讀者投稿《唔識講嘢奶奶篇》
我同老公結婚一年半,最近因為奶奶而起左爭執,我係度諗,究竟係我奶奶有問題,定係我太小器……好想講出黎,聽下旁觀者意見。
係我心目中,我奶奶唔算一個好衰既人,但佢講既說話,總係令人聽完好唔開心。例子如下:
事件一、我同老公結婚後,都keep住每星期返阿媽、奶奶屋企各一次。咁我媽媽煮飯係好好食,好食到我老公會係奶奶面前讚我媽媽廚藝,我已經唔出聲,但奶奶仍會話“咁好食又唔見你阿媽煮d拎黎俾我食”。我聽完覺得奶奶好唔尊重我媽,點解覺得親家要煮野送俾佢食?
事件二、我同老公結婚前買左樓,入伙後,就叫左老爺奶奶上黎屋企坐下。奶奶上到我屋企,就周圍睇,仲開我衣櫃。我發現後即入房,希望佢知道我發現左會收斂下。但奶奶竟然話我多外套(當時係冬天,衣櫃只係掛住5-6件外套),佢話一個人根本着唔晒,叫我揀d送俾姑仔(即係佢個女),我當然唔理佢,叫佢出返客廳坐。
事件三、有次我地返奶奶屋企食飯,老公講佢知將會出trip , 奶奶竟然同我講“咁你可以返你阿媽屋企住”,我問佢“點解我唔可以住自己屋企?”,跟住奶奶就無出聲。
呢d類似既情景間中都有,我初時會當聽唔到,但當呢d小事一路累積,我就會忍唔住向老公表達不滿。當然,老公會覺得奶奶唔係惡意,只係唔識表達,但我就會覺得奶奶咁大個人,點會唔識分應唔應該講……最後,解決方法就係少d見奶奶。
我唔想老公變磨心,我知道如果我唔陪佢返奶奶屋企,奶奶會覺得怪,但我又唔想自己成日聽奶奶講埋d咁既說話,自己唔開心😔
#我的極品四大長老
同時也有1部Youtube影片,追蹤數超過7萬的網紅Ryan Wu,也在其Youtube影片中提到,#同理心 #產品經理 #社群行銷 無論是經營團隊、設計產品或是行銷訊息 最強大的策略都是 - 同理心 這指不是一味地迎合 而是穿進對方的鞋子裡 試著理解一切行為背後真正的原因與故事 以真實的關心為出發點 找到讓雙方效用一同增加的路徑 社群行銷培訓 http://ryanwu.tv/bp...
同 理 心例子 在 我的極品四大長老 Facebook 的精選貼文
讀者投稿《明顯偏心奶奶篇》
我跟我老公已經結婚15年了。
回想拍拖見家長一天,老公向我說6299一定好鍾意我,因為6299最錫係佢。
但事實係最唔錫係我老公。
不愉快事件有很多,不能盡錄。
1. 我懷孕時62話生囝冇獎,生囡先有。 我當時諗62咁講 野,以為自己好有錢咩,我生咩關你咩事?
