[臨尾抽上嚟喎]介紹返,8月尾業績前飛入去買嘅。當時Patreon有貼。個幾星期執23%,我非常滿意。實情一年有23%都好滿意。唯一美中不足,買得唔夠大。但我已經瞓晒月尾嘅錢落去,I already gave my best. I have no regrets at all.
(不過你話貼嚟貼去只係呢隻?美股嗰啲日日新高日日吼啦,勝在慢慢陰啲陰啲升,ASML我執250%呀!唔係一萬變兩萬五喎,係一萬變三萬五!)
1. 咁有新讀者,話跟咗買,仲話take profit 請我食飯。我心諗,take乜profit?大貪啲!雖然呢隻都未必係可以長坐嘅股票(我嘅長坐,講緊三五七年啦)
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
TLDR : 香港網購就只係cash cow,唔會有乜好高增長,但亦因為利錢唔高,你其他人唔易踩入嚟競爭。然後同時就去做Brian Cha,「教人做生意」,「全套武功傳授俾佢」。最好有返幾單成功個案,可以做示範單位,香港又做,但更重要係打海外。不過,呢啲嘢之前,最值得期待嘅,始終係廣告收入。
2. 講返,好似入唔到港股通。會唔會星期一跌?可能架!會唔會嘔返晒22%出嚟?應該唔會嘅。但真係嘔返晒又如何?
3. 實情業績後都冇乜詳細寫過,不過我依然都係覺得:Amazon化,變廣告公司,同埋做海外。香港市場已死(唔係真係死,但冇乜動力)
4. 首先要講,6月嗰時有單小插曲,王維基去論壇,傳媒話佢提到「逐步退出網購平台營運商 轉型為相關技術支援」,公司後來出嚟澄清返話傳媒誤解云云。但在場嘅記者朋友肯定佢係講「play down營運商的角色」
5. 誰是誰非唔緊要,但我幫你做埋家事法庭:明顯就係王維基 Freudian slip。咁play down 唔一定係退出,可以淡化,或者可以只係繼續慢做,但重心已放第二度。
6. 實情你見到好明顯的,你睇1137業績,收入已經冇乜增長。而一路都話網購冇你想像中咁好賺,香港地人工貴地貴,司機倉佬倉租唔使錢?你見近三個半年,毛利都只係2億幾,原地踏步的。應該冇乜得玩架啦。
7. 呢個亦係一路好多人擔心嘅死穴:市場太細。而大家都知冇可能踩入大陸,即使唔講政治問題,對手太多錢燒都玩死你。
8. 所以好合理地,你見公司一早已經講海外,同埋話自己唔做營運商,技術支援賣企業方案仲好。個原理好似教人做生意咁,風險人地食,我就袋你一舊錢,甚至仲要分你錢。咁有生招牌在前嘛。
9. 咁呢個「技術支援」第一擊,咪同IT(well)合作搞個乜鬼EESE。目的當然係省招牌,搞得掂就大把其他客搵上門,所以點都會做到好好睇睇,唔好睇賺蝕先。
10. 同樣地,你話咩入股印尼公司,都係諗多咗。我知間乜鬼Kalbe Farma好大,2萬員工(其實都唔係好大,400億美金市值之嘛,1137自己都100億啦),但,你老哥拎500萬美金出去咋喎。實情你睇真啲,佢只係入股Kalbe Farma下面嘅一間公司,意思意思咋。目的亦都係示範單位,人地用佢套嘢,掂嘅又可以說服更多人用。拎住個portfolio 同人講「Kalbe Farma都用我地呀」,嘩,印尼3億人,發過豬頭(好似係)。
11. 不過,呢啲都係遙遠啲,至於啲咩無人店我更加心諗,得唔得架?(但有人問點解係歐洲?好簡單,人工貴,工會強,工人權益勁)
12. 咁有冇啲快手啲嘅?有!廣告
13. 實情1137個Powerpoint,有講香港網購係Cash cow—留意,冇話會好高增長,但Cash cow—其實,就同Amazon一樣啦。
14. 都講過N次,網購規模好大,但利錢低,Amazon仲有其他業務搵到錢。AWS佔Amazon 10%收入,但貢獻一半盈利。可見AWS幾咁好賺(又或者網購幾咁唔好賺)。
15. 但Amazon有AWS,1137未有(應該冇咁易搞到,而Amazon點解無啦啦搞咗AWS出嚟又係夠傳奇)。不過有樣嘢就大家都有:廣告!
