【新玩樂點】歷奇公園 @ 葵芳新都會廣場
暑假都過左一半，但玩樂係唔會停嘅🤗無論出面有幾熱，有得去玩，芊嶠與劻霖都不怕辛苦，實行要盡情放電！場內叫得歷奇公園，當然有重重挑戰啦！有繩網陣、攀爬橋、平衡橋，睇落好易，但要挑戰都不一定成功💪🏼
最令人期待嘅，一定係滑梯啦！由5條不同長度，不同款式嘅滑梯，分了直式和滾筒形，不容錯過嘅係3.5米高滾筒滑梯，芊嶠都挑戰失敗🤦🏻♀️佢上左去4次，4次都行返樓梯落黎🤣
氹氹轉，菊花園，炒米餅，糯米糍，試問香港仲有幾多個公園會有氹氹轉玩？想玩氹氹轉？必去歷奇公園，因為有5款新式氹氹轉等緊大家呀！滾輪氹氹轉、三人氹氹轉、五人氹氹轉、樹葉氹氹轉、旋轉青蛙。
特設親子韆鞦，一家四口，一班朋友，坐在親子韆鞦上共聚天倫，影相再打卡呃 like，好美喔❤️公園內還有兩款不同樂器，小朋友可以發揮小宇宙，隨心所欲地拍打或敲打。
影相影到冇咩電？公園內有設施幫到你！公園特設健身運動充電🔋設施，設臥式、手部及動感單車🚲，設施具備充電功能，家長可以一邊做帶氧運動，一邊幫手機充電🔋，大啲嘅小朋友可以代爸媽做帶氧運動，到時就真係小朋友放電，幫爸媽叉電啦🤣
另外，參與逢週六舉辦的「都市農耕體驗」，可享受在繽紛色彩下活動！體驗期間，社企雲耕一族的專業農夫會以生活化的手法作導賞，輕鬆講解農莊的農作物特點及知識，體驗一番田園的魅力後，將進行田園耕作體驗或特色工作坊。田園耕作體驗讓大家化身小農夫，親手種苗、翻土、收割農作物，展開愉悅的農場生活；特色工作坊包括親手釀製風靡歐美的Kombucha健康茶醋、炮製消暑由新鮮蔬果香草沙冰水果撻、學習Rooftop Yoga瑜伽，讓大家進一步親親大自然！
====================
歷奇公園
地點：葵芳新都會廣場 L5 歷奇公園
開放時間：10:00am - 7:00pm
開放日期：2018年7月31日
====================
低碳生活農墟·市集
地點：葵芳新都會廣場 L5 空中花園
開放時間：11:00am - 7:00pm
開放日期：即日至8月26日 (逢星期六、日)
====================
都市農莊
地點：葵芳新都會廣場 L5 空中花園
開放時間：10:00am - 8:00pm
開放日期：即日起 (逢星期一至日)
#新玩樂點 #歷奇公園 #葵芳 #新都會廣場 #放電好去處 #新蒲點 #另有都市農耕體驗 #絕對係一個好體驗 #芊嶠與劻霖成長日記
