【龔成問答信箱】(Q21541-Q21560)
Q21541:
阿sir,剛剛重溫你第五堂既野,去計0066企業價值,唔知計得啱啱啱
咁我就用左2012-2020年既數據既 咁由細到大排左市盈率再揀左中間5年既就係13.18-17.56,
咁由於2020年港鐵因為物業估值嘅關係導致佢每股盈利得出負數,咁我就用2019年嘅每估盈利為1.94,
乘返市盈率再俾上下10%緩衝得出就係24.09-37.47。請問方向正確嗎?
謝謝阿sir
龔成老師︰
你成個功課,方向大致都正確。但因為港鐵(0066)較為特別,所以係你答案之上,會有些調整。
首先,每股盈利部份,由於集團收入係包括一些物業重估,所以你見佢過往多年,個數字都唔太穏定,有上有落。因此,我建議你用6年平均去計,會較理想(不計2020年負數)。
另外,市盈率方面,由於每股盈利包含了物業重估部份,令企業價值被高估左,實際PE應該係無咁低(如果你記得計算PE的公式,就會明白我意思,可參考第5堂, SLIDE3)。
因此,PE個合理範圍,我地都會調高少少,去反映這個物業重估,所帶來高估每股盈利的影響。
其實最正統的方法,要每一年的盈利扣除翻物業重估,以這個作基礎調整市盈率數據。
每股盈利︰HKD2.34,合理PE大約上調15%,即15 - 20倍。
合理價格︰HKD35.1 - 46.8
當然,這只是其中一個估值的角度,而投資者在進行估值時,會同時用多個估值方法去進行估值,得出更立體的結果。你預佢現時估值,是合理區中上位置。
------------------------------------------------
Q21542:
你好,龔Sir。 我剛報了股票班,希望踏出第一步,去增加智識。現想請問 MPF 組合問題。
我現時39歲,睇返MPF滾存至今,只有30萬,以往未有理會,但至從看你的fb, 令我有所改變,MPF也是一種投資,不能輕視。
曾經睇過一片文章,MPF要按年齡去增加債券比列,不知以下改變,是否適合。
我39歲,單身。 MPF經理:銀聯BCT
現有資產基金組合:
4月開始轉了30%環球股票, 40%大中華股票, 30%環球債券
將來供款投資組合:
4月開始轉了 3.49%中國及香港股票, 40.75%大中華股票, 27.88%環球股票, 27.88%環球債券
十分感謝回覆。
龔成老師︰
強積金的配置其實唔複雜,你只要按你的年齡階段,去進行分配就得,年輕時較進取,中年平穩,退休前就保守。基本上你按年齡,慢慢跟這樣比調整就得。
強積金是一個超長線投資,中短期當然會有上落,但就唔需要轉來轉去。
只要按你的年齡,長線配置就得。我自踏入社會工作後,一直都是100%恆指,無變過,根本唔需要理會。
當然,你想分散風險,加入一些大中華股票或環球股票,係可以。
但環球債券增長力不高,除非你投資取態好保守,否則以39歲年紀計,就唔係咁適合。
股票班見!
------------------------------------------------
Q21543:
老師,想問金界合理區正確嘛?另外,老師覺得幾多先算便?值得入?我用上堂教的方法,計到佢合理價為$8-$10。
我而家有現金30萬
10萬1044
仲有一d質素無咁好既股票諗住逐d轉番做有質素既
我心裡面知而家股市未係平宜,老師都叫人留現金等大跌市先掃貨,但成日心郁郁想入市,例如金界,但同時又會諗,如果等大跌市,回報會高好多
內心會爭扎,工作收入唔穩定,所以會好想d資金用得其所,唔想再係有機會但無錢入
如果係你,老師會點做?
