Search
呢句說話一定係咁多位媽媽都講過嘅！
媽媽要照顧小朋友嘅野特別多，由衣食住行到大啲返學嘅時候要對功課，帶佢地參加課外活動等🙀
好多媽媽都會好緊張小朋友帶漏野，成日提小朋友要點做，而小朋友總係成日唔記得媽媽講過嘅野，搞到媽媽成日要重複同一句說話好多次🤥
#bbguidehk #bbguide #媽咪 #親子活動 #香港媽媽 #懷孕日記 #嬰兒 #湊b #親子活動 #媽媽 #湊b #媽咪日記 #hkmama #hkcouple #hkgirl #hkmom #hkmums #hkbb
#台灣媽媽 #寶寶日常 #育兒日記 #媽媽日記 #媽媽日常 #sgparents #mummytobe #寶寶日常 #育兒日記 #媽媽日記 #媽媽日常 #hkparents #hkbaby
[閱讀時間警告，長篇的，但認真］
尋晚約咗三個好耐冇見嘅大學同學食飯打麻雀, 難得的輕鬆, 雖然輸咗幾百蚊都開心. 今日星期日瞓晏咗，後來睇Facebook有幾位網友send左一條在自助餐放題集中討論區對牛角Buffet雅蘭分店的投訴俾我, 叫我睇睇乜嘢事. 網上世界天大地大, 有人喜歡有人批評都實屬正常，冇理由去干預或者回應，但係今次由於當事人都有發俾我，而且我見到點左我名要我回應的，加上調查結果確實係有重大蹺蹊，所以希望都講一講。
我爸爸到我公司做飲食超過40年，今天40間分店，每年服務數百萬人次，坦白講，點樣確保數百萬單交易每次都完美，我作為CEO每天都思考呢個問題。特別我本身係工程師出身，所以我比較希望通過建立制度（而唔係老闆每天自己巡舖人治），所以我哋有好多數據的。但係接觸客人又好緊要，40間分店點接觸？好彩有互聯網，所以每一張餐枱上邊都搵到我自己嘅電郵同埋Facebook. 不過所有呢啲都唔會保證每一單交易每一個客人都完全滿意, 因為飲食業其實係live演唱會，所有嘢即時發生冇得NG, 唔係工廠製品可以QC檢查一個星期先至交俾客人. 所以我作為老闆/CEO, 可以保證的是公司制度同文化：絕對唔會欺騙客人用假貨, “貨真價實童叟無欺”. 這是數十年來我們的價值觀、神聖而合情合理的基本商業道德，否則我們也不可能經營超過40年.
公司文化我作為老闆有責任建立同確保, 然後就係制度. 用返今次呢件事嘅例子，牛肉既然唔係工業製品，每一隻牛每一個部份每一件都可以唔同樣，咁點樣可以盡量確保唔會比錯客人呢? 呢啲就牽涉制度建立包括培訓. 每一個菜式我們都有「手順書」，有標準的製作方法、斤両大細。唔同嘅肉類我們會選擇使用唔同嘅器皿，上邊亦都有擺一張註明是什麼品種肉類的小卡，盡量減少犯錯的機會。 我強調，係一個現場live嘅環境，只可以盡量減少犯錯機會，但係確保唔到絕對冇錯的, 所以萬一真係犯錯我們會調查、補救、賠償、改進，然後做得更好。每日都有好多客人直接message我，他們都知道我們真的會認真處理的。 （當然亦有很多很多客人對員工讚賞，鼓勵他們）
講咗咁多我想講咩呢? 即係好似曼聯領隊蘇斯克查可以確保C朗真的是C朗(不是頂包的), 可以盡量做好球員訓練, 但係確保唔到每一場比賽C朗都會入波，都一定贏對方5:0, 確保唔到每一場都全取3分。但係肯定會盡力奪取聯賽冠軍，報答所有球迷。我們都一樣。
咁講返呢一個個案, 首先客人食得唔開心我必須要致歉的. 當然道歉冇用，我上面都講過會認真調查，所以今日好多管理層作出咗好多跟進, 包括調查電腦記錄同埋閉路電視, 相關員工的口供. 似乎客人一共有三個質疑: 1)和牛 2)雪糕 3)埋單。
先睇返事情背景同埋一啲客觀事實：
根據電腦記錄, 客人一男一女於2021年9月18日21:09:06入座，客人為公司會員, 選用Level5放題餐. 期間一共在落單平台點選49次（每次1-4人份量），另外多次去自助區自選食物。期間曾表示軟雪糕溶解（這一點以下會詳細分析），去到23:19:49 (即係兩小時10分鐘之後) 客人舉手要求協助，首次表示牛肉質素欠佳. 客人於23:11:00 以信用卡支付$1756, 及後於00:05:21獲得$878現金, 00:07:06離開餐廳.
