【支持本Page運作，請加入成為Patreon會員，謝謝！】
自從國會衝擊事件以後，即使香港班黃標KOL點樣作故仔，特朗普兵敗如山倒已係鐵一般事實，作為香港人，我認為應該做好下面三件事：
1. 認清敗登上台後美國對華政策甚至國際政策路線會作出乜嘢轉變，作為自己安身立命嘅參考；
2. 明白建基二百四十幾年嘅美國民主唔會因為一時嘅小人當道而完全崩潰，了解究竟特席普主義會響往後點樣延續落去，反對拜登勢力往後會點樣反撲，對未來保住希望；
3. 理解點解會有人響關鍵時刻出賣特朗普，盡己所能清算呢班垃圾
三個系列入面，當然由我最擅長嘅清算系列開始：
首先正如我所再強調，無論係對共和黨、定係民主黨、定係美國政府體系黎講，不依過往政治規範行事嘅特朗普對三者黎講都係一種「怪物」，起初共和黨只係借助特朗普嘅聲望順勢推佢上台，諗住往後可以借種傳統嘅官僚制度同效忠共和黨嘅內閣成員響背後制衡同操縱佢，結果發現某程度對特朗普的確係可以作出制衡，但完全無辦法操縱佢。
更加嘅問題係，經過四年任期，特朗普經已由對政府運作完全外行去到熟悉哂當中運作竅門，然後一步一步將共和黨推薦比佢嘅內閣換成自己人；共和黨更恐懼嘅係，黨內已有唔少人由輕視特朗普慢慢變成特朗普嘅支持者，萬一比佢連任，特朗普將會成為共和黨嘅實質領導者。
於是除咗特朗普嘅死敵民主黨，共和黨內部亦出現三種叛徒嘗試推翻特朗普：
第一種叛徒就係傳統共和黨嘅建制派，代表人物就係布殊家族同Mitch McConnell。原先繼老布殊同小布殊後，共和黨建制派就係打算將Jeb Bush推上總統，令家族得以達成「一門三傑」嘅夢想。但特朗普一手將呢個家族嘅夢想破滅。
唔單止係咁，共和黨建制派其實同民主黨一樣，同華爾街大鱷同商業鉅頭有千絲萬縷關係，偏偏特朗普上台後就得罪哂呢班大有錢佬，靠小額捐款為主嘅競選經費，完全擺脫傳統政商影響力，咁呢班大鱷好自然會逼迫共和黨參與出賣特朗普計劃，為利益、為私怨，兩者一拍即合。
第二種叛徒則為將共和黨利益置於美國利益嘅政要，代表人物係Mike Pence。我知而家好多人都好憎彭斯出賣特朗普，但至少你要明白佢背後嘅思維邏輯。響Mike Pence等人嘅心目中，效忠對象從來唔係特朗普，只不過基於特朗普係現任共和黨總統，所以先服從同輔助佢。
當共和黨一吹雞要所有成員歸邊，就算佢地好多可能私底下認同特朗普路線，但無耐對黨效忠先置於一切原則價值之上。好多人會怪Pence，但其實我唔會對佢苛責，因為作為一個忠實嘅共和黨員，就係會有咁嘅邏輯。
第三種叛徒則係最後一批叛離特朗普嘅國會議員，佢地始終都被「民主原則」束縛住。響國會衝擊事件之前，你會睇倒至少仲有百幾個共和黨議員支持徹查選舉舞弊事件，但去到最後卻係集體跳船抨擊特朗普。除咗看風駛𢃇之外，亦都因為佢地從來認為響民主制度下，勝負乃兵家常事，今屆輸咗，下屆隨時贏得番。
基於呢種民主思維嘅制約下，公義同真相對佢地黎講，變得唔再重要：佢地相信選舉舞弊存在，但為咗國家穩定，唯有忍咗佢食咗隻死貓咪算囉！響漫長嘅美國政治歷史入面，區區4年嘅執政期根本唔算乜嘢──問題只在於，特朗普唔係共和黨成員，佢亦未必有再多等4年嘅時間，特朗普路線隨時因為今次嘅選舉舞弊，被永遠埋葬。
至於香港出賣特朗普嘅三種叛徒，大家一撚定要認住呢班垃圾：
第一種叛徒，就係傳統左膠學棍，包括鄭經翰、吳志森、花生台、陳偉業、區家麟、邵嵐、馬傑偉、梁啟智之流。呢班人骨子裡卻係完全鄙視呢啲反傳統嘅人民領袖。而家特朗普失勢，自然撲哂出黎落井下石，不停吹捧美國民主黨嘅優越，卻完全無視克林頓、奧巴馬當年點樣姑息養奸，養大咗中共呢隻怪獸。
第二種叛徒，則係見利忘義嘅小人，包括沈旭暉、劉細良、書生百用，同一堆等住轉軚嘅黃標KOL。呢班垃圾其實本身無乜原則，只係睇下邊邊有著數就痴邊邊。最初佢地以為鬧特朗普有so就走去鬧，例如劉細良就講過支持特朗普同支持阿叻無分別。點知初響民情洶湧下，就立刻扮哂嘢讚下特朗普對華強硬。
好勒，而家特朗普蒙難，呢班垃撚圾黃標KOL覺得風又吹到去反Trump果邊，為咗呃多啲課金，自然不遺餘力踩多兩腳，沈國師可以話係最醒目果件率先跳船寫文炮轟特朗普，而我係預期響黎緊呢半年，跳船嘅黃標KOL陸續有黎。
最後一種叛徒，則係人話乜佢就信乜嘅無知香港市民。當日黃標KOL話飯民救倒香港，佢地又ON99走去信、然後黃標KOL話特朗普敗選後形勢大好，佢地又走去信；去到今日黃標KOL同班左膠猛吹特朗普破壞民主制度，呢班撚樣又走去信──去到呢度，其實都唔可以話係背叛，純粹係愚蠢。
我想講係，響過去幾十年，香港人實在蠢得太耐、比人呃得太多。特朗普帶比香港、甚至美國人最大嘅啟蒙禮物，就係唔好相信Fake News、Fake KOL，包括借吹捧佢作故仔搵食嘅垃圾。作為香港人，響而家的確做唔倒啲乜，但斷絕對上面班香港叛徒嘅課金，唔撚好再比佢地欺世盜名搵笨七落去，係你至少可以做倒嘅嘢。
吳志森去咗邊 在 吳志森 - Facebook 的推薦與評價
20230529香港人失去了自己的舞台，在台灣與朋友談去留的兩難抉擇！ 影片連結 請睇留言. ... <看更多>