龔成老師︰
你做的估值,係合理的,現時金界(3918)算在合理區。如果要到平宜區,你預跌多2成以上。
這股股價較為波動,不過都有長線投資的價值,現價可分注投資。另外由於市場新興,在注碼上不能投資得過多。
另外,我地無人知將來個大市會點走,更加唔會去估佢走勢。只會用當時平貴,去制定入貨策略。唔好比自己心理或者大市氣氛,影響到你計劃。
係價格合理時候,入一部份資金。到平宜區時,我地就大力入貨。
恆安國際(1044)主要業務為在中國生產,分銷及銷售個人衛生用品,零食產品及護膚產品。
恆安擁有多個品牌,如「心相印」、「安而康」、「品諾」、「安爾樂」等,而業務大致可分為紙巾產品、衛生巾產品、一次性紙尿褲產品、零食產品。
恆安具有品牌,又處於增長中的市場,前景不俗,故此企業為不錯的優質股。不過,市場競可能令毛利略為受壓,但相信隨著此企業發展更多較高毛利產品,影響不算大。
長遠來說,恆安仍有一定的前景,故有投資價值的。成本上升,令佢略有風險。整體而言,有長線投資價值,現貨可持有。
但緊記,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多(少於組合之30%),同一股不能太多(少於組合之15%)。要平衡,建立後長期持有,不是買賣賺差價,而是成為你財富組合一部分。
因此,你未來要加入更多不同行業的優質股,令個組合平衡翻,唔會太偏重個別股票。
你持有股票如果係劣質股,就應馬上沽出。如果係質素較弱,但又未到無質素,可以分段咁慢慢沽。
現時大市只在合理區,現金和股票佔比,最好係各一半。由於你收入不穏,最好額外儲半年開支,作不時之需。
雖然無人知幾時會大跌市,但你都要預留一定資金,去把握這個可能出現的機會。
------------------------------------------------
Q21544:
老師,唔好意思,可能又要麻煩你,我手上持有1257@$3.5 / 三手:(3000股),今年1月25日入,目前為$3.12。
最近Biden發表減碳目標,同各大基金經理亦看重中國實際參與度,你認為對此股在中長期算是利好消息嗎?
另外,相較之下老師如何看待956, 257 同 1330呢?
多謝老師先,同好多謝你不斷俾正能量同正面思維大眾,默默地,它們對好多人真係有一定程度嘅影響,我自己也是其中一個。
希望大家一齊進步!再次感激老師!
龔成老師︰
中國光大綠色環保(1257)其實本質不差。
睇翻佢的業務情況,長遠發展其實是一個大方向,但佢近年負債有所上升,加上市場擔心佢之後的增長力有所減慢,因此對這股的評價減少左。
負債與發展持續性,都是這股的風險因素。
你所講的減碳目標,都會係一個利好因素。長遠來說,這股仍是有投資價值。但此股畢竟有一定風險,不建議太過大注,同時可能仍會弱一段時期。
新天綠色能源(0956)和綠色動力環保(1330)本質不差,業規模比較細,整體質素和潛力度,無1257咁高。
光大環境(0257)係中國光大綠色環保(1257)母公司,都係主力環保相關業務,同樣有質素,但由於己有一定規模,故潛力度會較1257為弱。
------------------------------------------------
Q21545:
老師,剛想到一個情況
我在102元時入左一手平安好醫生,早前有一天,記得因為有個女股神定乜知名人物大手購入這1833,令佢股價一日內突然狂升幾十元到140多元
我剛剛突然諗,這個突然炒高的價位是因為某些巿場利好消息,應該超出了1833的合理價,當時我應否先賣出了。
待1833回復合理價位(例如現在經常徘徊在90多元)時再買入來長線持有?
