關於 台灣係咁架主持人 ，我們在網路上蒐集到這些相關的討論、資訊與評價

#長文慎入 我做過的工作真的很多，而家諗返起其實我真係好幸運，我都真係無討厭過以前做過的工作。咁樣講出來好似好正能量L，每份工作當然都有好同唔好的地方，老闆亦都有好同唔好的，但每份工作我都會學到野同有所得著，如果無呢啲工作，我真係唔會成為今日的我。🤣

1. 性商店打雜
呢份工可算是我做得最長的工作吧，打雜即係乜都做，裝修、銷售、市場推廣、換燈膽、執貨、剪片、宣傳......etc. 都不能盡錄，而我返鋪頭時做得最多的是掃塵，因為我對於鋪頭內存在塵是很著意的，少少的塵在玩具和展示架上就能破壞客人對於我地辛苦建立的品牌形象，我著緊塵的程度我相信都已經或快把店內同事們迫瘋，有時我也有點不好意思，一見到有塵我就會掃掃掃，因為店鋪整潔真的很重要。😅😅😅

2. 性教育工作者
呢個有糧出的意思，都是車馬費吧，但係無論線上線下呢個都係我熱愛的工作。

3. 大學客席講師
我真係好好彩，每年都有機會去唔同大學度做 guest lecture，希望來年復課後會再有機會做！同上，呢個有糧出的意思，都是車馬費 haha。

4. 超市試食推廣員
呢個係我響美國做咁多份兼職中其中一個學到最多銷售技巧的！當地超市老闆或品牌想清貨就會搵人係超市度擺試食攤，而我賣的通常都係餃子或者小籠包。佢地唔會有 sales training，只比一大箱餃子你，就同你講入面仲有一百箱，兩日內賣曬佢！於是我同我妹妹每逢星期六日就會著到去北極一樣，係屋企拎個煲，拎個 gas 爐，企係個大雪櫃前面煎餃子比人試食。我妹妹比較文靜，所以佢就負責後勤的煮食同點貨工作，而我就負責 Bili Bala 咁叫賣同 sell 客。如果我講呢句說話客人會有乜野即時的反應？試食點樣擺靚啲先會有人想食？貨品點樣擺方便客人隨手就拎到？賣得最差的芹菜餃點樣先可以賣得出？如果想成為一個 top sale，我非常建議去做下超市試食推廣員，絕對係學習面對面銷售的最快途徑。

5. 三文治製造員
呢份暑期工令我整整一年都無再食過三文治，原來廚師真係唔想食返自己整嘅野！但係呢度我學識乜野係 franchise 背後的系統，點樣可以確保每間鋪每個人整出來的三文治都大小份量一樣就係連銷店的重要學問。

6. 中餐館待應
....... 呢份工可算是最核薄的，老闆明明請我做待應，但落場休息個幾個鐘要我車佢阿媽去睇醫生，幫佢個囡溫書做功課，仲有去乾衣店拎返啲衫....等等等等....所以唐人餐館打工真係好L辛苦。不過我都學會乜野係核薄的老闆，沒有比較就唔知道乜野先係好老闆.... hahahaha

7. 幼兒園教師助理
還未正式入大學時，我係社區大學讀左兩年。社區大學內有間幼兒園，每個人都想去個度返工，因為係成間大學入面時薪最好的。於是我又走去見工，個度啲小朋友由兩歲到六歲不等，我係個度學識家庭對小朋友的影響，例如有個小朋友響遊樂場上除褲痾屎，個個老師都對佢大罵一番，後來我才發現佢父母離異，媽媽有了新的男友大著肚平時唔係好理佢，所以佢就做出不一樣的行為去吸引人注意。原生家庭對小朋友的影響是很明顯的，幼兒園內的故事真的多不勝數呢...

