#為食信義
驚喜定驚嚇 ~ Bove ~
話說有日碌Facebook 見到話有個新開food court 係Yoho， 吃貨總係心思思都想去潮下聖既。
見到有Bove ，元朗巿無咗之後就一直心卦卦。呢個一於作為其中一項外賣啦～
去到諗住睇下有咩食啦~ 見到餐牌，店員尷尬話餐牌只有一個，仲痴住咗係個cashier 前面。。。。。可以選擇影相或者企係度睇。。。。咁唔通阻住人做生意咩。。。。梗係影張相跟住閃埋一邊啦～ 唔知我係咪晏咗呢。。。。好多野都暫停。。。。
唯有揀原味梳乎厘班戟 同 阿華田脆脆雞蛋仔啦～
信義妹係外賣既，諗住拎番去同屋企人一齊食~ 外賣要加 $2，大家要留意啊～
原味梳乎厘班戟
揀咗朱古力醬，口感雖然未去到入口即化，但質感都輕，入口軟綿。初時衝口而出配朱古力醬都驚會太甜。結果出乎意料甜味剛剛好。
驚嚇定驚喜來啦～ 店員呼叫信義妹既號碼~ 跟住熱呼呼兩件既梳乎厘來啦～ 原來外賣係將碟裝轉成紙兜，係無蓋架。。。。。係信義妹想再跟店員講係外賣既時候~ 新鮮出爐既 阿華田脆脆雞蛋仔來啦～ 呢個時候店員再重申一次，佢地既外賣係無蓋紙兜，同埋係無袋既。。。。。
對於剛買到左一袋右一袋既信義妹個下巴都已經跌咗落地咁濟。。。都唔知點反應。。。滿腦都係。。。死啦。。。點拎番去呀。。。又要坐車又要過馬路食曬塵啦。。。。。店員見到信義妹 O 咀O 咁耐。。。就好有禮貌拎多個紙兜幫我冚係面，等我可以將雞蛋仔放上面，跟住棒住番去啦！店員再提多次外賣係無袋俾你架~
阿華田脆脆雞蛋仔
確實有點兒失望，信義妹期望係外脆內軟阿華田味濃郁。結果係外脆內無。。。。得中間幾粒先至裡面有蛋漿。。。。。阿華田脆脆係係面灑上的，無驚喜，都無驚嚇啦～
呢次真係提醒咗信義妹，下次想食記得自攜食物盒，同埋食物袋。唔係真係唔知點搞，身上環保袋用咗，棒住又食塵。。。。
#instablogger #cooking #bloggerhk #hkfoodie #foodoftheday #hkfoodblogger #foodporn #foodporngarphy #foodlover #foodielife #foodshot #foodstgram #foodphoto #foodaholic #followforfood #instadaily #incredibleshunyeemui #信義妹 #吃貨 #相機先食 #手機食先 #foodbeast #foodspotting #igfoodie #foodshare #信義藍星札記
@Foodeli HK
@ YOHO MALL 形點
