關於 吊鹽水作用 ，我們在網路上蒐集到這些相關的討論、資訊與評價

《防疫這種笑話》

『一早封到關，你就係台灣。』
呢句，係個的士阿叔講嘅。

一個的士阿叔都識嘅道理，唔難明。

由於一開始佢盤棋已經行錯咗，
而家已成殘局，所謂防疫，已經去到「一切太遲」嘅地步。

又或者只係做下樣，
封下你酒吧封下你GYM Room，
再搵個藉口屌班市民出街。

除咗「侵害你嘅人身自由」之外，作用有限。

個政權好幽默，覺得全部人出街就係錯。
90％嘅人出得街，實有佢哋嘅原因。

正如你班官都要出嚟開記招一樣。

你作為人類，就係有流動性。
而香港特色有兩個。

1) : 人口密度高

一句講完。
搭個巴士，行落街市，你已經接觸咗好多人。
而呢個係不能避免。

2)：你無得停工

疫症之下，啲公司都吊緊鹽水。
咩全民WFH；咩全城Lockdown，講出嚟好夢幻，
但後果就係公司倒閉，基層餓死。

正正係唔病死，都餓死。

－－－－－－－
所以結論好簡單，
一開始做得唔好，
而家做咩，成效都係得10份1。

「限制你嘅人身自由」，
精神損害分分鐘大過抗疫成效。

真話好難聽，
過份恐懼，無補於事。

我覺得香港人捱過1、2、3波，
只係本身具有一定人民質素，有做好基本防護措施。

That’s All.

你話因為你唔畀我食晚飯，所以抗疫成功？
荒天下之大謬。

MeWe：張晨
https://mewe.com/p/%E5%BC%B5%E6%99%A8
（不讓單一科技平台獨大，由12月1日開始每日一文，直至12月30日）

IG: cheungson88
https://www.instagram.com/cheungson88/
（很少人Follow的acc，有時說說生活事）

有關靜脈導管置入術（Aka打豆）的資訊

看到不少讀者都對靜脈導管有不少的不愉快經歷，不妨了解一下醫護人員的角度，彼此了解大家的處境。

首先我們必須了解的一樣基本概念

「如果可以一針上，無人會想打兩針」

「如果可以一針上，無人會想打兩針」

「如果可以一針上，無人會想打兩針」

好多病人會投訴被打幾針才上，覺得醫生、護士或抽血員手勢不好，訓練不足。其實，有誰不想一針上靜脈，你不能想像一針上靜脈（特別是兒科）的快感有多爽，沒有醫護人員會想瘋狂用針吉病人。

說到訓練，其實所有合資格進行靜脈導管的醫護人員都會在實驗室用假人做過一次又一次的simulation，確保proper aseptic and cannulation technique。但我們都必須明白，假人和真人完全是兩件事，就算你在假人身上是drip神，實際操作時完全不一樣。

以下為一些我們常見遇到的困難或病人不滿的地方

1. 脫水：不少需要靜脈導管的病人都有不同程度的脫水而需要吊鹽水或糖水。例如腸胃出血、腸胃炎痾嘔、感染發燒肺炎等等，這些病人因脫水而令血管不明顯，令打豆難度大增。

*當然有些senior急症室護士或抽血員，無論幾peripherally shutdown都可以搵到條血管去打。但對其他經驗無咁豐富的醫護就不是想像中的易。

2. 非常幼細的血管：平常甚少運動的病人的血管普遍較細和不明顯，增加打豆難度。

3. 痴肥或嚴重水腫：痴肥或有嚴重心臟衰竭或肝腎衰竭而嚴重水腫的病人會令血管非常難找，有時候見不到摸不到只能推算下針。

4. 打豆後成手瘀晒：這是非常常見的副作用，絕大部份的情況下無害，身體會慢慢分解吸收瘀血。但很多病人都覺得是打得不好才會，但其實好多病人特別老人本身有食薄血藥或凝血方面比健康年輕人差而導致瘀血，即使drip神也會有這問題。

5. 醫生護士經驗不足：這跟請fresh grad要有extensive經驗的概念一樣。無人天生就識打豆，經驗只能靠不斷練習去累積，初初打一定會很多改善的地方，這是醫學無奈的地方，你看再多書，在假人身上練再多，都不及對病人的經驗好。

6. 打手背好痛：一般來說會先從遠端血管著手，因為一但不成功仍可以向上找血管打，避免一開始用手臂失敗後用手背的extravasation風險。

見到很多讀者有不愉快的經歷，覺得醫生護士好流，技巧手勢好差。但我想帶出一點的是，打不上的醫護人員的經歷也不會好到那裡去，First go is the best go，每一次的失敗其實都對醫護來說是更大的壓力，如果可以一針上，無人會想打兩針。