龔成老師︰
我地優質股,永遠都係長線持有,會係最好。好似這類中短期波動,其實唔需要特別做任何動作。
更加唔好去沽走勢,覺得佢$140就一定係貴,我沽左先,平D再買過。這個不是正確做法。
早前佢升到$140係貴,但未算得上十分貴。無人知之後,會唔會更貴,到時你就無機會入翻貨。所以,這個水平的股價上升,我地係唔應該沽貨。
平安好醫生(1833)長遠有發展力。
佢係中國領先的一站式醫療健康系統平台,透過「移動醫療+AI」,為每個家庭提供一位家庭醫生,為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者,以平均月活躍客戶,以及在線諮詢量計,是中國最大規模的互聯網醫療健康平台。
企業的業務有潛力,本身有優勢,大環境的配合,都成了這企業的機遇,前景正面,不過財務數據未算好理想。
雖然長遠的企業價值向上,但股價在中短期,可以十分波動,因為市場以「前景」作估值,故此變化必然很大。好難得出平貴的準確數,只能估估下,作參考。
你現時只有1手,你只要耐心長線持有就可以,等待這企業改變整個行業的情況。
------------------------------------------------
Q21546:
老師你好 啱啱睇完你本股票勝經 𠵱家睇緊50優質潛力股 加上自己睇下其他資料
現打算月供以下股票 希望老師俾少少意見 謝謝。 (之前老師你建議 平穩增長: 潛力為7:3)
盈富+中銀香港+港鐵+領展+中電+金沙
再加安碩恆生+小米/騰訊+港交所
想請問每隻月供係咪1/9咁分? 定某幾隻應該供多啲? 謝謝老師解答。
另外我已經報咗名上你股票班 到時會盡量同同事調時間務求上到老師你嘅堂 (我仲幫埋妹妹報名一齊上堂 會好好努力學習)
龔成老師︰
你現時所選組合,係合適。所選的都是有質素的股票,以及有長線投資價值,無問題。
資金分配上,我建議你簡單點,將月供資金分成10份。盈富(2800)月供2份,其餘全部供1份。
上課前,你先看看我的書,對你課堂吸收會有幫助。你有時間,可以睇埋"財務自由行",但無都無所謂。
而我會較建議,你這刻可以初步進行上述計劃,但就一定要留有現金,到上堂後,才正式進行整個組合的具體配置。
一齊上堂是一個很好的學習方法,因為可以討論,大家可以更快進步。股票班見!
------------------------------------------------
Q21547:
老師,如果一隻股票我有$10買入,而現時升到$20,如果仍$20仍是合理價,應否加注?
如果加注會拉高我平均買入價。
龔成老師:
你思維錯左,唔好比「過往平均買入價」限制左自己,你要分析,現時我手上有一筆資金,怎樣會對長遠財富有最大回報。
當然,要同時考慮整個組合的配置、現金,持貨比例。
------------------------------------------------
Q21548:
Sir 我見很多收息股股價上落不多,但成交很多,是甚麼原因?
龔成老師:
因為市場對佢合理價的定義較為一致,沒有大大的分歧。
投資者認為企業價值好接近,例如$100億-$105億,如果市值上到$106億,就會有好多投資者認為貴,因而賣出,令股價下跌,所以股價不會太超過一定的範圍。
相反,如果一隻股票股價上落大,代表市場對這企業的睇法及分歧好大。
至於成交大,代表買賣好多,不一定會令股價有好大的變化。
------------------------------------------------
Q21549:
老師,我媽咪成日聽到我講買股票,最近夾硬過咗啲錢俾我,叫我拎去我投資
我會打算將媽咪嘅錢,放落去水桶1-2,買返去我平時睇開嗰啲,可以?
龔成老師:
你媽的風險承受能力,與你並不相同的,你不應投資同你一樣的組合,投資水桶1-2,並不適合佢。
特別是佢對股票無乜認識,當佢面對短期股價波動時,承受壓力的程度與你不一樣。
建議你幫佢投資水桶3類別的股票,再加上水桶2,會較適合佢。
------------------------------------------------
Q21550:
龔sir,你好!我是一個90後雖然我不是你的學生,但我都有留意你出嘅書,也同意你書中大部份的內容!
其實我今次信息你係希望你可以講下一個大部份有錢人都會做的事情「捐款」!
我相信你在成名之前也做了不少的善事導致有今天的你!
例如用自己嘅時間真心去回覆別人嘅問題.....,希望你來緊會出一條影片去陳述關於捐款對自己變得更富有嘅影響!因為我相信普通人變成有錢人離不開第一個步驟,就是幫助別人或捐款!好多謝你去留意我嘅信息!