8. 畫畫導師
我是很喜歡教育的，Arts Education 是我在大學時的副修課，當中學到點樣做 lesson plan，唔同年紀的學生需要乜野的學習方法等等。返到來香港，我做了一個暑期班的畫畫導師。呢個工作令我發誓我將來生小孩唔會迫佢學咁多野，因為其中有個小朋友每日的學習行程都好緊密，每次上堂每隔五分鐘佢就會問我幾多點，因為佢好驚下一堂會遲到，佢每日都生活係焦慮之中，學佢唔想學的鋼琴，跳佢唔想跳的芭蕾舞，游佢唔想游的水，後來佢更因焦慮症而要定時服藥...唉....爸爸媽媽放過孩子啦，好嗎？

9. 動畫填色員
因主修動畫，所以我都有夢想過去 pixar 打工。為左達成夢想，每逢暑假我都跑到紐約跟不同的動畫大師做 intern，填色執稿員可算是動畫工場食物鏈中最低層的生物，但我還是一張一張的執稿，一格一格的填色，因為只有不停練習才能練出真功夫。做動畫 intern 好多時都沒有人工的，但有時幸運的話就會有交通費，但沒有人工不等於沒有收獲，就是因為我的付出，我建立了比其他同學多很多的人脈，後來動畫大師 Bill Plympton 還真的比錢我幫佢的動畫配聲效呢～

10. 幫人放狗執屎員
okay....這是假的....估10的朋友，你們估中了...hahaha，但我係中環成日見到有人幫人放狗，我都會幻想做呢份工作到底會係點呢？

11. 電視節目主持人
呢個你地都知啦，就係 viuTV 的啪啪Partner。

12. 真人騷參加者
呢個你地又知啦，就係 viuTV 的慳啲啦Honey。

13. 商場推廣活動做媒
呢個係有年我中同做 PR，搵人去商場做媒玩一個最合拍情侶的活動，於是我同 Picco 就走去參加，最後仲要贏左，個獎杯仲係屋企。

14. 打奶昔 Barista
呢個同做三文治一樣，做完呢份工，我一年都無飲過奶昔。但同樣地因為是在 franchise 打工，所以學會了連鎖店的管理技巧，但我真的不是管理人才，所以都係教返個波比 Picco。

15. 哥爾夫球場餐車銷售員
呢個好玩！清晨5點就去開架哥爾夫球場餐車係球場上賣咖啡同bagel比有錢的中年大叔，有時佢地會鬥邊個比最多貼士呢～不過做左幾日，我唔小心扭襯腳之後，無得出街就無得做了。

16. 英文補習老師
我啲英文中三前係唔合格的，直到中三那年遇到一位超好的補習老師，用教數學的方法教英文文法，突然個腦就通了，會考英文科Grammar仲要攞A！所以讀大學時我都幫台灣人補習英文，用我係呢位老師度學到的方法教，佢地又係一下子就通了！

17. 廣告公司見習生
這是我在美國大學三年班時經老師介紹做的 internship，那時候的我想像做廣告應該都會好好玩，於是就跑到紐約很有型的廣告公司內做了4個月的見習生，但其實是沒有人工的，只有交通津貼，但我都已經好開心，因為係個度學識咗見客做 presentation 的準備和禮儀。後來呢間公司因為老闆吸毒 overdose 死左就無再做落去了...

18. 出入口公司文員
這是我回流香港後的第一份短期工作，在我堂姐的出入口公司當了三個月的文員，令我學識文件準確的重要性，當然現在的我還是錯漏百出，但比起從前的我已經進步很多。

19. 快遞員
這算是我的第一份兼職，中學時的暑期工就是幫我姨媽的紡織出入口公司送布版，想當年還未有順豐呢～呢份工令我學識塔地鐵同睇地圖。

20. 大學改卷
呢個係我響美國讀書時的第一份兼職，係社區大學內 English as a Second Language 的部門幫老師改卷，其實就係坐係度，對住答案剔岩唔岩，錯左就解釋返個 Grammar 比學生聽，而學生們的年紀通常都比當時16歲的我大。