講咁多不是為了找藉口為打豆失敗開脫，而是想大家明白

「靜脈導管會失敗是必然會發生的事」

「靜脈導管會失敗是必然會發生的事」

「靜脈導管會失敗是必然會發生的事」

當我們更了解醫護的困難時，或許可以多點同理心去理解和體諒對方，當大家累積足夠經驗後便會成為更好的醫護人員。

#成日會見到病人要求最有經驗的人幫佢打
#永遠都搵drip神打咁其他人點練好手勢呢
#如果可以一針上無人會想打兩針

［英超重開睇呢啲］就梗係，睇錢啦。今季收入大跌，但下季就反彈啦。

TL：DR—閉門唔緊要，最緊要有睇電視嘅你。而識買梗係買客隊

1. 大師冇點你，我4月15號寫嘅 : 「你話送球員去死都好（但，屌，你自己咪又係星期六去長洲去西貢），但我估復賽，六七月快手搞掂埋佢，閉門又好，去新加坡又好，點都踢晒佢。電視廣播肯找數，贊助商肯找數，球星減少少人工（唔會太多），會方食少少，大家好做。」—時間都中埋。

2. 今晚英超重開，埃汾當然就…..唔會睇。實情連now 台都冇。並非矮化英超或乜，而家其實以前會睇嘅德甲都少睇，頂多星期六日未訓嘅就睇。週中啲夜波就不了，例如拜仁拎冠軍一場我都冇睇。倒係歐聯我都仲會睇嘅。至於世界盃歐洲國家盃（已死）都會。

3. 講返，上次寫過一篇（https://bit.ly/2Bgbw6G），「英超停擺，球會輸幾錢？」。反應並非特別好，所以續集亦冇下文。不過篇文算寫得不錯，最重要係，而家咩都講錢架啦。唔了解足球商業生態嘅，可以睇下。

4. 而亦都認下叻。篇文4月15號寫，當時仲係不少人覺得「疫情未見頂，日日死人，點重開？」。但本人已話你知，正路地，真係不能腰斬。事實你而家見到啦，德甲重開，西甲英超都接住，歐聯亦都應該會照去馬。原因？亦係錢作怪。錢緊要過人命？Sorry，唔好咁港女。你M痛但廚房水滾條仔去熄咗火先，就唔代表煲水緊要過你，或者間屋（燒著？）緊要過你。係取捨，係幾多錢同幾多人命嘅取捨。一句，腰斬係好大鑊的，好多好多錢，所以老死都要踢埋佢。

5. 岔開少少，寫文時好似已經有聯賽腰斬，但當時我都估五大聯賽點都照去。原因？正係本斥但大（https://bit.ly/2UPUwek），太多錢了。但結果法甲係腰斬咗，我都估唔到—然後而家又話踢附加賽（https://bit.ly/37CI8n8），亂嚟得很。法國佬係咁架啦，好彩四大冇腰斬，否則彈出彈入咁都幾煩。

6. 講返英超復賽，只係睇兩樣嘢。第一樣係錢，第二樣陣間講，主要都係錢。

7. 首先，我唔太熟，但就我理解，之前討論過唔少方案，腰斬呀，計每場得分呀，用電腦模擬呀，去大陸（！）去新加坡去香港踢埋佢呀，又有話中立場但又有啲細球會話唔制要攬炒呀咁。講到尾都係錢，而家亦傾掂數，全部都係錢。有潔癖嘅，我建議你都係去睇英乙英丙之類。英甲都唔好睇。

8. 鍾意講咩英式體育傳統嘅，不妨諗下係咪閣下出糧係咪你賠錢，而傳統上就肯定唔係你班Crazy Rich Asian去買貴飛睇波，藍領玩意嘛。但，咩年代呀？咪玩啦。現代足球籃球都幾得意，成班億萬富豪嚟娛樂你班窮撚，等你地入場或睇電視有得發泄。我懷疑其實韓國成日拍埋啲逆權乜乜都係咁嘅作用，明明又係啲財閥拍，就係拍嚟等你有得宣泄。以前就宗教，而家就睇波睇戲做精神鴉片。