龔成老師:
我睇左好多成功人士、有錢人的書,佢地都會貢獻社會,而我都在這樣做,原來佢地好明白一個社會法則。
就是你要「先給予社會,你才會得到」,如果我地想有更多財富,更加成功,就要先貢獻更多給社會,這是成功人士、有錢人、我,都明白的。
這個世界好神奇,你貢獻愈多,得到的就愈多,這樣的情況我已經歷了好多。
另外,當我地擁有了一定的資源,自己根本用唔晒,就應該還翻比社會,因為所有資源都是大家的,只是有時我地憑努力分多左少少,而比翻多d社會都是很正常的事。
------------------------------------------------
Q21551:
龔老師:你好,本人有一些股票問題想請教!本人在較早前以$1.64買入1569(民生教育)及以$1 .3買入2233(西部水泥),2隻股票都有5萬股
而西部水泥過往3年的派息都不錯,但民生教育則比較小,我明白教育股是需要保留資金的道理,故此請問上述2隻股票可否長期持有?
另外本人已55歲,有50萬現金,我想分配到2(中電)、2800(盈富基金)及2822(南方A50),可以嗎?
多謝龔老師提供資料,感激!
龔成老師:
民生教育(1569)主要於中國提供民辦高等學歷教育,包括本科學歷教育及大專教育。該等學校為重慶人文科技學院、重慶工商大學派斯學院、重慶應用技術職業學院及內蒙古豐州職業學院(青城分院)。
過往的業務都有發展的,盈利整體有增長,不過就有少少波動。
企業長遠的發展力屬中等,現時股價合理,預期企業能平穩增長,但預期不是高增長類別。
你有貨可持有的。
西部水泥(2233)主要在中國陝西省從事水泥生產,以「堯柏」及「堯柏水泥」商標銷售,主要用於建設高速公路、橋樑、鐵路及道路等基建項目以及住宅樓宇。
業務不過不失,雖然都有d質素,但不算好強,產品價格自主能力不高,賺錢能力不算強。
比較吸引的是現價唔貴,但長遠對佢增長就唔好有太大期望,可以視為收息股。這類股唔建議太大注投資。
其實兩隻都可以持有,不過,以質素及增長力來說,都不值得持有太多。
至於你資金,可以分配到盈富(2800)、南方A50(2822)、中電(0002),建議加時加入少少收息股,例如香港電訊(6823)、置富(0778),組合會更加平衡。
當然,財富組合都要有一定的現金在手。
------------------------------------------------
Q21552:
請問老師2158現價可入嗎?另外,6886($26入)和2623($0.55入)都是持有很多年,一直都沒有止蝕,這二隻還有希望嗎?
龔成老師:
醫渡科技(2158)有潛力的。可長線。
提供基於大數據和人工智能(AI)技術的醫療解決方案。集團主要向醫療行業的主要參與者(如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者)提供服務和合作。
根據大行報告,於2019年,集團收入在中國所有醫療大數據解決方案提供商中排名第一,在中國醫療大數據解決方案市場中的市場份額為5.0%。
睇翻大行對佢2020-23年預測,收入和毛利增長分別為73%和83%,增長力唔錯。
佢平台有一定擴張性,長遠受惠更多醫療保健客戶使用平台。不過公司客戶過度集中,以及依賴公共部門。
但佢依然係在燒銀紙狀態,係一個扣分架地方。整體算係有質素,但要注意風險,投資時唔建議大注。
之前貴,現價算是略貴,最好回翻多D先考慮。
HTSC(6886)以「華泰證券股份有限公司」於國內開展業務,佢主要為個人、機構和企業客戶提供的金融服務:
(1)經紀及財富管理業務
(2)投資銀行業務
(3)資產管理業務
(4)投資及交易業務
(5)海外業務
其實業務都不差的,但增長力就唔算強,現價合理。由於你買入價貴,而這股增長力不強,要上翻去不易,你或者見有較大反彈都可以減持,轉其他對組合長遠增長力較好。
愛德新能源(2623)業務波動,之前年年虧損,近期先好翻少少,是高風險類股,這股長線投資的價值,唔高。賣出較好。
------------------------------------------------
Q21553:
龔老師,我手上有
1211, 2手$270
968, 3手$18.5
2820, 8手$145
你覺得呢幾隻股發展潛力如何?我應繼續中線持有,唔好理中間波動?謝謝
龔成老師:
1211買入價貴,但有潛力,你持有就得,不過要耐心D,同時唔好心急加注。
信義光能(0968)本質不差,業務保持有一定的增長力,股本回報率處高水平,加上現金流強勁,是有一定質素,可長線投資的股票。
現價合理區頂。你買入價略貴,不過有得守,只要不持貨過量就得。
GX中國生科(2820)有潛力,但現價仍貴,你可長線,但唔好再心急加注。
------------------------------------------------
Q21554:
龔sir,想請問下第5課計港交所合理價時,每股盈利你用最近5年,但PE就用10年內的4年,點解PE唔可以同樣拎最近5年?