睇到呢度真係好多謝你，全文咁長你都睇曬，非常佩服！比啲掌聲自己！👏🏻 你又做過乜嘢出人意表嘅工作？
-
圖為五年前為 Sally's Toy 銅鑼灣店油油的我。
———————
❤️支持我嘅性教育工作: patreon.com/veralui
Facebook: sallystoy.vera
Instagram: sallystoy.vera
性事情趣分享 YouTube: sallystoy
家庭生活 YouTube: veralui
我哋鋪頭：sallystoy.com

話說Trump Trump今朝開咗個武肺記招，遇着一個嚟自鳳凰衛視嘅女記者不斷追問，Trump即刻質問電視台係邊度嚟，果然爹親娘親都不及Donald Trump, 呢個反問令女記者即時否認來自中國，亦非黨媒...

根據網上資料，鳳凰衛視係全球性華語衛星電視頻道，主持人來自於中國大陸、港澳同台灣地區。鳳凰衛視總部位於香港大埔，大陸中心係深圳。佢地其實都試過申請香港免費電視牌照架，只係比人DQ咗咁啫，所以鳳凰衛視依家喺香港拎緊「非本地電視節目服務牌照」🧐

［東亞賣盤？我估係賣大陸業務］昨日間間銀行都跌，就係東亞唔跌，有啲嘢嘅。今日仲要升多一成幾。

（又，記得今日18:15睇直播）

1. 首先，我到而家都唔明，點解人人都仲叫東亞做華資，或者港資銀行。甚至鬼佬都仲叫佢係香港最後一間家族銀行。唔好講大生（係生，唔係新）咁極端，喂，即係當大新王守業冇到？

2. 好啦，你自己可以去望下，東亞嘅大股東，到底係乜水。基本上就係八國聯軍，日本仔三井住友，西班牙Caixa，馬來西亞國浩郭令燦，仲有美資對沖基金Elliott Capital。就係唔見港資。咁你勉強可以話郭令燦係「華資」，唔使分咁細。至於姓李嗰家，持股極少，仲要分散，應該都唔係一致行動。

3. 我同東亞真係相當多淵源，呼。首先我細個就住荃灣東亞花園。同東亞銀行應該冇乜關係，但樓下就真係有間東亞銀行！細個大人去，我又跟住去，就係我第一間參觀嘅銀行。

4. 打後，到我做分析員，睇銀行股嘛。時為美好嘅pre 雷曼年代，人人發中國夢，嘩，中國十鳩幾億人，一人買一對鞋，不撚得了呀。之類。For some reason，東亞在大陸嘅業務，非常咁勁。在大陸佢係可以同匯控花旗平起平坐。原因其實都好簡單，因為東亞李生就代表咗香港精神，英殖時佢咪紳士英國貴族，到換旗時佢投共又比任何人快。

5. 亦因為，東亞係其中一隻最早出業績嘅藍籌，所以我好記得。多數啲業績期，寫第一間我都仲有啲心機，去到最尾就變咗行屍走肉了。而東亞當年仲好似年年在Ritz Carlton（舊嗰間！即係而家AIA/CCB嗰度！唔係九龍站！）開，亦係少數會將分析員同記者撈埋一齊嘅公司。有啲分析員當然十分不高興，就梗係高級打工仔嘅傲慢覺得你班農民阻住大爺地球轉。本人就好樂意撈埋一齊，甚至我撈咗我以前女朋友返嚟，財經記者嘛。所以李國寶都算撮合咗我，雖然最後冇結婚。

6. 講開又講，李國寶當年都幾多花邊消息，唔止講咩佢對皮鞋之類，最大單都係內幕交易嗰壇嘢。咁東亞主持人已經講明係講業績唔講李生私人嘢，但記者理撚得你（都好似係好事），點會放過李國寶。但又講下李國寶真係冇乜咩架子，散場時就極速閃入電梯，同我一齊！冇話咩幾個大漢做保鏢咁。當年我仲記得啲記者追訪佢，結果打到我（啲記者好多架生嘛，特別係攝影或電視台）。呀寶哥哥仲同我say sorry！

