見到一個無路牌既分叉路，右邊係一個上梯級路段，請直行。
約20分鐘：有路牌，左邊往黃石碼碩，右邊往鹹田，請轉右。
約35分鐘：右邊係小路，直走係麥理浩徑方向，請直走。
約40分鐘：左轉就係第一個景點－赤徑，直走繼續行程。
約55分鐘：第一個洗手間
約1小時5分鐘：有路牌，左轉（不明），直走往鹹田，請直走。
約1小時10分鐘：左轉（不明），直走係麥理浩徑方向，請直走。
約1小時40分鐘：左轉上蚺蛇尖，直走往鹹田（開始落山路段），請直走。
約2小時：第一間茶座
＊ 約2小時25分鐘：有路牌，右轉往西灣，左轉往鹹田灣，請左轉。（雖然右轉先係正式路段，但難行同長好多，所以極力推介左轉，我行過所以我知道）
約2小時40分鐘：茶座三號，海風士多，野食較多選擇。
約3小時10分鐘：離開海風士多，過左獨木橋後，右轉沿住沙灘行，行十分鐘度就會見到有梯級上山。
約3小時55分鐘：落山後見到小溪，踏住碎石過小溪後往左行，沿沙灘行約10分鐘右手邊會有梯級接上石屎路。
約4小時10分鐘：到大浪西灣！（搭船返西貢碼頭）
到達大浪西灣可以搭船返西貢碼頭，亦可以選擇行多一段去西灣亭搭村巴29R返西貢，不過由於今年2016年5月尾發生過一次嚴重既山泥傾瀉令村巴停駛，所以要再行多一個小時出北潭涌先有巴士搭。
