係呀，我生日。
唔係今日但幾時唔重要，總之就係呢幾日。
今年嘅生日領悟，就係人大咗，身邊嘅朋友真係唔需要咁多。或許職業病，身邊好多人即使覺得麻麻地like，都盡量唔想得罪；間中食個飯吹下水，覺得呢啲「萍水相逢」不過係人生嘅一部份。
但經過呢兩年嘅社會運動，慢慢發現，除咗親人你焗住相處，其實好多人真係唔需要花時間去嘗試說服或者理解。從前總覺得朋友應該「和而不同」，依家都無錯；但疫情洗禮後會發現，吓，乜原來我嘅時間得咁少？如果要同人相處係得呢個quota，不如揀個「志同道合」，大家嬉笑怒罵來得舒服。
工作就係食物鏈嘅最底層，但事實上都無得扮細。人生都開始有所領悟啦。但願新一年，更懂得花時間給我愛和愛我的人。而每次開火屌爆啲仆街，都每個字千軍萬馬咁火力全開，唔好等自己後悔鬧得唔夠爽。
時刻心存感激，但不亂咁道謝。的確好多人在人生路上扶你一把，但唔好講到咩個天跌落嚟咁要感恩多謝。我都有好努力做到仆街先有今時今日架！
欣賞自己的菱角與爛口。
#請祝我生日快樂
#又大一歲祝我財色兼收一分耕耘一噸收獲
#人生有朋友喺你生日整個咁大龍鳳嘅蛋糕過你就夠晒驚喜
#祝大家身體健康
#WorldPeace