7. 不過講到very sorry，不如都係講返個股價。再講一次，當時係美好嘅pre雷曼大中華膠年代，隻東亞一度股價六十蚊！你可以望下而家幾錢。而當年，美好嘅pre雷曼年代，本人都去對沖基金見工，有個年輕過我而又唔靚嘅小女孩煙我，咁循例指定動作都叫你pitch隻股票（其實即係畀冧把，用英文即時好似好pro）。我就講東亞，畀佢恥撚笑到我一楝都冇。事實亦真係如此。當然工亦係見不成。

8. 往後嘅事大家都知，東亞啲大陸業務就真係麻麻。特別近幾年香港反大陸嘅氣氛咁勁—但我想講，真係唔好將個焦點放在「進軍大陸冇運行」。實情其他外資行做得不錯，「主要係東亞自己嘅問題」。證據？你見佢香港都不見得做得好丫。股價盈利就係一切。

9. 然後仲有壇嘢。2014年我在耆英證券被炒，高人安排下幫我搵個地方安心立命，嗰間嘢（我有一期係返灣仔的）正係東亞下面嘅子公司。亦都所以啦喎，我當時都係東亞嘅員工。咁就大家明啦，你懂的。但畢竟我打佢工，佢又冇待薄我，我就所以到2020年先寫呢啲。雖然檔嘢其實冇耐賣咗畀台灣佬，亦都所以點解我又打過台灣佬工。BTW我做啲公司都幾興賣盤，耆英亦係我在位時賣畀馬拉佬的。所以我就由打兩份工變咗打四份工。

10. 東亞近年積弱云云，都不用我多講。咁多八國聯軍，有啲據說係李家啲朋友，但更多係來者不善。想狙擊佢又有，想買起佢（間公司啫，唔係佢條命）又有，想拆骨嘅又有，乜都有。總之我都好想知佢地嘅董事會係點開的。

11. 但，日本仔或者國浩西班牙嗰啲都唔講住。近幾年個焦點係美資Elliott。呢個擺明就係想拆咗李家個台，覺得佢經營不善，早賣早著。我純局外人角度睇，指控係應該成立的，始終股價就係一切。銀行經營係難，但你睇東亞啲股價，真係跑輸其他同業都好多。

12. 李家點玩？其實都係好簡單嘅一招，配新股畀啲疑似自己友（例如日本仔），然後攤薄Elliott嘅股權。咁都得？好似真係得的。所以唔好話供股賤，其實呢啲配股仲賤，你想跟都冇得跟。然後故事就係Elliott直頭告上法庭，話呢個行動損害股東利益云云。大約個故事係咁

13. 最新玩法係乜？你見到個股價咁升梗係有啲嘢。原來話東亞會做個Strategic Review，仲請咗高盛去做顧問報告。呢度就充滿聯想啦。

14. Strategic Review嘅嘢，最正常，不外乎睇下有邊啲唔掂嘅業務賣咗佢，或者有啲邊市場撤出咁。有人估話東亞賣盤，但我估唔係，照計賣盤就唔使搵人Strategic Review，大股東自己出面傾咪得。

15. 另外留意，今次呢個Strategic Review，係得到Elliott支持的。仲話會暫停個訴訟。講得白啲，大家都係求財，唔好累鬥累。東亞可能自知理虧定乜，或者想送走Elliott，咩都好。可能讓步，可能做啲嘢，令到幫到股價，咁Elliott賺錢咪走人。對沖基金嘅嘢，搵錢啫，真係同你run間銀行咩

16. 咁會係有乜搞作？我都冇乜細睇。但其實東亞之前都賣走過唔少嘢（包括我以前間公司，賣咗畀台灣佬）。真係仲要賣，而又夠大嘅，可能真係成檔大陸業務賣咗佢。畀第啲外資又好，畀中資又好（但我懷疑中資會唔會接，除非好平價）。
17. 即管又睇下之後發展係點。當然有人話可能係BEA Union藍十字，甚至馬來西亞Affin Bank之類，冇細睇，但，應該未大到Elliott滿意嘅地步吧。定或者係BEA Life？夠大未？