2. 小兒滿月後,兩家人坐埋食餐飯,我爸爸跟62講最近手痛,我99就話冇工開就手痛(講左幾次),我當時即向老公講,你媽咁講野嘅,我老公講99講笑啫。我又忍佢。
3. 講到錢,本來老公跟他哥哥一齊住係一間私人物業。 間屋係6299當年 full paid 寫左哥哥名。 我跟老公結婚後就出去租樓住左1年,最後因為要儲錢及小兒快出世,我地就搬返去跟哥哥住。
住左一星期左右,我和老公返去跟6299食飯,99向我地說搬返入去要比下費用,冇理由要哥哥比晒,我老公聽完就話得啦,我地自己會傾,99不停講不停講,我冇出聲,我同老公食完飯就即走。我心諗我老公當年有比家用6299,人地就有層樓,我地就咩都冇。
我同老公點會唔比水電媒?99洗唔洗咁驚我地搵佢大囝便宜。
跟住,我地住左1年太唔方便就決定自己搬出去住,我62比左20萬我地仲話哥哥唔會走,你地自己出去住租樓又好,供樓又好。
我當時諗我地比20萬哥哥,佢自己供樓唔得咩,點解唔係分層樓一半,係得20萬。
太多偏心例子講住咁多先。
家長們,你地要留意偏心都唔好太明顯。
#退一步海闊天高
#我的極品四大長老
同 理 心例子 在 我的極品四大長老 Facebook 的最佳解答
讀者投稿《短文四篇》
1. 虛偽Ex Auntie篇
以前有個ex,佢媽媽好奇怪,話自己下一世要嫁比大仔,再下一世要嫁比我個ex😑 第一次聽人地阿媽會講呢啲說話(我ex比返我睇佢哋家庭群組既對話)
果時都拍左拖一年到,有一日佢媽媽又send啲面相既圖出來,話我有酒窩唔好,唔旺夫乜乜乜,又話我屋企有錢會睇唔起佢地(但佢地屋企都中產,生活幾好的),不過我ex一句都冇維護過我。但係佢媽媽對住我又表現到好nice,所以當我知道後真係覺得佢好虛偽,仲有好多講我壞話不能盡錄,
佢媽媽有我facebook,之後又係個群組話我成日用facebook好無聊,叫佢個仔唔好學我咁,例牌我ex都係冇出過聲😂😂
2. 正面抵讚奶奶篇
我地一家同奶奶一齊住,佢好勁架👍,幫我地睇住幾個小寶貝,等我地可以番工,而且仲煮埋飯(好好餸,絕唔會hea煮)😋,等我地放工架,不過有時就長氣d,同會容易諗埋一邊,覺得我地會對佢唔夠好,我地約佢出街食飯,佢又會話唔去,但係又會同朋友講,我地唔同佢出去食。但係我會諗,人冇完美既,所以大家接受大家既優點之餘,都要接受缺點。我同奶奶一齊住第8年啦,希望未來都可以好開心啦😅
3. 嫌三嫌四奶奶篇
點解我有一個咁無理的99,她終於開口啦!年初二99嘅細妹要來我哋家(仲要全家分三批到),99要我不要返娘家,話我個個星期都返一次,初二就要留在家啦!(最嬲是我老公叫我自己返,我真想話老公呀,我生果個都是女,第日亞女都係返唔到娘家架)。
早上姑仔黎到,下午就亞姨黎咁,一齊黎就不用煮兩餐咁多啦!唔通咁嘅說話我同你(99)個女講呀?同佢講唔返黎得唔得呀!?99要我留低煮飯煲湯。(煮滿漢)講開煮飯,每晚煮飯我火都黎,唔係話排骨太大,就是條菜點解咁長?又話D湯點解咁甜?又話餸不用煮咁大碟,條🐟太大。。。我真想話99唔係你一個食架。。。
4. 複雜家庭篇
我的家人,由細到現在,由於家人自己原因,我都是住在伯父家。
伯父家有一姊 一妹。 直到現在, 個位家姐 (我叫姑媽)都做事令成個家庭不開心。 例子如成日要求別人慳錢, 但自己又會勁浪費, 細過成日話我是死仔,成日亂發脾氣等。 。屋企有事, 又不會幫手, 只識嘈生晒叫人去做。
另一個伯父 (現在我住緊個位伯父細佬)成日當我和我親生父母係同佢爭產, 對我態度很差。 但對我住緊個位伯父, 態度卻十分好。
而自己親生父母方面, 有一個孖生細佬,但我每次入去探父母, 去父母家洗手間, 他便拖地, 又不睬你, 之前又因意見不合, 講晒粗口話我, 老豆叫佢一同吃飯佢就講粗口駡老豆。
我不知道自己可以做什麼, 只可以籍著文字表達, 發洩一下, 謝謝大家。
#退一步海闊天高
#我的極品四大長老
👇設計圖片
同 理 心例子 在 Ryan Wu Youtube 的最佳解答
#同理心 #產品經理 #社群行銷
無論是經營團隊、設計產品或是行銷訊息
最強大的策略都是 - 同理心
這指不是一味地迎合
而是穿進對方的鞋子裡
試著理解一切行為背後真正的原因與故事
以真實的關心為出發點
找到讓雙方效用一同增加的路徑
社群行銷培訓
http://ryanwu.tv/bp
![post-title](https://i.ytimg.com/vi/4mlzsFesEe0/hqdefault.jpg)