當全民充滿創意咁計劃點樣「創業」，輕輕鬆鬆靠呢5000蚊集資上市賺個首期非難事，苦中作樂嘅大家，又要講句到底前世都做咗幾多錯事，今世先要做香港人。
前幾日大家好興奮咁講幾套香港電影，可以喺台灣發光發亮時，有冇諗過點解人哋可以光明正大咁上台，講一啲香港已經講唔到嘅嘢，更唔好講「講唔講到」，香港根本講都冇得講，十分鐘讀稿就頒曬所有獎，然後明年取消埋。
喺疫情期間，台灣因為防疫情做得好，電影可以繼續拍、作品可以繼續外銷、票房可以繼續升，成為咗亞洲區一大電影支柱，甚至會因為「金馬效應」，一眾得獎電影票房急升，就好似回歸到正常時期咁，更加唔好講，可以做到個得體嘅頒獎禮，仲因此可以同世人講，冇咗大陸片，金馬獎都一樣可以有好多台灣佳作。
反觀香港，多得有班求求其其、同世界脫節、得過且過嘅老屎忽掌權，政策沒有最鳩，只有更鳩－－相信更鳩的尚未來臨，為咗擦鞋，再鳩嘅嘢都諗得出，更加唔好講，電影業界已經淆緊，戲院會唔會好快又停業...《鬼滅之刃》同《TENET天能》都幫唔到啲咩－－真心雖然有好多小本製作上映，但其實都係「同溫層效應」，就係得呢度大家小眾咁去撐，對票房幫助不大，而戲院只好集氣期待《神奇女俠1984》同《靈魂奇遇記》，點知又搞成咁。
可能台灣嘅嘢我哋冇得羨慕太多，因為我哋前世積過太多罪孽，今世要做香港人，呢單嘢已經唔駛Fact Check都知係事實，但都唔好再搞咁多騎呢鳩事，冇疫情都谷到爆疫情啦。
冇咩嘢，大家去跳個老舞先。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
