丫仁係呢兩年來遇到的,暫時都算係好嘅日本人😂😂😂點解咁講?自上次日文present受挫折之後,我已經攞返起本書讀兩句又睇下新聞咁,希望下次重振旗鼓威返次~
今日試睇一本叫《なるほどデザイン》(原來這就是設計)嘅書去學下常用嘅terms😏話晒曾經都有做過印刷公司,唔多唔少都識印刷術語。無奈嘅係全部轉晒做日文又係另一回事😩😩社長就係見到我有呢個苦況,今日無啦啦走來拉咗我去會議室來一個マンツーマン(man to man)印刷教室🤦🏻♂️
社長好有心,佢當我係一張白紙由最基本嘅出血、留白、行距到騎馬釘同膠裝嘅單字都有教。原來文字大細單位Q數同香港一直用開嘅point數係唔同,Q數係排版個時有數得計😱最後佢俾咗啲一張遠古時代遺留落嚟嘅出土文物——check文字大細嘅膠片我睇。喺仲未有電腦做稿嘅時候,就係用佢去check文字大細去處理個layout🙈🙈🙈未來應該陸續仲有其他創作教室學吓寫作同表達等等,一個咁忙嘅人每日喺公司都唔夠三個鐘,仲要抽半個鐘頭我應付我呢個外國人😩
此舉動會唔會有啲乜嘢後果呢?會唔會當我係佢嘅一隻棋呢?係唔係為分黨分派做少少野?我唔會加入「禮義廉」架😎👍🏻有被害妄想症嘅丫仁又發作不停鑽牛角尖啦😂😂😂
ps:等三連休有時間去拍下點樣用呢一塊check文字大細膠片啦
Search