我諗法係PE係嚟自除以EPS,咁EPS同PE所選取的年份如果唔對應會唔會有問題,同點解冇問題,謝謝你
龔成老師:
因為計算每股盈利時,我地其實是考慮「有代表性的每股盈利」,因此,並不一定用5年平均,這只是一個較簡單的方法,最正統的方法是自行推算。
所以,當用5年數據時,只是找一個較近現時有代表盈利的數去計算,是否5年並不是重點。
至於市盈率,則是運用能反映企業與市場關係的數目,如果10年的大環境無變,就會用10年,但如果大環境改變,就會用較近的年份,其實這都是無絕對的答案。
------------------------------------------------
Q21555:
最近經朋友介紹瀏覽你的網站,十分欣賞你正面的信息。有心真的不怕遲,只要努力,必定可以慢慢達成理想。
我40歲左右,之前因生活問題,放棄了讀博士(這是我一直的夢想)。後來決定以Part Time報讀,終於在2017年畢業。
當初有親友說我不設實際,但完成了自己的夢想,真是很快樂。大家努力~!
龔成老師︰
只要有一個你真正重視的「夢想」,就算再困難,幾無人支持你都好。只要你個「夢想」對你夠重要,你都一定會諗到方法去完成。
當你現在成功完成這個「夢想」,代表你人生又行前了一步,恭喜你。
在完成這個「夢想」之後,我地又係時候要好好規劃之後的人生目標。
好好思考如何去「經營未來的人生」,給自己一個獨處時間,好好想清楚自己的下一個夢想、目標,是什麼。
當你有方向後,你要將自己放到一個「適合你成長的環境」,努力去「成長」,提高自己能力,向下一個新目標和夢想進發。
------------------------------------------------
Q21556:
龔老師,你好,想請教下,N年前十幾年前的買了隻1191,成本12.8,一直跌。
現在一蚊都冇,唔知點,放左單咩都冇,同所淨冇幾。會否升返嗎?由佢放係度?
謝謝老師
龔成老師︰
我地是否持一隻股票,唔係睇佢個股價,而係睇佢有無質素。如果無質素,就算而一刻蝕多少,都應該要沽。
中國中石控股(1191)主要於中國從事物業發展業務,以及金融服務。
這企業規模好細,而且營業額都唔高。睇佢過去多年出現虧損。
加上2019年核數師意見是「不表示意見」,代表盤數有機會係有問題,對這類企業我會好有戒心。
現時由於佢2020年年度業績審核未完成,所以公司暫時停牌,因此你現時係無野可以做到。
此股唔見有明顯的投資價值,到佢復牌後,建議沽出。如果你持貨較多,可以每有出現反彈,就分批沽出。
------------------------------------------------
Q21557:
老師有啲嘢想問你,1858 春立 至從骨科集採,成本下降,而且由高位下跌66%時候已入貨(成本$19)
想問下呢隻值得我作為倍升股持有嗎?
