關於 司機唔係機師 ，我們在網路上蒐集到這些相關的討論、資訊與評價

【妄想】

童年嘅幻想，中老年嘅妄想

Top Gun黎到2018出續集，呢套戲雖然唔係什麼奧斯卡經典，但當年1986年一定影響唔少嘅細路（依家嘅中老坑）。試問有邊個男仔當年唔係一睇再睇，睇完之後死慳死抵都要有MA-1軍褸，徽章皮褸，Ray Ban Aviater黑超是但一樣「裝備」，（性）幻想自己係空軍（仲要係美帝嗰隻）？

就算到今時分日，呢堆架生對於好多男人都有一個重要嘅地位㗎。身邊起碼有好幾個朋友，大晒肚腩或者地中海光晒頭，一著件軍褸上身，帶埋副Ray Ban，就當正自己係機師。揸住架七人車就上晒身當咗係F-14戰機，而隔離線嗰啲的士小巴咪就係米格機敵軍。（飛彈係乜？粗口囉）

正所謂這些機會...廿年後嘅軍褸，黑超，電單車，什麼都可以唔變，但係人地個女主角老咗（好多），可以換個後生同靚啲嘅。各位「型佬」請記得番黎現實，你身邊嗰個點都無得換嘅（因為童年現在一般可愛）！所以嗰啲係童年幻想黎㗎，依家直情係叫妄想，除非希望Highway To The Danger Zone...

Photo Source: 英國高質報紙Daily Mail

#記得湊個仔去學琴
#同埋車個女學跳舞
#順便接埋外母買餸
#然後去商場接老婆

#司機唔係機師
#Stepwgn唔係F14

【塞車的好】

飛龍在天空，車龍在天橋。

初雨嘅道路，加上濕滑嘅司機，車龍就此橫空出世。

本來20分鐘左右嘅車程，見到一片尾燈嘅紅海，心頭想唔平靜都唔得。

「喂阿生唔好意思，前面好塞呀，希望你唔太趕啦。」

有時侯我會問乘客趕唔趕時間，如果好趕就睇下有無辦法走。只要唔係以小駕之心，度君子之腹，就會明白司機真係為乘客著想。有時乘客真係勁趕而遇著塞車，改去地鐵站絕對係雙贏做法。可惜我哋喺隧道口塞住，我只係司機唔係機師，實在無咩嘢做到。

「老婆？我塞車呀，你訓先啦，唔駛等我喇。塞死咗呀，唔知幾時先行得。」

乘客強調完有排塞，順利氹咗老婆訓覺之後，就伸個頭黎中間，望住前面數之不盡嘅尾燈發呆。

「唔怕喎，應該塞多十幾分鐘，唔會太耐返到嘅。」我安慰乘客，其實好多輕微交通意外都唔係塞好耐，只係無預期之下塞十到二十分鐘，逐分逐秒數住塞幾耐，就會覺得好耐。

「我唔怕塞車呀，仲好鍾意塞車添，搭車搭得愈耐愈好。」「塞車有咩咁正？」就算唔係搵緊食，揸自己車或者搭車，我都只想儘快到達目的地。「自己一個塞車，就係唯一私人時間，靜靜地自己諗下嘢，發下呆，等個腦可以休息下嘛。」乘客解釋返。「咁返到屋企有老婆陪住，仲減壓啦。」「司機你梗係未結婚。老婆陪住，有時係減壓，有時係加壓啊，喺屋企想咩嘢都唔諗，得大便可以咋，咁無得大成個鐘㗎，塞下車塞成個鐘就MAKE SENSE。」乘客講到咁，我附和句「都係嘅」就由得佢沈醉喺難得嘅平靜之中。

無其他人，只有自己嘅私人空間，確實真係唔多，難怪咁多人鍾意獨自去揸車，寧靜而孤獨嘅車廂，實在係生活中難得嘅避風港。對於有家庭有事業嘅人而言，生活上盡是驚濤駭浪，一刻嘅風平浪靜得來不易，咁樣睇，對於男人女人黎講，塞車亦屬一樂。

潛龍勿用，車龍有用。

#塞車
#lazytaxi
#的士
#taxi
#我的你的紅的

【職場ETV】► https://goo.gl/zxF1AS
司機（OT：司機 - 余文樂）
作曲：伍樂誠
作詞：Oscar@903、檸@903
編曲：梁子
主唱：Oscar@903、檸@903

西裝正 頂帽靚 仲戴超 高級 嘅裝
兩膊上 四間就 係最威 型到 太虛幻
係佢飛機司機 佢又簡稱機師 來又去 唔係當玩
幾千旅人 人人條命靠哂佢承擔

從來唔做拓海 機師必須要夠裝載
正副機長未會倦怠 人人都愛
空姐親他一下 也應該
其時唔係搏彩
機師的課程 好似乜嘢都要
給涵蓋
讀到痴根先至可以
迎來全世界大愛
▼▼查看更多▼▼
星In My Car►https://goo.gl/SxCsKr
新蚊無神惡搞現場►https://goo.gl/QMc4pn
新蚊怪談►https://goo.gl/xSCjlX
訂閱《新Monday》頻道►https://goo.gl/5s2pto
《新Monday》FACEBOOK專頁►http://facebook.com/newmonday.com.hk/
《新Monday》官方Instagram ►https://www.instagram.com/newmondayplus/