16. 再講一次,Amazon實在太大,令到其他業務唔起眼。但佢嘅廣告業務,都有digital ad 嘅10% market share,一季收入80億美金。即係幾多?即係!多過YouTube嘅廣告收入(驚未?),亦都多過Netflix成間公司一季收入!
17. 唔係咁多人為意,1137係有廣告收入嘅,仲增長得好快。舊年上半年1000萬,下半年1400萬,今年上半年已經去到4800萬!即係全年點都過億。
18. 你可以比較下,ViuTV台搞咁多嘢,天時地利人和,半年先2億廣告收入,而呢個增速仲要慢過1137。
19. 所以,香港網購就只係cash cow,唔會有乜好高增長,但亦因為利錢唔高,你其他人唔易踩入嚟競爭(亦係Amazon嘅做法,一招即日送貨,你根本唔夠佢燒錢)。然後同時就去做Brian Cha,「教人做生意」,「全套武功傳授俾佢」(王維基自己講的)。最好有返幾單成功個案,可以做示範單位,香港又做,但更重要係打海外。
20. 不過,呢啲嘢之前,最值得期待嘅,始終係廣告。
21. 我諗無數公司卒之發現,Digital marketing 實在太好搵,Facebook只係一招就玩到過1萬億市值。你可以諗下,蘋果搞佢,係咪真係為「保護用家私隱」?定其實見人地啲廣告咁和味,做乜唔自己搵埋一份?
22. 舉一反三,傳統媒體嘅嘢…….
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
同人文平台大陸 在 Facebook 的最讚貼文
[如何看待知乎估值遠遜B站]一句:一條抖音女,勝過幾百個文青。副題:醜陋的臭老九(*)
============================
告個急先:Ivan已被炒,已成失業人士。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。 一星期至少出返六篇文!月費80
==============================
1. 仲要第一日上市已經大插,固然係因為中概股大瀉,但即使唔計呢個原因,知乎都係細得可憐。
2. (經濟原文:知乎美國IPO首日掛牌 一度跌28%、收市跌11.2%(https://bityl.co/69pv))
3. TLDR:多用戶係唔夠嘅,啲友係咪肯畀錢先?而同你估計唔同,啲知識分子就最撚煩,至難變現。
4. 個題,向吾友高天佑致敬,其實係佢篇文嘅題目(https://bityl.co/69oM)。佢篇文都寫咗大半,但現象著實有趣,值得我寫多幾句。
5. 首先,如果上過「知乎」,就會明篇個題。唔知咩係「知乎」嘅,咁你當係大陸版嘅Quora,呢類照抄外國嘢在本國搞一檔嘅做法周圍都有,亦唔止大陸係咁,你見啲打車軟件都係。至於如果唔知咩係Quora嘅,「都有啲難溝通」。「你當係鬼佬版嘅 Yahoo知識啦」。
6. 當然基於種種原因,後來「知乎」玩玩下就變到唔多似Quora,變咗好多呢啲「如何看待XXX」嘅東西,變咗評論平台,多過原本嘅「打電話問功夫」。此乃後話。無論如何,同大陸其他論壇比,目測「知乎」啲用戶啲知識文化水平都係比較高嘅,再講白啲就係收入同學歷都比較高,呢點好重要。
7. 咁你估都估到,檔嘢當然係賺唔到錢。但,講呢啲?廢老啦。而家一街講SPAC講顛覆講市夢率嘛,要有錢賺架咩?挑,Amazon有錢賺嘛(其實係有的,好賺錢添)。挑,Tesla有錢賺咩(其實都係有的,不過唔係賣車,係賣碳,同埋都只係微利)(當然投資aka 炒Bitcoin都好似有賺,但一日唔賣一日都唔會當賺錢,呢個舊文寫咗,係咪抵睇先,係呀,又賣廣告,因為真係抵睇)。
8. 總之,扯,科技股喎,市夢率啦,要有錢賺架咩?的確你見一大堆咩 SASS股( Sex as a service啩,澳門一早有)之前炒個不停,周顯話齋租影印機就係Hardware as a service,哈屎HAAS。而家最潮講Banking as a service,巴士BAAS(上次開會有人講我真係笑咗出嚟,抵我畀人炒),
