【《古惑仔》主題餐廳，喂有得諗喎】
利申，首先唔好又話我收咗人幾千萬出個ad post，呢個絕對唔係廣告，小弟純粹好奇去試吓，真心白銀俾錢食完想分享吓。
老老實實，我未睇過《古惑仔》漫畫，作為影迷當然戲就睇得多，正傳前傳外傳都睇曬－－算唔算係半個香港版嘅Universe？只記得睇到最後《勝者為王》覺得好鬼悶，都係細個「電影1台」「周末片王電視首映」陪我長大嘅集體回憶，漫畫主創「牛佬」整間咁嘅餐廳都要嚟朝聖一下。
講真，餐廳就係間中檔嘅茶記，勝在成間嘢都用曬「古惑仔」嘅電影同漫畫做裝潢，連餐具都係好有江湖Feel嘅「金器」，食物都用埋古惑仔角色同情節去起名，影迷同漫畫迷相信都會會心微笑。
食物喺尖咀嚟講，價錢算係夠平，當然拎到埋嚟後自會明白點解，因為以呢個價錢，份量少得驚人，要食得飽都係去返對面光榮。不過味道都唔錯，本住以身試伏精神，試吓有少少獵奇嘅麻婆豆腐炒烏冬，幾惹味喎，都係果句啦，份量少咗啲。
初時以為餐廳會好多人、係咁影相，同行友人就話，女人就鍾意去排隊打卡姐，男人影兩張相就坐低食嘢啦！果然，間嘢又冇想像中咁多人，「打卡」位都唔係咁多。餐廳侍應都著住有戲內角色名嘅衫，當中最「吸睛」嘅係「細細粒」，拎轉面原來係個超有霸氣嘅阿姐😂
可能，今時今日再拍《古惑仔》的確不倫不類，但睇返呢堆電影海報，見證住九十年代香港最地道、最多產嘅輝煌歲月，唔需要大堆頭超級大製作，夠Local夠話題，觀眾一樣照單全收，票房都夠賣座。今時今日，香港國泰民安，仲洪興東星咩？只有元朗國，沒有古惑仔，唔講得呢啲嘢架，嚟到間餐廳，都叫做懷緬下香港電影曾經百花齊放嘅日子，咩都拍得、咩都講得。
間嘢真係叫「《古惑仔》漫畫主題冰室」，都唔係「期間限定」嘅嘢，喺正厚福街同加拿芬道轉角位，即係以前椰林閣原址，去The One睇戲的話，不妨過對面朝下聖。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
古 惑 仔漫畫 牛佬 在 古惑仔Teddyboy - Facebook 的推薦與評價
Welcome to 古惑仔Teddyboy 《古惑仔》三日刊(逢星期一、四出版) 《古惑仔》精選重修本(逢星期六出版) ... 【古惑人生】第24集：香港元祖江湖漫畫：牛佬回顧 ... <看更多>