陳奕迅同蔡依林近日合唱由雲南廣播電視台出品嘅抗疫歌《Fight as One》，Swing 兩位成員 Eric Kwok 同 Jerald 都有份填詞同 produce vocal。MV 入面出現世界各國醫護畫面，幫佢地打氣，但就唯獨無台灣醫護，更有唔同國家嘅細路仔拎住畫作，上面有「感謝中國」、五星紅旗等，引起大量網民批評，MV 出現超過3萬7千負評，係正評4倍有多。
唔止負評，有網友更發起抵制，台灣討論區 PTT 網友 jones 留言：「蔡依林，一個認為自己渺小的亞洲天后，明明比更多人有選擇權，還是去中國。」「蔡依林可以抵制 雙標超噁心」「菜淋（蔡依林）真的令人蠻失望的」
睇到網友海量負皮，蔡依林打破沉默，指自己感到好渺小，話就算未來比大家點講都好，都要多謝大家，及一眾脫粉嘅粉絲：「在某個時間，你忽然間，不再需要我了，也不再記起我了，我都相信，那也本是我該收下的生命之禮。」
至於陳奕迅就例牌無回應，幾日前只係 upload “Can’t hide LOVE” 嘅相，留言話：「烏雲總會散去。冇嘢可以阻擋到我哋嘅愛，以及我哋對彼此嘅仁慈同埋友好。」用大愛面對疫情。
台灣討論區ptt 在 [閒聊] 大家知道台灣論壇嗎? - 看板WomenTalk - 批踢踢實業坊 的推薦與評價