關於吳海昕男朋友，我們在網路上蒐集到這些相關的討論、資訊與評價

「吳海昕男朋友」的推薦目錄：

關於吳海昕男朋友在方以文睇電視喇喂 Facebook 的最佳解答
關於吳海昕男朋友在游大東【鴻鵠志－影視筆記】 Facebook 的最佳貼文
關於吳海昕男朋友在游大東【鴻鵠志－影視筆記】 Facebook 的最佳貼文

關於吳海昕男朋友在星座愛情觀（下集）｜處女Sofiee 想搵浪漫雙魚男友 ... - YouTube 的評價
關於吳海昕男朋友在 Sofiee Ng 吳海昕 - YouTube 的評價
關於吳海昕男朋友在 Sofiee Ng 吳海昕- #賤民20 煞科喇！好唔捨得呢兩位男神 ... 的評價
關於吳海昕男朋友在吳海昕的推薦與評價，FACEBOOK、YOUTUBE和網紅們這樣 ... 的評價
關於吳海昕男朋友在吳海昕的推薦與評價，FACEBOOK、YOUTUBE和網紅們這樣 ... 的評價

吳海昕男朋友在方以文睇電視喇喂 Facebook 的最佳解答

2021-09-17 16:02:02 有 1,214 人按讚

[ViuTV][940920] 自從上年年尾出現過一條《二月廿九》平行宇宙後續劇《940920》嘅宣傳片段之後（https://bit.ly/2ZadEZT），就好耐都冇套劇嘅消息。直到8月中，劇集嘅監製兼導演羅嘉駿「刀導」喺IG出咗個post，話《940920》將會由去台灣拍變咗留喺香港拍攝，喺9月中開鏡，先至有返啲眉目。

去到琴日，「神聖幾何學會」嘅FB突然活躍返，改咗名叫「 940920 」，仲話即將開始拍攝！終於都等到佢哋喇~~ 不過最令人驚喜嘅，係除咗之前宣傳片有出現嘅 Sofiee Ng 吳海昕、劉俊謙、蔡思韵 Cecilia Choi 之外，琴日徐天佑 Chui Tien You 亦喺自己嘅social platform宣布會參與《940920》拍攝。

喺《二月廿九》大結局時，Yeesa佢穿越到一個平行宇宙。喺呢個平行宇宙，家聰會長變咗做小說作家，寫咗一本叫做《二月廿九》嘅小說，仲唔認識Yeesa。而Yeesa就送Ryan去日本鑽研玉子燒。

到底喺《940920》裡面，同Yeesa一樣擁有不思議力量嘅神聖幾何學會新會長（蔡思韵飾）加入感情戰爭之時，Ryan兵佢可唔可以脫離兵役，成為Yeesa嘅男朋友？抑或無論喺邊個時空，兵始終都係做返兵？

📣📣📣喺度幫刀導呼籲一下，如果你或者朋友仔係開餐廳、服裝店、精品店等，又可以借畀劇組拍攝嘅話，請dm刀導。感謝。

#ViuTV #二月廿九 #羅嘉駿 #黃智揚 #吳海昕 #劉俊謙 #徐天佑 #蔡思韵

Tags: 吳海昕男朋友 ViuTV 二月廿九羅嘉駿黃智揚吳海昕劉俊謙徐天佑蔡思韵

方以文睇電視喇喂

About author

✍? #fem #獨立 #專欄作家 #香港 ⏳ #劇評 #劇集資訊 sɪɴᴄᴇ 2016 ? #電視 #電影 #舞台劇 #OTT劇集節目 ? #觀眾在民間電視大獎 #全民投票 ? Job Enquire : [email protected] ? fongemantvman＠IG