龔成老師︰
集團毛利率由2019年的69.38%上升到2020年的72.60%,主要由於採購議價能力加強和公司量產導致固定成本相對下降所致。
這是一個正面的訊息,但我地分析企業,唔好只睇1,2年情況,而從長線去做考量。
春立醫療(1858)長遠有發展的。
佢主要從事以自有品牌「春立」研發及產銷植入性骨科醫療器械,產品包括:
(1)標準關節假體產品:主要包括髖關節假體產品及膝關節假體產品,用於治療骨關節炎、類風濕性關節炎
及其他疾病。
(2)定制關節假體產品:分為傳統定制關節假體產品及組配式定制關節假體產品,主要用於治療關節骨折及
其他原因所致的關節損傷或骨缺損。
(3)脊柱產品:包括頸椎前後路固定系統、胸椎固定系統及腰椎固定系統,產品適用於退化性疾病、脊柱疾病、畸形、骨折及其他病理原因所致的背痛。
佢係關節醫療器械技術有一定經驗,受惠於未來人口老化對醫療用品需求、醫療器械納入醫療保障等因素下,此股有佢架投資價值。
集團盈利由2015年4000萬,升至2020年2.8億,升近數倍。但主要升幅來自2019年,所以盈利增長唔算係平穏。
現時股價比之前合理翻D,但仍未算平。
此股都有倍升機會,但質素上,未算係最高個類。而且都有一定不確定性,不宜持有過多。若佢只佔你組合小注,你長線持有就可以。
------------------------------------------------
Q21558:
龔sir, 你好...我現在33歲, 有兩個小朋友, 大的5歲, 細的1歲, 目標係草到個首期上左車先。
由於之前都係短炒為主, 真係損手爛腳, 剛好早排有朋友推薦我看你旳facebook, 所以才開始接觸月供股。
有幾個問題唔係好明﹐想問問你,希望你百忙之中抽小小時間回覆...
1. 月供股意思:假設我月供金沙, 每月供$3000, 以而家1手股價係1萬4左右, 咁即係供4-5個月左右才入到一手, 係米咁意思...
2. 金沙而家呢個價位可入嗎?
3. 假如我每月投放$8000, 想月供2-4 隻, 有推介嗎?
龔成老師︰
短炒根本是無法賺錢,我之前做銀行、證券行多年,見證大量客短炒全部都蝕錢,只有長線才能有錢賺。所以,往後不要再用短炒這模式去投資了。
1) 簡單來說,月供股票就是你每月將現金,買入某一隻或多隻股票,慢慢咁樣儲貨。
形式就是每月投入相同的金額,買入同一隻或多隻股票,並持續進行。
以你例子,每月用相同金額$3,000 買入金沙(1928),假設第一個月股價為$30,就能買入100股;第二個月升至$35,就能買入85股;第三個月跌回$25,就能買入120股。
總結這三個月,投入了的資金為$9,000,累積股票為305股,平均買入價為$29.5。
由於月供股票每月投入的金額相同,因此當股價上升時,買入的股數自然減少,而當股價下跌時,就自然會買入較多股數,如同自行調節一樣。
當於初學者或者不懂定平貴的投資者,月供可以令佢地買貴貨風險,得以大大減低。
要注意的是,由於每月持續投入資金,因此一定要選優質股,長線投資,同時要以儲股票的概念進行,最少持續供3年以上,之後持有5年以上。
月供最重要的一點,是「選股」,如果你無選股能力,就投資ETF,如盈富(2800)。
2) 金沙(1928)有質素的,有長線投資價值,收息不差,同時有平穩增長力,但不是高增長類。
現價合理,可分注入貨,或月供都可以。
3) 以你33歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。如果每月能儲到的現金為$8000,你可以每月先用$4000儲蓄,另外$4000就先儲起架策略。
平穏增長股:盈富(2800)、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
潛力股:安碩恒生科技(3067)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845),但就要明白波動性比上述會高左,同時風險大左,你要自己平衡。
由於你投資知識不高,我建議你先集中在平穩增長類股,至於潛力股,只宜小小注(少於3成)。此期間,你最好是努力提高投資知識,才慢慢增加翻潛力股比例(最多5成)。
餘下現金就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21559:
想問下1800 中國交通建設 點解高息, 低淨值, 低市盈率, 高現金流, 有增長, 都可以跌足4年?
