#Apple 7大新產品 | iPhone 13系列、iPad mini、Apple Watch Series 7正式登場
#即睇新機售價
#重點功能
#Howard尋晚通左個宵晚睇住文字版先😛
#懶人包片今日上架
#請多多支持🙆
同時也有9部Youtube影片,追蹤數超過3萬的網紅MEeeep More,也在其Youtube影片中提到,Redmi Note 10 5G 開箱 - 小米喺2021年6月17日舉行發佈會,宣布將會喺香港推出旗下品牌紅米嘅一部新5G手機-Redmi Note 10 5G,今日就同大家睇下!香港5G redmi note 10 5g unboxing 呢部手機配備6.5吋FHD+開孔屏幕,有最高90Hz...
即睇新機售價 在 MEeeep More Youtube 的最佳解答
Redmi Note 10 5G 開箱 - 小米喺2021年6月17日舉行發佈會,宣布將會喺香港推出旗下品牌紅米嘅一部新5G手機-Redmi Note 10 5G,今日就同大家睇下!香港5G redmi note 10 5g unboxing
呢部手機配備6.5吋FHD+開孔屏幕,有最高90Hz嘅刷新率,並採用咗聯發科天璣700處理器,支援5G雙卡雙待同埋NFC等功能。佢嘅機背採用磨沙物料,手感順滑之餘,亦唔會容易粘上指紋。而機身右側就設有音量鍵,同可用作指紋辨識嘅電源鍵。
等我試下開個瀏覽器,睇下片先!色彩睇落自然,畫面亦都好流暢,絕對收貨!再睇下個5G速度!唔錯!無論打機定睇片都絕對夠用喇!
喺鏡頭方面,Redmi Note 10 5G有800萬像素嘅前置鏡頭,而後置三鏡頭就由4800萬像素主鏡頭、200萬像素微距鏡頭同景深鏡頭組成。試下正常影下相先!以入門機嚟講,個質素真係幾好!
Redmi Note 10 5G有5000mAh嘅電量,支援18W快速充電,就算全日使用5G嚟打機睇片都可以應付到。
呢部手機香港已經接受預訂,並會於2021年6月23日正式發售,6GB RAM + 128GB內置儲存空間版本賣HKD$1,599,有彩光銀、石墨灰、夜幕藍同極光綠4款顏色選擇。
即睇新機售價 在 MEeeep More Youtube 的精選貼文
Samsung 宣佈將會喺香港推出新款 5G 手機 Galaxy A52 5G,以中階機嘅定位及價格推出市場,等我哋一齊睇下!
Galaxy A52 5G 機身使用噴砂塗層,機背位有微弧形嘅設計,令用家單手操控時會更舒服。佢嘅 6.5 吋 FHD+ Super AMOLED 開孔屏幕,支援120Hz嘅更新率同屏幕指紋辨識技術,佢採用 Infinity-O 設計,屏幕邊框幼之餘,屏佔比亦十分高。同時,佢嘅屏幕亮度最高有 800nit,即使喺猛烈太陽下都可以清晰睇到屏幕內容。加上佢設有護目功能,用家喺比較暗嘅地方望電話時,只要開啟功能,屏幕就會自動減少發出藍光,將對雙眼嘅傷害減到最低。
呢部電話配備高通 Snapdragon 750G 處理器,支援雙卡雙待、最高 1TB 嘅 microSD 卡擴充,及設有 3.5mm 耳機插頭。佢亦支援香港所有網絡商嘅 5G 頻段,等用家可以暢通無阻地享受 5G 嘅高速。另外,佢嘅 IP67 防水功能,可以令用家進行戶外或水上活動時,有多一層嘅保護,提升安全及耐用度。
Samsung Galaxy A52 5G 嘅前置鏡頭有 3200 萬像素,而後置 4 鏡頭就由 6400 萬像素主鏡頭、1200 萬像素 123 度超廣角鏡、500 萬像素景深及微距鏡頭組成。支援 4K 拍攝、防手震、及 10x 數碼變焦等等功能,啱晒鍾意影相嘅朋友。佢亦首次與 Snapchat 合作,加入不同 AR 濾鏡,玩味十足。
電量方面,佢有 4500mAh 嘅電池,支援 25W 快速充電,大約 30 分鐘就可以叉滿一半電。
Galaxy A52 5G 香港將會喺 2021 年 3 月 24 號推出,內置 8GB RAM + 256GB 儲存空間版本,有炫目黑、炫目白、炫目紫、炫目藍 4 款色選擇,開售價為 HKD$3998。呢部電話有咁嘅 Spec 同功能,可以話係中階機市場嘅強者,呢個價錢絕對抵用。
即睇新機售價 在 MEeeep More Youtube 的最佳貼文
#2021新機#香港5G
OPPO 即將會喺香港推出 OPPO Reno5 Pro 5G,令人相當期待。呢部機依家就嚟到我手,等我哋一齊做過開箱睇睇!