吳海昕男朋友在游大東【鴻鵠志－影視筆記】 Facebook 的最佳貼文

By 游大東【鴻鵠志－影視筆記】

2020-03-18 00:51:43 有 1,029 人按讚

【 2018年舊文重推／二月廿九之李敏點解入行？】

緣份這回事難以解釋。

前幾天，我問李敏Ranya（Ran爺）：「記唔記得我其實訪問過你？！」Ranya秒回：「記得，我同Brian（陳安立）一齊做嘅嗰個節目（《前前線》）啊嘛。」2018年初，當時我還在《100毛》當一個小編輯，每期都要負責做一篇「電視人的認真訪問」，不玩抽水文，不玩搞爛Gag，是認認真真的一問一答，完全違背這本周刊的「核心價值」，但因為陳強他們給予絕對自由度，總之搞得掂封面就OK，所以這份工雖然極度辛苦，但我仍然很落力的完成這個版面每篇訪問，現在回想，這些對談對於當時極少接觸藝人的我來說，是為今天的我打下基礎。

離職前，這個欄目合共訪問20多位藝人，李敏是其中一位，她因為在《二月廿九》Fiona一角令觀眾印象深刻，就連導演「刀片哥」羅嘉駿也說，第五集與 Will Or 柯煒林攤牌一幕，因為是單機拍攝，她與阿Will要分開拍爆喊鏡頭，「Ranya只係拍一次就搞掂！」到底當初Ranya怎樣入行？以下這篇兩年前的舊訪問裏（第252期）會找到答案。

Q：做過少少Research，知道你喺浸大Visual Arts畢業，點解會入行做演員，然後又走咗去做節目主持？

R：讀書嗰陣，我用咗好多時間玩劇社，過程中識咗好多讀CTV（電影學院電影及電視主修）嘅朋友，可能佢哋覺得我OK呱，於是之後就搵我拍佢哋嘅功課，甚至係畢業作品。到佢哋畢咗業，真係入行之後，又真係繼續搵我拍嘢，咁每次拍嘢，又會識到好多唔同的人，棱吓棱吓，一個介紹一個，咁就一直都有做，直到畢業之後，唔係話好多演出機會，只係間唔中有得Casting，入行主要係有兩個契機，第一個拍咗港台的《DIY2K》（2012，詳見：http://bit.ly/2Wl1dqv），多人識咗，之後港台都有再搵我拍嘢。

第二個契機係好搞笑嘅，當時我細妹嘅男朋友上過ViuTV Casting，佢嚟過我哋屋企之後漏低咗啲卡片，之後我望住張卡片喺度諗：我係咪應該搵下啲人呢？我身邊啲人成日都話：「你咁唔主動，好難喺呢行立足，你做下嘢啦！」其實我之前喺大學都係有啲懶清高，即係（覺得）有麝自然香，結果乜都唔做，我覺得應該係咁，因為你做得好，啲人認同你嘅話就會搵你。所以望到卡片之後，我就Send咗個Email畀監製，咁啱呢位監製（韋嘉華）當時開緊新節目《對不起標籤你》（2016，詳見：http://bit.ly/2WjF1gs），佢話睇過我啲相，覺得我就係佢想搵嘅人，佢夜晚打畀我，第二日已經要拍。我都係鍾意演戲多啲，但自從喺ViuTV多咗做主持後，就發現其實每樣工作都有唔同嘅挑戰，某程度上你識得愈多嘢係愈好，你識得做所有嘢係最好，咁先會幫到將來你去做其他角色。

Q：今次同 Brian 陳安立一齊去咗咁多山旮旯地方拍《前前線》，包括車臣、盧旺達、黎巴嫩、波斯尼亞和黑塞哥維那、科威特，仲有斯里蘭卡泰米爾人聚居區，對你嘅衝擊有幾大呢？
_
R：我諗係個節奏問題，即係喺好短、好濃縮嘅情況下，所有你覺得你唔會去嘅Trip你一次過去晒，過程中你突然好快咁睇到好多世界各地唔同嘅生活節奏，同埋佢哋嘅文化係點樣，然後本身有啲地方對我嘅衝擊已經好大，例如非洲，你未去過嗰啲地方，未接觸過嗰啲文化，一去就係曾經打過仗嘅盧旺達，我覺得，係會比較重口味，而唔係去一啲比較舒服、比較歎嘅地方，你會睇到嗰啲地方嘅好，一嚟就睇啲唔好嘅。所以呢個Trip，我哋舊年（2017年）10月左右去完，去到而家，我每一日都仲係會諗起嗰啲好微小嘅片段，即係衝擊都仲未完結，我繼續喺度沉澱緊。