9. 咁但,正如之前Amazon Tesla之類,冇錢賺,都至少有收入嘛。咁冇(乜)收入,都至少有用戶嘛。完全就係2000年科網時睇click rate 睇 eyeball咁,等你仲笑鳩當年啲師奶係羊太。後話
10. 平台股呢,有錢賺固然好,冇嘅咪講MAU DAU,Monthly/Daily Active User。呢方面「知乎」係有嘅,號稱近5億MAU。我知你話吹水,但話晒在美國上市,吹極有個譜…..啩。而當然係多過正版Quora的。呢個都不足為奇。Alexa . com 睇流量,啲大陸網都排到好頭,一來大陸人多,二來(理論上)好多網上唔到。Alexa . Com 知乎排到100,正版Quora反而係近400。
11. 問題就嚟啦喎,睇下知乎嘅估值?當時上限先講緊係80億美金咋喎,結果仲要下限定價,而家仲要一上市就跌,最新市值唔夠50億美金。你睇返快手(1024),一樣都係大約5億MAU,但1500億美金市值,三十間「知乎」。至於B站(所謂中國嘅Youtube),MAU2億左右,唔及知乎一半,但都340億美金市值,7間知乎。
12. 咁你都知道,something is wrong,都唔使好醒都知道,有用戶係冇用嘅,肯唔肯科水先?換言之,應該睇埋收入,睇埋 ARPU (average revenue per user)。咁你估都估到,知乎用戶雖多,但收入好低,因為ARPU極低
13. 換言之,就係啲知識分子係唔撚值錢嘅,絶對冇啲帶貨女抖音女咁值錢。聽啲Sales達人朋友講,都話啲中產知識分子(佢應該係話我)最撚煩,反而草根或有錢人嘅生意易做。前者消費力唔高但冇咁多麻煩嘢,後者麻煩但搞掂就月巴月巴。至煩就係啲中產,問一大輪又唔幫趁,幫襯幾百蚊當自己皇帝,冇乜肉食。
14. 正如高兄篇文講,有啲人以為「知識分子」值錢。錯。冇錯班友應該比較高人工,但未必等於肯洗錢(正如香港住公屋嘅洗費力分分鐘高過住私樓)。況且,肯洗錢亦未必肯畀你。無數咁多行業嘅讀者都話你知,最爽手一定唔係啲知識分子。
15. 真係作為知識分子(你反對?)嘅我都要講句,啲臭老九就係麻撚煩。唔畀錢都算,仲要好撚多理由。記唔記得當年Whatsapp話收8蚊 啲友寫幾千字出嚟講公義?堅係好撚嘢。最好人地唔賣廣告又唔收錢服務你呀可?話時話而家Telegram都搞上市咯
16. 舉一反手,講多幾個例子。大家知道蘋果從來市佔率都唔高,一定係N機高。但差不多得佢一間賺到錢,其他齊齊輸。點解?一來班用家富有,最重要係肯使錢(叔粉就當呢啲係傻仔)。呢啲咪品牌—品牌唔係牌子,而係有班傻仔明明其他人覺得唔值都肯畀錢,咪品牌。例如個T Shirt印隻馬騮又一千幾幾百咁。咁你話賣手機唔係平台?差矣,蘋果而家好靠服務收入。但啲用戶嘅stickiness 高。正如Facebook一樣,有冇人望下 而家 mewe嘅流量?明明話個個過晒去,咁我呢排啲Post同鬼講嘢?我死撚咗啦?鬼眼?
17. 另外,另文會寫。但呢排咪啲舊經濟股跑贏新經濟?咁福士跑贏Tesla幾十條街大家知啦,但之前連咩 Discovery ViacomCBS之類都跑贏Netflix。話上客上得快喎。但遲下會講,真係唔係上客快就大晒。你啲客嘅質素唔同,ARPU都唔同。Netflix而家基本上係硬掘收錢,但其他串流(包括迪士尼)上咁多客,好大機會因為之前大特價,甚至送畀你用,或者上電話上有線電視塞埋畀你。遲下士釘阿窿先見真章。話口未完,呢排Discovery 同ViacomCBS就狂瀉。後者因為批股,前者就真係搵笨。
18. 你只有用家係唔夠的。啲用家乜人?咩收入?有冇錢?有錢又係咪肯畀你?肯畀你嘅,又易唔易變心?loyalty 幾多?stickiness 有幾多?一日又花幾多時間?(根據Alexa嘅數,「知乎」啲用家留5分鐘,就多過正版Quora嘅4分鐘)
19. 又舉一個例,嗰時美圖(美圖秀秀1357,唔係美團)上市,賣點都話自己用戶數量僅次於阿里巴巴同騰訊,「但我市值只係佢地零頭」。Seriously?可能好多人用,但一日用幾耐?我又會唔會畀錢?而其他人推個差不多嘅軟件又有幾難?
