有日…診所好不幸地壞咗冷氣…喺一個接近完全密封嘅空間…我哋都努力求存…
病人們一推門入到診所，似乎已發覺診所內有異樣，紛紛細聲講:咁熱嘅咁焗嘅？
登記後，安坐喺度等候醫生回來時，有位病人終於要爆啦！
佢:喂！係咪冇開冷氣呀？
我:唔好意思，冷氣壞咗…
佢:咁點呀？
我:即係冇冷氣…
佢:好焗喎！
我:係呀，壞咗嘛…
佢:咁你唔整？
我:已經約咗師傅整㗎啦～
佢:喂！唔得㗎喎！你診所嚟㗎！咁焗個個喺度等，個個都焗病啦！
其實你有冇諗到我都係喺度焗足十個鐘？
我:真係唔好意思，冷氣壞咗我都唔想嘅…
佢:離哂譜！診所都焗到咁翳到咁！氣都抖唔到呀！
咁不如大家留返啖氣呀？
我:我都唔想…或者你出去行出去等，到你嗰時我打俾你啦好冇？
佢:咁就咪鬼開啦！
我:或者心靜自然涼…你幻想下自己喺一個大草原上…
佢:……
我:唉，其實我都好盡力幻想自己喺草原上，不過我呃唔到自己，個腦好唔爭氣浮咗成個撒哈拉沙漠出嚟，仲有幾棵燶咗嘅仙人掌…
佢:你係咪痴撚咗線呀？
我:你有乜都係同醫生講啦，我個沙漠仲未走…
最後，佢等唔到醫生了…
我個腦嘅畫面係佢俾沙漠流沙包…呀，唔係…係流沙洞吸走咗…
唔好阻住我！我要搵水源呀…
#笠安全套先 #診所門唔係我閂 #係病人自己閂 #大開中門零安全感 #又話嘈又話俾人望哂 #當熱情奔放遇上冷感姨姨 #我乜都唔知 #只知我好暈好焗好熱 #我病咗又可以拎病假乎