Q：所以盧旺達呢個地方，對你嚟講，應該係今次拍呢個節目最難忘最深刻嘅？

R：都係㗎！本身我自己比較著重一啲環保議題，例如綠色力量，佢哋做嘅嘢，我都會去了解。以前睇廣告，會講山區兒童好慘好可憐，今次真係去到一個地方係……當然我可能未見到嗰啲喺電視影到嘅人，盧旺達嘅人係好瘦，成個地方亦都好落後，但係我去到之後就覺得，佢哋嘅生活，唔係我哋想像中咁可憐。佢哋係窮，擁有嘅嘢唔多，但係幸福嚟得好簡單。

記得有日拍外景落好大雨，好似黑雨咁勁，我哋喺涼亭嗰度等停雨，佢哋就喺度玩，轆住個車呔，然後拎住一碌竹，對吓對吓，令佢可以平衡，佢哋真係玩得好開心，我就未見過，玩具對佢哋嚟講係好簡單，總之隨手執到就係，相對於我哋呢啲住喺發達城市嘅人，就要買啲玩具返嚟。同埋，佢哋可能佢多嘢仲未好發達，夜晚街燈都冇，但佢地為咗見個朋友，就算要行兩個鐘返屋企都照行，但香港唔係㗎嘛，坐一個鐘車已經覺得好遠，呢個旅程嘅所見所聞，對照好多自己住嘅地方嘅一啲既定想法，就會有好多感受，好多以前覺得係嘥時間嘅野，我而家會覺得冇咩所謂，例如打掃屋企，做好多好微細既嘢，都會有好多樂趣。

《前前線》重溫：http://bit.ly/2x2z4Kk

《二月廿九》劇照攝影：李詩卉 @saladd

＊＊＊＊＊＊＊＊＊
【《二月廿九》系列報道】
劉俊謙怎樣演余家聰？：http://bit.ly/2QmlGY7
大結局討論區：http://bit.ly/2IO1HgI
《講畀大東廳之二月廿九．下》：http://bit.ly/39UTLXd
《講畀大東廳之二月廿九．上》：http://bit.ly/2W61dL0
播出前三天終於剪起大結局：http://bit.ly/2W49QFY
點解要瞓身力撐《二月廿九》？：http://bit.ly/2VZg1uD
第五集評論 ── 因為慘所以好睇？：http://bit.ly/3cGnc0Y
神聖幾個學會成員簡介：http://bit.ly/2wnGuHM
兩分鐘導演版預告：http://bit.ly/3bT2aM3
第三集不斷出現「反修例運動」抗爭口號：http://bit.ly/2PQT5d9

（18032020）

＃游大東＃游大東影視筆記＃二月廿九＃港劇＃李敏劉俊謙 Sofiee Ng 吳海昕快樂的做乜膠睇電視黃大鈞 Alan Wong ViuTV 講劇時辰到港女講劇港人講電視＃100毛

Tags: 吳海昕男朋友游大東游大東影視筆記二月廿九港劇李敏 100毛

游大東【鴻鵠志－影視筆記】

About author

游大東、土生土長八十後，在傳媒打滾十年，從電台到電視，由雜誌到網媒，曾任記者和編輯；偽文青與偽老人精合體，熱愛電視文化，最愛看經典節目；閒時執筆，自己觀點自己寫，深信只要做足功課，大把有趣內容可以講。