20. 最後,大言不慚,表面自吹,其實係讚你地(讀者呀!)。本專頁呢,人數嘅嘢,話少唔少(話晒都過萬),但話多又唔多,同人地幾萬或幾十萬爭幾條街。你睇啲post嘅 like數亦都係咁。你睇engagement rate 呢,唔算低但又唔係去到極高。
21. 但,目測,呢度啲讀者loyalty幾高!又富貴!最重要係肯科水。這是十分非常極重要的。再講一次,有用戶嘅未必有loyalty /engagement,有loyalty又未必有錢,有錢又未必要畀你。當中有好多個step的
22. 有感而發,因為不經不覺失業半個月,但都還好,多得Patreon讀者支持。咁但好多都最初係呢度嘅讀者。而反應真係比我預期中好。並非抽水,而係我見有啲我都覺得幾勁嘅作者,但搞Patreon,反應冇預期中咁好的。可能啲讀者就平時畀like鬆手,但講到科水就口爽荷包立咯。
23. 咁當然啦,本身寫金融係先天有利嘅。咁舊文都有寫,做金融,都算係我自己嘅選擇,冇人迫我。只因我鍾意錢(唔通你以為我鍾意一個星期返100個鐘?係喎,有一期真係耐唔耐都要)。
24. 咁當然,讀者賺到錢就更加爽手。會另文再寫,「但隻ASML 又52週新高啦」「新經濟股股災?我嗰啲冇喎」。
25. 好啦,睇完,未訂,或者新讀者嘅,記得訂Patreon。我知月尾,咁4月1日又會收過錢。所以特別話你知,你而家join嘅,3月會費我會100%退返畀你,即係免費送咗幾日畀你。不過條件兩個,第一,當然要4月1號你都仲訂緊先有得回。第二,4月1號後在Patreon PM我,直接在app退,但因為電影節,會比較忙,畀啲耐性,可能幾日我先會覆你。
==============
2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1400人訂!(https://bityl.co/4Y0h)。 年費仲有85折
(*)我對於鞭打文青中產知識分子向來不遺餘力,因為我自己都係。正如寫《醜陋的中國人》嘅正係中國人(**)。
(**)In case 後生讀者唔知,「中國人」in this context並不單止大陸人—甚至唔係指大陸人。出書時1985年,入面啲講稿更加早,當時「大陸人」仲係窮到who cares.而柏陽在「新中國」成立前已經走咗去台灣,亦冇經歷文革,「倒係在台灣坐咗十年監」。
同人文平台大陸 在 Initium Media 端傳媒 Facebook 的最佳貼文
【抵制 #肖戰 行動一週年,留給牆內 #同人文 的創作空間還有多少?】https://bit.ly/3uGHmRb
去年的2月24日,大陸明星 #肖戰 的粉絲因偶像在同人創作網站 #AO3 的 #同人文 中被塑造成性工作者,在主流同人文平台進行了大範圍舉報、最終導致AO3被「牆」。此舉引發大陸 #同人圈 抗議,大量粉絲以「敬自由」為名發起對肖戰的抵制,並被稱為「 #227大團結 」。
一年後的2月27日,肖戰本人在 #微博 上發布長文,回應這一年的風波,並稱自己「偶像失聲」。此舉引發大量「 #227大團結 」參與者的不滿,許多肖戰抵制者拒絕接受遲來的回應,而對肖戰的抵制也成為反對飯圈亂象與資本下場的全方位疾呼。
自肖戰事件而始,牆內同人文創作環境急轉直下。在 #飯圈 亂象下,失去 #創作自由 空間的同人文還有其他存在平台嗎? 肖戰事件造成的不同粉絲圈層間撕裂,是否無法癒合?
加入端圓桌,參與高質討論:https://bit.ly/3uGHmRb
用你選擇的媒體,決定你看見的世界
#加入會員:http://bit.ly/2wVfM6g
#學生方案:https://bit.ly/3bUODnu
#端傳媒 #圓桌
同人文平台大陸 在 巴絲GO 黃的及貨van平台 的推薦與評價
巴絲GO 黃的及貨van平台सँग जडान हुन आजै Facebook मा ... 得好迫,司機前面有5部電話s,仲要有3個電視s播緊啲簡體字大陸卡拉ok,好難覺得呢㗎係黃van. ... <看更多>
同人文平台大陸 在 求推薦看同人創作的網站 - 動漫板 | Dcard 的推薦與評價
... 看同人文的地方嗚嗚嗚,以前每天放學最期待的就是登入台論,然後上同人 ... 兔不過同人多不多就不確定同人很多的像是百度貼吧然後大陸人很多用的 ... ... <看更多>