先此聲明，其實響質疑抗疫措施上面我都算係溫和派：同雲粉熱狗唔同，我從來唔當武漢肺炎係弱感冒看待，亦主張我地響自己可以接受嘅範圍內做好防疫措施，例如戴口罩、勤洗手之類；甚至乎政府一定程度嘅隔離措施，我雖然不滿，但亦無奈接受；
最近有位武肺患者李運強由醫院偷走，竟然比班黃屍瘋狂批鬥，當中用詞之狠毒令我嘆為觀止：包括「點解唔執行死刑」、「點解唔用鐵鏈鎖住佢」、「應該直接送佢去拘留所而唔係醫院」……你問我呢位阿伯從醫院偷走啱定唔啱？我都覺得唔啱，問題係而家佢殺左你老豆老母咩？唔係；佢殺人放火咩？亦唔係；佢只係從醫院偷走出去。
當然有人會立刻撲出黎講話「而家佢有肺炎都同街播毒，件事唔嚴重牙？」但點解啲人唔會走去諗：
1. 今時今日，點解個疫情搞成咁？呢個阿伯係咪搞到而家香港仆哂制街嘅0號超級感染者？唔撚係，佢只係一個唔好彩嘅受害者；
2. 如果拉撚咗呢個阿伯坐監，甚至處死呢個阿伯，香港疫情會唔會因此而消失？係唔撚會，因為大家都心知肚明，疫情擴散最主要嘅問題根本唔係香港市民本身，而係特衰林鄭政府無能，從來杜絕唔倒個播毒源頭；
唔知大家有無聽鱷魚講佢親身返港過關嘅經歷：為咗做齊林鄭心目中最理想嘅行政程序：填寫健康申報表、Download安心出行App，而又唔增加人手疏導人潮，結果所有旅客都被迫響機場關口密集等候三四個鐘，呢個咁撚高危嘅防疫缺口一日唔撚封住，你捉得哂全香港嘅阿伯入隔離營，都唔會有撚用
3. 今時今日政府有無借防疫之名，行打壓之實？當然係有。差佬對所有唔順眼嘅人亂派599g，所有遊行幾乎都用限聚令作為藉口禁止進行。唔單止係咁，而家特衰政府已打算借住防疫進行全面監控：健康碼、安心出行、強制檢疫同注射疫苗，每一樣嘢都係限制緊我地人身自由，甚至威脅我地嘅人身安全。
好多人仲想拎歐美政府嘅防疫措施黎比較，喂，而家歐美係民主政府，我地係極權政府，任何增加政府權力嘅措施我地都應該盡全力反對：如果你問我人權自由重要啲定防疫重要啲？如果你覺得後者重要啲，咁你同內地圈養果班小粉紅根本無撚分別。然後竟然有黃屍區議員公開呼籲市民見倒阿伯要報警、有黃屍公然支持政府進一步收緊防疫令，呢班口口聲聲掛住民主響口邊嘅撚樣實在令我作嘔。
4. 現實就係，響過去十個月黎，香港人展現咗驚人嘅忍耐力，幾乎每一波爆發，最尾都可以成功將感染個案歸零。但換黎咩結果？就係一波又一波嘅新爆發：由第一波嘅武漢人、第二波嘅大陸人、第三波嘅歐洲水手、第四波嘅尼泊爾免檢，有邊一單關香港人事？
好似而家有人開住度大門有賊入屋，你唔走去屌打開大門個內鬼然後走去大罵拉開櫃桶個細路；然後仲妄想只要個細路唔打開櫃桶，個賊就唔會偷倒啲錢？有無再本末倒置啲？根撚本就係掩耳盜鈴！
5. 武漢肺炎就係中共最強大嘅生化武器，因為佢傳染率高、致死率低，所以佢對全世界嘅破壞唔係人命上，而係經濟同社會結構上：對唔同防疫策略嘅分歧造成分化內鬥；因為想制裁唔遵守防疫措施嘅「害群之馬」而選擇向極權幫兇尋求幫助甚至合作：
響今次批鬥李運強阿伯件事上面令我最深刻嘅，就係黃屍藍屍Connect上黎，齊齊為特衰政府收緊防疫令吶喊助威──林鄭同共慘黨年幾以黎最擔心嘅社會撕裂問題，一瞬間就因為武漢肺炎而解決鳥。然後仲有黃屍響度死撐話黃藍Connect係因為防疫唔單止係政治問題咁簡單──我屌你老母啦，林鄭同建制派夠成日話唔好樣樣都政治化啦，你呢啲講法同佢地有乜撚嘢分別呀？搞撚到要學藍屍口吻講說話，你班黃屍知唔知醜架？
6. 最後我其實好明白呢班黃藍屍嘅心態就係：明明我自己已犧牲咗好多去防疫，然後見倒你班撚樣完全無視我嘅努力走去呢度果度玩、加大個傳染風險，氣上心頭（講衰啲就係唔撚抵得）之下於是就無所不用其極咁去搞尻人：
於是輪椅區議員會走去拆一籃球架、黃屍區議員會走去報警趕走樓下阿伯、明明跳舞群組爆發前政府並無頒佈跳舞屬被禁之列，但黃藍屍就會走去批鬥跳老舞累街坊；去到最後武肺阿伯逃離醫院，黃屍就同藍屍Connect埋一齊高呼支持警方嚴正執法。
我成日都講，直至做到群體免疫之前，呢個病毒永遠都會纏繞住香港，當我地無辦法完全消滅呢隻病毒，就要學識同佢並存：而家班醫學專家個個都比人屌話佢地on9，點解？因為佢地根本唔理現實情況，只識不設實際咁提出一堆離地措施，例如午市禁堂食，六點後禁堂食、二人限聚令之類。
但你班人再諗真啲，香港而家住得咁迫狹，過往大多數人都係靠落街行下商場、響公園坐下透下氣，平時見下朋友聚會噓寒問暖，有番啲正常社交生活心理先會得以健全──而家日本自殺人數增加得比武漢肺炎仲多，仲未計無形嘅心理創傷引致嘅各種情緒病後遺症，然後個目的就只係為咗「清零」呢個遙不可及嘅目標？
7. 唔撚拉咁遠講，今次阿伯偷走，我都覺得唔啱，但絕對同情佢嘅行為：你估個阿伯好想自己染病？政府拉咗咁撚多人入隔離營同醫院，有無做過好好嘅心理輔導？甚至乎，捉唔捉倒佢，根本就改變唔倒香港繼續因為政府無能大開中門，任由外來輸入個案爆發第五六七八波疫情嘅命運。
所以我最多就住政府發散差佬走去拉人呢件事保持沈默，而唔撚係走去為獨裁政權同差佬拉倒個阿伯歡呼叫好，仲要Blame the Victim覺得要政府鎖起佢坐監黎一洩心頭之憤──黃屍平時比人攻擊時最撚鍾意講「對準政權」，偏偏自己攻擊人時卻立刻唔記得呢句說話，無他，雙重標準搬龍門，藍屍黃屍，沒有誰比誰高尚。
https://bit.ly/2WAFpGm
午市禁堂食 在 【禁堂食令】消息指，政府決定，明天容許食肆回復早、午市堂食 的推薦與評價
【禁堂食令】消息指，政府決定，明天容許食肆回復早、午市堂食，每枱限坐兩人。 #商台新聞#防疫措施#禁堂食--------------- 想緊貼最新資訊， ... ... <看更多>