游大東／／人稱大東，香港電視節目導賞員。 MeWe：https://mewe.com/p/yautaitung

吳海昕男朋友在游大東【鴻鵠志－影視筆記】 Facebook 的最佳貼文

By 游大東【鴻鵠志－影視筆記】

2020-03-17 01:15:20 有 937 人按讚

【二月廿九／劉俊謙怎樣演余家聰】

完成《講畀大東廳》的訪問後（http://bit.ly/2W61dL0），才知道開拍《二月廿九》是一場集體冒險遊戲：預算低、時間趕；台前幕後拼命追趕日程的時候，根本不知道網民對這套劇的反應會如此熱烈，正如劉俊謙承諾參演的一刻，也無法預料到，拍這套劇會經歷「瞓身級」皮肉之苦，我好奇，促使他接拍的原因到底是甚麼？

劉俊謙在劇中飾演「神聖幾何學會」會長余家聰，他說自己決定參演的想法跟吳海昕相若：「是班底！」2018年他參演ViuTV劇集《教束》，遇上導演黃智揚（Yellow）。一年多後，《二月廿九》開始籌備，Yellow卸下導演一職，改任編審（劇本審閱），負責帶領團隊創作劇本，「因為我知道編劇係Yellow，上次同佢喺《教束》合作係好開心好夾，當我知道《二月廿九》會係佢寫劇本之後，站喺情義上，我隱約覺得我哋已經係一個班底，再加上攝影師Dino（黃殷俊）又係《教束》嘅攝影師，對我嚟講呢個都係一個考慮因素，因為同攝影師夾得好，拍出嚟係會好好多。」

反而導演羅嘉駿（Steve）這個人，劉俊謙坦言並不認識，後來知道他曾執導《瑪嘉烈與大衛系列前度特別篇》（劉曾演出《瑪嘉烈與大衛系列前度》，吳海昕則演其中一集特別篇），亦知道他是陳志發、黃智揚份屬師兄弟，覺得發生「意外」的機會率大減，再於WhatsApp跟對方聊了一會後，就覺得頗為投契，「我都幾着重呢啲位，Feel Feel下你就會覺得，咦，大家其實可能都會夾到㗎喎，會聽意見呀，對於一啲有Taste嘅事有感覺，呢啲嘢慢慢喺傾偈嗰陣會聞到陣除，所以雖然我未同佢合作過，但直覺覺我哋係夾到嘅，大致上就係呢啲原因，我就岌咗頭喇，岌完頭之後都未係好知個故事係點。」

憑直覺爽快答應，「後患無窮」！劉俊謙說，《二月廿九》的拍攝過程辛苦程度遠超想像，在北海道拍外景要抵受極嚴寒天氣，因為《二月廿九》預算有限，需要在40天內極速煞科，名副其實「趕到氣咳」，箇中辛酸，不足為外人道。劉俊謙指最難忘的，是有其中一個場景要日以繼夜、夜以繼日的趕拍，而且經常超時，期間沒有休息時間，身心疲倦得腦袋一片空白，我問劉俊謙是否終於都有「拍TVB劇的體驗」，意思是拍攝過程需要連踩廿多小時，甚至更多，他笑言：「係有少少，我囂張少少啦，即係我哋唔係TVB的要求，唔係啱晒啲對白就算嘅，所以就會更加辛苦！」

劉俊謙坦言，《二月廿九》裏「神聖幾何學會」會長余家聰這個角色絕不易演，「困難嘅地方就係，如果你用成個Whole picture去睇，就係十集劇本，相對上Yeesa角色嘅成條線係好完整，我同天佑飾演嘅角色，都係一個完整嘅角色，但相對上係Serve吳海昕多啲，咁我就會諗，因為呢套劇係橫跨幾年（2017年至2020年），劇本未必可以好清楚交代，我同天佑對吳海昕（情感上）嘅轉變，仲要拍嘅時候拍得好快好急，所以我有時都諗唔清楚，我到底要點樣去設定個角色性格，如果唔係就會變咗第一至第九集對吳海昕嘅態度一樣，但去到第十集突然間對佢好好。」