喺睇詳情之前我都好想爭取一下大家嘅諒解, 其實我們打開門口做生意, 都明白香港客人經常去日本旅行對食物質素相當有要求，香港人好精明俾幾多錢你你俾返幾多野我, 所以我攞住個宗旨就係Value for money, 特別係放題，真係無限量任食的，只要唔浪費你叫幾多我哋都咁開心歡迎, 出邊無論單點餐廳定係超級市場, 幾多錢一客和牛大家都睇到，我們做的就是量大，從日本進口大量和牛（餐廳嚟講我諗我哋都算香港數一數二的進口量，所有進口單據上市公司好清晰），由於比較大量就可以盡量做到壓低個入貨成本，然後就做到比較相宜的合理價錢做放題。 頭先我都講每年有數百萬客人幫襯我哋，其實香港人真係好合情合理，冇理由話要求食放題每一碟牛肉都好似拍廣告嗰種完美雪花狀態，我哋咁大量採購返嚟，每一隻牛有啲唔同每個部份都有啲唔同同一個部份前後都會唔同真係天然現象，因為牛肉不是工業製品。當然你可以鍾意或者唔鍾意，覺得下次再幫襯或者唔幫襯，呢個都係客人嘅選擇，我哋當然係努力做到最好去爭取每一位客人。 但係將心比心，如果你做老闆，客人食咗兩個鐘頭食咗100碟嘢食之後，然後到買單嘅時候同你講，頭先啲嘢食我唔滿意，我覺得你呃我，所以我唔俾錢，或者隨佢自己心意我鍾意俾一半，你覺得一間公司應該點處理？果一位負責埋單的前線同事，面對咁樣嘅客人佢係面對緊一種怎麼樣的壓力？喺接近凌晨12點嘅時候出現咁嘅狀況佢可以問邊個俾意見佢？ 我今天聽同事調查，最後我那一位充滿壓力的前線同事昨晚選擇退返一半現金，先唔好講點解會咁同埋是否合理，我們下邊一起了解深入啲分析一下，我只係想大家明白我這位員工當時的壓力。
依家詳細睇睇每一個指控，首先講最嚴重的指控 ：牛肉
我上面已經講咗好多次有關牛肉不可能每一碟都一模一樣，我相信大家都明白我就不再重複了。 問題是這個個案客人圖文並茂影出嚟啲牛肉真係好離譜嘅，睇起上嚟好肉酸好恐怖出晒血水的，由於我和你都不在現場只能夠從客人嘅描述以及員工給我的口供，加上電腦記錄同閉路電視去做分析，我留意到以下幾點重點。1）根據客人提供的3張照片，三張相見到牛肉好恐怖都係放在個白色圓碟上邊的。（見圖）如果大家心水清睇一睇wide angle嗰張相 (我Zoom in左用籃圈圈住) 大家睇到白色圓碟上邊嘅牛肉在未融雪之前睇落去都ok的，而且有一個關鍵線索，大家睇一睇上邊是沒有那一張 「A5和牛」嗰張紙牌的。但係後來去到客人刻意拍照比較的時候，大家可以見到圓碟還是那一個，但係肉類已經擺咗好長時間見得好恐怖出晒血水，關鍵關鍵關鍵，是在這些比較的相片中白色碟上邊出現了一張本來不應該在哪裏出現的「A5和牛」紙牌。點解呢一個白色圓碟上邊唔應該有呢一張紙牌呢？因為只要食過牛角Buffet的都知道我們為了客人盡快可以開始燒肉唔好浪費寶貴嘅用餐時間，會按照不同級數送上我們稱為的「頭盤」，頭盤內容係客人所叫嗰個Level可以選擇的不同肉類, 由於第一碟頭盤不需要客人花時間點選，所以快上枱； 有四款不同的肉類，係比客人體驗一下佢叫嗰一個Level可以點選的不同肉類有乜嘢唔同，Level5的頭盤是這樣安排的，而且Level5頭盤必定係用呢一隻專用碟(見圖), 客人之後就可以知道點選乜嘢食最符合自己心意(根據電腦記錄事實上客人後來一共點選左12碟鹿兒島A5）. （題外話，好多客人都真係會142品唔同嘅嘢食包括唔同嘅肉類都試吓，亦有個別客人明知自己唔鍾意其他牛肉所以一入座就同同事講唔要頭盤佢會自己點寧願等多陣花多少少時間等），但係點解一碟頭盤會放喺枱面超過2個小時完全唔食等佢出晒血水，然後嗰張唔應該出現嘅和牛小卡放咗上去然後同一碟新鮮拎出嚟嘅和牛擺在旁邊拍照? 然後就話唔俾錢跟住放上網公審我哋，咁樣嘅比較公唔公平呢？有冇任何意義嘅呢？ 大家自己可以判斷。
軟雪糕溶解:
