早前富邦金控宣佈全面收購日盛金控，搞得台灣金融界天翻地覆，連政界女神高嘉瑜都插把口走去質疑背後係咪有不可告人嘅秘密存在。
事緣日盛金自從同佢關係密嘅嘅肖建華被拉後，前景極不明朗；但響呢個人人唔睇好嘅情況，富邦竟然提出全面收購。
以目前日盛金困局黎講，要收購根本有好多方法選擇，發動敵意收購係最壞嘅一著；而響呢個奇怪嘅時刻用呢個奇怪嘅收購方法，原因就只會係幫中共甩手資產，借送錢比大陸政府輸誠。
其實好多港台企業過去都對大陸作出好多失敗投資，理由可能唔係單單眼光唔準咁簡單，而係因為太多資金投放響中國，結果響北京政府威逼之下，唯有收購若干不良資產，或者以高於市價買入作為「交保護費」之用。
不過香港同台灣最大分別就係，台灣金管會始終都係效忠於台灣政府，所以響審核併購時至少會從台灣公眾利益出發，但香港就只能靠小股東同輿論監察。
呢單新聞遠在台灣好似同香港無關，但高嘉瑜入面提到一個人名叫吳榮輝。佢當日係作為肖建華代表收購各項資產，其後加入富邦一度成為策略長，響呢件併購事件上角色可疑。而吳榮輝響2015年代表蔡明忠家族入股康宏環球，目前擔任康宏集團總裁兼執行董事，正正係早前康宏環球爭奪戰嘅主角。
目前吳榮輝控制嘅董事會一直就住康宏環球復牌程序嘆慢板Hold住四十幾億資產同8億現金，一旦被證監會除牌，一眾小股東到時就求生不得求死不能。本來呢單嘢一向只被人視之為財務糾紛，但當爆咗富邦幫中共脫手資產「交保護費」之後，就令人懷疑究竟吳榮輝響康宏環球呢件事入面，係咪會有另一層陰謀存在？
最值得懷疑嘅一點就係，自從爆出「謎網風暴」事件以後，多名康宏環球董事相繼被拘留協助調查，偏偏就只有吳榮輝完全無事置身事外，會否就是因為他和中共千絲萬縷嘅「影子代理人」關係？如果台灣蔡家只係在商言商，點解佢地會容許代表佢地嘅吳榮輝搞到康宏畀人除牌？吳榮輝作為康宏集團總裁兼執行董事，在康宏環球嘅各種操作，會唔會係同今次富邦收購日盛一樣，係共產黨另一種財技戲法？
無論如何，今時今日中共黑手已滲透各個範疇，吳榮輝唔會係第一個，亦唔會最後一個有嫌疑嘅白手套，而無論係對小股東定係對香港金融界黎講，康宏環球盡快復牌都係最正路嘅選擇，除非有人從中作梗。
台灣蔡家 在 [問卦] 台灣五大財閥家族之一蔡家是如何興起的- 看板Gossiping 的推薦與評價