《我係金融友，請的各位出來投票》
本來我係一個會關心政治的金融界廢青，不過今屆我跟得不算太貼。因為自己業界發生了諮詢文件的風波，所以我把所有心力都投放在這渾水上，直選的大方向會留意，但不算跟得太貼。尋日跟我的老師無神論者的巴別塔晚飯，佢醍醐灌頂，補充了所有直選的二、三事。
今日我只講幾點：
第一，一定要出來投票。今屆係最不公平的一屆，由天琦入唔到閘、到無限抹黑，無限掌手雷，無限賂選，很多人都無信心，不過無論點都好，希望大家都要出來投票。
第二，請支持素人。引用自己在AM730寫的：「素人我都唔知應該點定義，係一種無「政客味」的感覺、新面孔的清新感覺，有幹勁無包袱的感覺，你會明的，只要見到張名單，你會一眼睇得出素人和萬年政客的分別。華文世界的政治大勢都係講素人政治，隔岸的台灣，柯P輕鬆打垮了政治成分良好的連勝文，就連對上的區議會，傘兵的新面孔，也打垮了不少紮根多年的老區議員。......
再睇番回歸後十年的政治運動，年輕人嶄露頭角，論政水平、號召力、媒體關注、影響力都遠超所謂的政治人。時代興講「拆大台」，所謂政治組織、政黨好似做到有個平台，有靠山的感覺，但去到最後都係靠你自己，「大台」係唔會俾到咩著數你，相反仲要抽乾你。」
唔好再含淚、唔好再為大局乜乜乜，有邊個想投，就直接投邊個。張票係你自己，我地係無責任年年都含淚，因為credit用左就無左。你想投本土派就投本土派，想投泛民就投泛民。就算投建制派素人，也好過建制老屁股。
詳情請看：《政治財經，已踏入素人年代》http://www.am730.com.hk/column-327847
第三，想講棄選。我會用一個財經角度去講，星期二應該會寫。結論係：知恥近乎勇，不過有社會成本。就算你話退選，多少都有盲毛會投了公布棄選的候選人。那些票，就是dead weight loss，浪費掉。
第四，戴學者的雷動計劃真係超級on9，仇斯達同佢的益友係頑皮，但雷動真係無用、無效、又浪費資源，最慘係淪為誤導選民的工具。
第五，關於錢銀問題，我都係為了以正視聽，所以講多兩句。首先，香港有錢人真係比想像中多，所以籌錢不難。我知道有政黨因為在中銀等中國背景銀行開到戶，被講成投共。現在一般中小型公司要開戶難如登天，匯豐是一例。現在於商業世界比較易開戶的係中銀，所以在中銀開戶係無可厚非，商業世界呢幾個月在中銀開戶的多不勝數，因為其他銀行根本做唔到，就算匯豐你直接識個RM，都唔會開到戶。
第六，我最關心金融服務界的選情，如果張華峰輸了，佢一定係輸畀我這個廢青手上。筆戰啊拿、撐諮詢文件啊拿......結論：千祈唔好得罪我。
台灣銀行開到幾點 在 為何台灣的銀行營業時間只有到3點半? (第4頁) - Mobile01 的推薦與評價
銀行 三點半關門是歷史因素就是前面有人說到的要結帳早年都要人工，結帳時間要很久，3點半開始結帳，6點半能下班就算早了 這有兩個衍伸問題 ... <看更多>