🌿印尼沙律--加多加多🌿
今日真係熱到透唔到氣....完全冇哂胃口...😒今晚就整印尼沙律做晚餐，貪佢蔬菜比較多😛…食多少少都冇咁易肥，但係呢個沙律嘅靈魂…就係嗰包加多加多醬🤔，市面上有磚狀及袋裝醬料， 個人口味…就比較喜歡磚狀味道👍…出街食呢個沙律差唔多成百蚊💸， 但係自己整 20蚊都有找喇…整定雪好咗放工返嚟就有得食喇😋，係咪好方便呢🤗你哋都試試啦…真係好好味㗎😝
材料
玉豆 一束
芽菜 一碗
椰菜 半個
豆卜 十個
雞蛋 五隻
醬料
加多加多醬 一磚
熱水 一碗
做法
1. 燒滾一鍋水將所有材料灼熟。
2. 盛起後用冰水浸一會，過冷河，瀝水備用。
3. 將醬料拌勻成醬汁。
4. 將醬汁加入食材中拌勻即可。
溫馨提示
• 可按個人口味選用不同蔬菜。
• 進食時可伴以印尼蝦片。
• 加多加多醬料可於印尼雜貨小店購買 。
• 加多加多醬料內有一包小辣粉，可按個人需要調節辣度。
#熱到冇哂胃口 #印尼蝦片係佢朋友 #清新之選 #出面食好貴 #印尼沙律 #食多D都唔怕滯