9. Economist 篇文有講，（https://econ.st/37Jhb1h）但其實我都有寫過下。電視轉播，係最為重要嘅東西！真係唔好再飛機啲咩現場球迷。你見德甲重開一樣係閉門，西甲都好似係。門票收入都緊要，但冇電視咁緊要！其實有數得計，我畀你係魯營都好，坐到幾多人？十萬？但電視可以reach 幾多人？而且現場人數仲要係大家互相爭，我睇咗魯營，就不能同一日去班拿貝（咁一場朝早一場晚都得嘅）。但我在屋企食住雪糕睇波，鍾意兩邊一齊睇都得，一邊睇英超一邊睇德甲都仲得。

10. 如果冇記錯，咁多聯賽之中，英超球會，係最倚賴電視轉播嘅。因為受歡迎，同埋賣得貴。特別係中小型球會，因為英超相對地分得平均啲，細球會同大球會分嘅錢冇其他聯賽爭咁遠。上一季，講緊電視轉播，佔6成收入！超過一半。中小型會當然更多，般尼茅夫之類，佔九成。迫悉匙以外嘅其實都佔七成以上。冇得播，就執笠都似。唔係講笑

11. 睇到呢度，你都知，個玩法一定係閉門。有轉播，就可以吊住鹽水先。腰斬？就當然要回水畀電視台之類，實際幾多唔知，但大約就係斷場計，29場收皮，咪退返9場錢，大約成季嘅廣播收入四份一。都會死人的，更唔好講下季會點。而英超球會嘅財政健康，只係麻麻地，蝕錢嘅多，賺錢嘅少，雖然唔係蝕得好勁（某程度上多得FFP，財政公平競技，防止啲富豪不停洗錢蝕住當玩具）

12. 但當然啦，唔復賽就死得人，復賽都唔代表冇事。你閉門嘅，啲match day 收入就會跌到近乎零，而分分鐘真係全季都要閉門，一個唔該下一季開始時都仲要。呢度係打擊。贊助商亦當然會縮皮，全世界都經濟不景。仲有，理論上，廣播權好似一簽三季，就「合約精神」。但，「不可抗力」嘛，唔知入面有乜clause，似乎轉播費都係可以要你回返啲。就算真係「合約精神」都好，到下一次續，點都冇咁爽手了。

13. 當然仲有，轉會收入。咁環境，啲球員身價點都會跌。但，你可以話零和遊戲啫，球員身價跌，咁買嘅球會，咪又畀少啲。例如拜仁似乎可以平價買到唔少好東西，包括利萊桑尼，我估漢尼斯晚晚發夢都偷笑，原本講緊億幾歐羅買，而家可能一半就得，真係幫拜仁慳唔少錢。

14. 咁而，又係懶查（趕住食飯），但我理解，英超啲大會，係net buyer多。所以球員身價跌，反而對佢地有利添。咩會仆街？咪啲net seller嘅會，亦有人叫feeder club。我諗到，咪可能修咸頓，波圖，馬體會，阿積士之類，就多得呢個疫情唔少了。

15. 係喎，即係，明顯地，同其他行業一樣，肺炎，又係加深貧富懸殊的。大會可以平價買人，細會就被壓價。我甚至未計話咩一場出5個後備之類，一定係對大會有利，車輪戰慢慢玩你。

16. 但，又唔好睇死英超，或歐洲球會唔同。亦同股市一樣，啲友去話，喂，「股價脫離實體經濟」，講今年啲盈利冇晒。係，咁但，你一間公司嘅估值，唔係睇一年嘛。請睇圖，正路地，下一季嘅盈利，就已經反彈返去肺炎前嘅水平啦。

17. 原文作者有講返，過去30年，英超壓倒歐洲其他聯賽成為全球最富有，唔係靠好波（使唔使講下意甲小世界盃嘅年代？或者當年仲有外援限制時（好似），巴塞外援三寶係羅馬利奧史岱哲哥夫同赫傑），係靠商業頭腦—咁到有錢自然吸到球員返嚟。

18. 英超球會嘅收入，超過西甲同意甲加埋。而地位亦都唔會因為德甲西甲早少少重開而受影響。至於入場觀眾嘅嘢，一路話呢舊嘢佔比一路跌緊。

19. 所以好簡單，命根就係睇電視嘅觀眾，即係今晚睇波嘅你。記住第時畀人串你冇入場睇波，都可以講自己先係真老闆。

20. 呀，都唔記得講二樣。趕食飯，快講。明顯地見到，德甲重開後呢，主場優勢係少咗好多嘅。似乎證明球迷入場打氣真係有用。咁照計英超都係咁。咁即係點？咁你可以留意下啲賠率，睇下個「市場」係咪已經price in．我嘅直覺覺得，應該係有啲水位，應該客隊嘅勝算係被低估的。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。