市值 (港元) 165.693 億
市場價值指標 (最新)
年度 (貨幣) 2020/12 - 末期 (人民幣)
每股盈利 (人民幣) 92.000 仙
每股派息 (人民幣) 18.088 仙
派息比率 (%) 19.661%
每股現金流 ($) 0.857
每股淨資產值 (人民幣) 15.160 元
市場價值指標 (全年)
市盈率 (倍) 3.4
周息率 (%) 5.712
股價/每股淨資產值 (倍) 0.206
龔成老師︰
你都講都佢一些正面的財務因素,但我地唔會單憑個別年份的指標,去評斷佢投資價值。
我地要好全面,去睇佢過往多年數據變化,企業本身質素和行業發展狀況等,去得出一個綜合性結論。
中國交通建設(1800)本身不是無質素,但又未去到好好,算是中等類別,但增長力不強。市場會擔心企業的可持續發展,擔心生意無過往咁好。
過去幾年收入的確維持增長,但你再仔細去睇佢財務數據。
你會發現,多年收入維持增長的同時,盈利整體係出現倒退的情況,反映佢賺錢能力係弱左。
而且佢本身負債高是扣分的地方,因此估值不會高(所以PE一直偏低,反映出市場對佢評價較一般。),股價都反映了相關風險。
此股現價算是合理,分注投資都可,但就未必適合太大注。
------------------------------------------------
Q21560:
你好龔sir,本人28歲,投資新手
想請教你對0311 聯泰控股和恒生simplyfund 基金的睇法。
謝謝
龔成老師︰
聯泰控股(0311)主要從事成衣及其飾配件的生產和貿易業務。
此企業規模唔大,盈利都唔算高。賺錢能力唔強,加上有一定負債,都係扣方地方。
現價算係合理區頂,可投資。但由於質素只係一般,而且過往股價都好波動,只宜好小注投資。
至於恒生simplyfund,係一個可提供多種不同基金的投資平台。
你可以衡量翻恆生所提供之基金的投資策略,所投資的資產類別、投資策略、風險程度、市場、費用成本以及過往的表現(可以睇佢過往5-10年,如果回報係比主要投資市場高,你可以考慮投資)。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
「博 堯 生物科技股份有限公司 104」的推薦目錄:
博 堯 生物科技股份有限公司 104 在 達聖全球購物 Facebook 的精選貼文
#達聖全球購物 🎊開幕,首播。🎉
超級感謝
在線上的各位鐵粉👍
到場共襄盛舉的嘉賓
送花送禮的好朋友們
還有一路上曾經協助過我們啟動的各位前輩~
您們滿滿的心意
我們謹記在心 ❤️
如同有人說過的一段話
"夢為努力澆了水
愛在背後往前推"
各位的鼓勵是我們前進的動力,期待我們一起共創佳績🤩
再度感謝現場贈送花籃的各位嘉賓
🉐特別感謝:
總統 蔡英文總統 蔡英文 Tsai Ing-wen
桃園市長 鄭文燦市長 鄭文燦
桃園市議員 簡智翔議員 桃園市議員 簡智翔
太陽集團 黃俊傑董事長
因人數眾多,名單依筆劃順序排列
三盛愛公司 王浩志總經理暨全體員工 三盛愛
上海鸿兮環实业有限公司 殷静總經理
大麒偉麟起重工程 蕭瑞桐董事長 大麒 偉麟起重工程公司
中國大陸經濟研究學會 黃慶堂理事長 黃智聰秘書長 暨全體理監事會員
天鵝湖汽車旅館 天鵝湖汽車旅館
太陽集團 黃狀元
心玥水餃店 心玥手工水餃
木村生化科技有限公司 柯有驊董事長
王聖龍 敬賀
加樂星娛樂有限公司 柯柏羽執行長 加樂星娛樂
北緯度珠寶鐘錶 趙文緯 北緯度進口精品珠寶鐘錶 交流中心
台北市東區獅子會 許家浩
台名保險經理 張玉玲經理
弘仁企業
弘達國際汽車 謝副義董事長 弘達國際
交通銀行台北分行 交通銀行台北分行
光祥公司 張祥壽 謝靜如
吃喝玩樂 彭太