留意最後兩句，訪問當時我不以為意，直至上周五（13/3）看完《二月廿九》大結局之後，我才明白劉俊謙為何那樣說。因為這一集的劇本，幾乎將觀眾於過去九集對於角色的期望推翻，說得白一點，就是前九集，大家都會傾向喜歡「兵佑」Ryan，亦希望Yeesa能夠選擇他為男朋友。當然大家都隱約知道余家聰喜歡Yeesa，但劇本對此總是曖昧不明，無法確認會長心動背後，對Yeesa的愛有幾分。

直至會長死在Yeesa懷裏，編劇一早已經設計好的細節位便一下子爆發 —— 愛到可以為對方犧牲，因為Yeesa的幸福是會長放手的理由，他不用Yeesa知道自己有多傷心，他的離世就是一種祝福，讓Yeesa繼續前進，而一直猶豫不決的Yeesa到此刻才明白，會長的愛如潮水，早已將自己包圍，可惜他已不在，剩低自己面對懲罰，亦同時令觀眾對Ryan的好感一下子暴跌，會長反敗為勝，那是極之Dramatic的Very Sad Ending。劇本能牽動受眾情感，就是我說《二月廿九》其中一個厲害之處。

劇照攝影：李詩卉 Sharon Salad

＊＊＊＊＊＊＊＊＊
【《二月廿九》系列報道】
大結局討論區：http://bit.ly/2IO1HgI
《講畀大東廳之二月廿九．下》：http://bit.ly/39UTLXd
《講畀大東廳之二月廿九．上》：http://bit.ly/2W61dL0
播出前三天終於剪起大結局：http://bit.ly/2W49QFY
點解要瞓身力撐《二月廿九》？：http://bit.ly/2VZg1uD
第五集評論 ── 因為慘所以好睇？：http://bit.ly/3cGnc0Y
神聖幾個學會成員簡介：http://bit.ly/2wnGuHM
兩分鐘導演版預告：http://bit.ly/3bT2aM3
第三集不斷出現「反修例運動」抗爭口號：http://bit.ly/2PQT5d9

（17032020）

＃游大東＃游大東影視筆記＃二月廿九＃港劇 Sofiee Ng 吳海昕劉俊謙做乜膠睇電視快樂的黃大鈞 Alan Wong Pigture Creations Ltd. Chui Tien You Sofiee Ng ViuTV 港女講劇講劇時辰到港人講電視＃兵佑＃會長＃余家聰＃羅嘉駿

Tags: 吳海昕男朋友游大東游大東影視筆記二月廿九港劇兵佑會長余家聰羅嘉駿

游大東【鴻鵠志－影視筆記】

About author

游大東／／人稱大東，香港電視節目導賞員。 MeWe：https://mewe.com/p/yautaitung

社群媒體上有些相關的討論：

關於 吳海昕男朋友 ，我們在網路上蒐集到這些相關的討論、資訊與評價

「吳海昕男朋友」的推薦目錄：

吳海昕男朋友 在 方以文 睇電視喇喂 Facebook 的最佳解答

About author

吳海昕男朋友 在 游大東【鴻鵠志－影視筆記】 Facebook 的最佳貼文

About author

吳海昕男朋友 在 游大東【鴻鵠志－影視筆記】 Facebook 的最佳貼文

About author

相關內容

你可能也想看看

搜尋相關連結

關於吳海昕男朋友，我們在網路上蒐集到這些相關的討論、資訊與評價

吳海昕男朋友在方以文睇電視喇喂 Facebook 的最佳解答

吳海昕男朋友在游大東【鴻鵠志－影視筆記】 Facebook 的最佳貼文

吳海昕男朋友在游大東【鴻鵠志－影視筆記】 Facebook 的最佳貼文