根據閉路電視，人客是在21:40:32行出去攞雪糕的。即係話時間係入坐之後半小時。即係咁，雖然一般客人都鍾意食完燒肉先食甜品，但係呢位客人食食吓燒肉爭取時間食吓雪糕先都冇話唔得嘅。但係嗰杯係雪糕嚟，同時間你個火爐開到好猛燒緊肉，拎到返張枱之後又唔食擺喺個火爐邊幾分鐘熔晒變到好核突，然後搵我啲同事投訴。同事問頭先攞嘅時候係唔係咁，當時你都話唔系否則都唔會加朱古力豆上去個面。然後我同事仲特登去攞返兩杯俾你，交俾你嘅時候係好靚好正常, 後來客人仲食咗兩杯。 問題系，咁你將燒肉爐旁邊溶晒之後咁恐怖先影相放上網其實有咩意思？ 都係同一句說話，咁樣是否公平？大家可以自己判斷。
埋單：
其實睇咗以上嘅細節，去到呢一步個推理都已經好明顯。你係要食咗130分鐘近百碟之後，埋單嘅時候拎返碟特登保留兩個幾鐘唔食嘅牛肉出嚟投訴話牛肉質素唔好，仲要話我哋呃人，要求唔俾錢。最後搞到12點我個同事壓力之下俾返$878現金俾你。佢當時凌晨時分心理壓力超大沒有誰人可以詢問之下決定咁樣做，慌忙之間如果真係有同你講 「呢啲錢係要我自己出公司未必俾返我」之類可能只係期望你同情佢，當然你不單止冇同情佢攞完錢仲要上網寫。 但係公司絕對係唔會要佢代你找數的 ，所以放心呢筆錢係公司出唔係佢出。
最後補充，諗返起，客人明明在文章中講明自己是第一次幫襯牛角，但係居然又有會員卡，根本都係前言不對後語（我見到都有網民質疑，佢好似解釋係問朋友借卡）。 當然如果客人覺得被人欺騙，採取法律行動報海關或者去消費者委員會，都係客人嘅權利，我們完全尊重的。
無論如何多謝客人提醒，好明顯我們經過今天的調查之後會更加打醒十二分精神，做到比好更好。
//可能是最後一次？我都不知道
歌詞中帶點離地的貼地
好像每一句都說出心中的話
帶點虛幻 也帶點現實
帶出我與你們的關係中的共嗚
「日子不應該這樣吧
而現實就是這樣害怕」
同一句說話 同一句歌詞
每一個時期細聽
都有不一樣的意義
“We have to be very strong
If we want to do something very wrong”
走上銅鑼灣堅拿道東的唐二樓，是許國明與太太的維修店。然而在早上只得老闆娘的身影，她接着電話，也招待上門顧客，戲稱自己可能比丈夫勤力，「你睇我依家都返緊工，佢仲未返，你話邊個勤力啲？」
許太太與老闆年輕時在工廠工作相遇而結合，至今已是33年。他們沒有甚麼浪漫，更多是實際的同甘共苦，兩人於1990年代儲得一筆資金北上開廠，然而2003年沙士疫情令經濟衰退，許老闆決定關掉工廠回港發展，幸而在還掉債務後，夫婦仍有一筆金錢可再作打算，算是全身而退。
回到香港卻苦無發展方向，許老闆考的士牌不果，機緣巧合下知道有人出售修鞋工具，雖不懂修鞋卻決定破釜沈舟買下邊學邊做。許太太憶述丈夫當時會去中環一些排檔向前輩請教，吐槽丈夫但卻心裏有數，「佢都算勤力嘅」，卻不忘再「批評」對方工作「滋悠」。
許老闆正午時回來，被問到如何回應妻子的批評，先是很巧妙地「拆彈」，稱讚對方「日頭好勤力」，接着解釋自己遲上班的原因。許老闆習慣晚上更安靜的環境才修理東西，而妻子主要負責與其他人接洽，自然在日間先上班開舖。許太太當然知道丈夫的生活作息，補充說對方會晚飯後工作至凌晨才睡覺，即使如此，卻每天都會如常上班，沒有一天偷懶。
然而面對工作慢的「控訴」，許老闆並不同意，指自己是中年入行，沒有經過「學師」階段，「只不過憑着我做唔住我就會死嘅心態一味打拚去做」，因此他認為定要做得好過人，客人才會光顧，「你做到同樓下一樣，我使乜行條樓梯上嚟畀你做？」
在兩夫婦努力經營下，店開了十多年也算是有不少客人，許太太說有些客人很有趣，會怕了老闆，老闆在就會暫時不來，原因是老闆說話很直接，可能嚇壞了一些人。她笑指自己不會罵客人，「同一句說話可能你語調好啲，客人聽得就會舒服啲」，客人付錢都付得甘心。
許老闆對這些「指控」不置可否，也承認自己比較急躁，妻子慣了「跟客」而技巧更好，他也說對方一直遷就自己，「一齊生活、一齊工作，有好多嘢我知佢都知，有時我嘅諗法係點，佢會體會到」，老闆也坦言如果只有一個人做，根本走不到這步。
被問及有沒有說話跟妻子說，直白的老闆爽快答道沒有，但快將步入花甲之年的他，開始想着退休的生活，再有機會會不會找老闆娘做工作拍檔？「唔做partner啦，我搵佢一齊享清福。」