宇晟國際餐飲股份有限公司 賴國書執行長 宇晟國際餐飲股份有限公司
百巨物業管理顧問有限公司 陳持正Eric 董事長
快可立就業站 鄭盛騏 蔡妤柔 快可立就業站
佳利電器有限公司 李明憲 佳利電器有限公司
佳羿航空貨運承攬有限公司 孫紹軒 蕭志偉
來來花苑 謝鴻益暨全體同仁 來來花苑
東森新聞 蕭化明
泳翰科技集團 賴國書總經理 VISSEL Technology Co.,Ltd. 泳翰科技股份有限公司
玩錶人生 Queenie 玩錶人生 Watch&Life(專售 Rolex 勞力士 PP AP 愛錶)
阿煥 敬賀
前勁國際運動 奧運國手楊俊瀚 楊俊瀚 Hank Yang
南崁女獅子會 王心玲會長暨全體獅友
建鴻航空貨運承攬有限公司
查爾斯運動行銷 奧運國手陳傑 陳傑JC
歪樓碩士群 陳玫如 林玟含 余聰惠 章平祥 林秀霞 蘇西岳 邱淑芬 賴美霞 張聖如 王滴隆 黃茄峰 仝賀
洪門生Flora 敬賀
苗栗縣民進黨全國黨代表 徐士凡
徐華斌 敬賀
旅日職棒選手 陳冠宇 鄭凱文 潘志芳 陳品捷 陳冠宇粉絲團 鄭凱文粉絲團 潘志芳 Fans Club 陳品捷粉絲團
株式会社ファタ 初心總經理
(株)Unix 李忠求會長
桃園天上人間 全體同仁 天上人間 六星級 名商俱樂部
桃園保時捷 江家宏 Porsche Taoyuan 保時捷 桃園
桃園保時捷 郭其坤 Porsche Taoyuan 保時捷 桃園
桃園高中 游文聰校長 桃園高中
桃園高中 家長會長 徐瑞燦 桃園高中
教育事務基金會 呂朝福董事長
桃園警察分局 林鼎泰副分局長
浤淇室內裝修有限公司 徐睿煜總監 浤淇室內設計有限公司
真男人文創商行 奧運國手張嘉哲 真男人文創商行
國道公路警察局刑事警察大隊 張克強隊長
得來速人力銀行 得來速人力銀行
御堡國際 Kevin 阿文 阿駿 Tony 御堡國際精品-賴賢賢
犁記實業有限公司 張仕旻董事長 犁記餅舖Li-Ji-Bakery Official
陳世勇 敬賀
博仕音響 賴建煌 博仕音響-歐美頂級音響、家庭劇院專賣店 台北音響店推薦
善達資產 張証凱暨全體同仁 善達資產管理公司
富佳泰國際有限公司 黃泰霖總經理 Full Power 富佳泰 / Idol K8
彭宗政 敬賀
程業工程股份有限公司 呂金川
統一速達股份有限公司 陳瑞堂董事長 統一速達
統一客樂得服務股份有限公司 徐明輝總經理 黑貓PAY - 客樂得 Collect Service
翔裕國際旅行社有限公司 小Marco 翔裕國際旅行社
馮堯鈞 敬賀
黃祥銨 敬賀
圓通速递有限公司台灣分公司 戚元龍總經理
新東汽車 郭頌鑫董事長 新東汽車生活館
楊小傑 敬賀
瑞承國際有限公司 林正總經理
經濟日報 小豪葛格
聖脈國際
鉅豐水電工程行 謝家德
鼎太開發 張智凱
慢好花室 柔希 慢好花室花藝設計/RavishingFloral/商業佈置/婚禮佈置/花禮
澎湖李 李孟勳 敬賀
翰陽室內空間設計 陳韋清 翰陽室内空間設計有限公司
諾美締露營車 暨全體同仁 諾美締露營車
總裁行館經理 林莉芠 總裁行館 President Club
螺絲 敬賀
羅永晴 敬賀
藝鑽生物科技有限公司 林怡蕙執行長
藝鑽生物科技有限公司 蔡鎵安董事長 王怡婷總裁
麗龍貿易股份有限公司 葉文豪敬賀
寶悍運動經濟 陳德倫 陳柏村 寶悍運動平台股份有限公司
蘭庭國際 莊明憲 蘭庭國際
B2 Studio米兔哥娛樂股份有限公司 陳彥銘董事長 B2 Studio 米兔哥娛樂股份有限公司
LeMood樂沐有限公司 蘇打綠小威 LeMood洗髮露 自然而然愛天然
OKJob Nick
PRESCO 敬賀
Unix台中傑思馬二次方 Marco
X-Line運動聯盟 盧立倫執行長 X-Line健康俱樂部-總公司