呢部 Reno5 Pro 5G 機身採用咗 Reno Glow2.0 星鑽工藝技術,機背喺有光折射情況之下,會顯得更靚,配合埋佢嘅 7.6mm 薄機身同 173g 嘅超輕重量,拎上手美觀之餘又輕巧。佢嘅機身上側寫住「DESIGNED FOR RENO」,為手機增加獨特性,而左側就有音量鍵,右側有電源制,下側就有喇叭、Type C 充電口、同一個雙 Sim 卡槽,可以支援 5G + 4G 嘅 Nano Sim。
Reno5 Pro 5G 採用 6.55 吋嘅 FHD+ 曲面開孔螢幕,支援屏下指紋解鎖同臉部辨識,最高可以有 90Hz 嘅更新率,同 180Hz 嘅觸控採樣,佢仲拎埋 Netflix 同 Amazon 嘅高清播放認證,無論睇片、煲劇定打機都可以有順暢同高清嘅體驗。配備方面,佢搭載 MediaTek 天璣 1000+ 處理器,內置 12GB RAM 加 256GB 儲存空間,預載基於 Android11 嘅 ColorOS 11.1。
等我睇下片試下先!畫面喺 90Hz 之下望落十分順暢,色彩都貼近自然。等我哋開埋隻遊戲試下!冇 lag 嘅情況喎。再開多個有多行走馬燈嘅新聞資訊節目先!都無問題!呢部 Reno5 Pro 5G 即使喺三個 app 之間不停切換,都依然十分順暢,認真抵讚!
Reno5 Pro 5G 嘅其中一個賣點就喺佢嘅鏡頭,佢嘅前置鏡頭有 3200 萬像素,而後置四鏡頭就由 6400 萬像素嘅主鏡頭、800 萬像素超廣角鏡頭、200 萬像素微距同黑白鏡頭組成。支援嘅功能效果十分多,例如 AI 錄影增強技術嘅超級動態夜景、Live HDR 錄影、同前後鏡頭雙重錄影等等。
等我哋試下正常影相先!出到嚟相片色彩都自然,無話有太多「味精」,亦都保留到細節位。再試下影夜景!喺開啟夜景模式之下,即使光源比較少,出到嚟嘅效果都唔錯。
睇埋個 RGB 留色錄影!真係玩味十足,啱晒鍾意特別效果嘅人!最後等我哋試埋個防手震拍片功能先!我哋分別睇下有開同冇開嘅分別!好明顯,開咗防手震功能個面影出嚟嘅嘢都比較穩定,方便晒鍾意一邊做運動,一邊拍片,或玩樂期間拍片嘅人。
5G方面,我哋用 speedtest 喺室內嘅情況下,下載速度平均都有超過2百幾Mbps,相當唔錯。
電量方面,Reno5 Pro 5G 有 4350mAh,支援 65W SuperVOOC 2.0 快速充電,只要 30 分鐘左右就已經可以由零差滿電,等用家全日都唔洗煩電量嘅問題。
呢部電話喺香港已經正式上市,12GB Ram + 256GB內置儲存空間,官方建議零售價 HKD$4,799,有 幻彩銀 及 月夜黑 兩款顏色選擇。對於想試下 5G,又對打機睇片甚至影相都有要求嘅人,都係一個唔錯嘅選擇。