大家好，我係比利
過去呢3日去左嘉義縣嘅吳鳳科技大學比賽
每日一場，都由彰化揸車到民雄
雖然已經唔係第一次比賽，但亦都因為係我最後一次比賽而非常緊張，連戴con隻手都會震(平時好少帶)
第一場對雲科大輸4:0
第二場對暨南大平2:2 6碼pk贏左
幸運地入咗2球，但臨完場8秒俾對面追平，痛失3分
第三場對嘉義大輸3:0 好可惜我有幾次機會都把握唔到
加上兩日嘅比賽已經冇乜體力，一開始踢左10分鐘就換左落嚟，一直怪責自己點解會冇體力上場幫手。
到下半場剩返10分鐘左右，一次暫停機會我同隊友講:剩返少少時間，諗返起呢一年大家嘅努力，頂埋佢。呢句都係同自己講，大學最後一次比賽，搏盡佢，好可惜最後都係輸咗。
完場之後好想喊，並唔係因為輸咗呢場比賽，而係諗起之後唔會再有人會同你一齊進步、一齊為目標奮鬥，有啲嘢真係到失去先知痛苦。
講返點解我會喺台灣留左5年，原本上年就應該畢業，但因為想留台搵嘢做，所以技術性延畢(留一科/畢業門檻)留咗一年，一黎係可以等女朋友畢業，二黎想踢多一年波(因為我地學校好少人踢波，報大專比賽都係睇運氣，所以我大三大四都報唔成，今年好似有希望所以就一直叫人黎練波，可惜有心嘅固定班底得3-4個)
其實一班人為共同目標去努力真係真係好難得，大家如果有都要好好珍惜🙏🏻
吳鳳科技大學 畢業門檻 在 [新聞] 7大學註冊率不到6成這一所19.06％全國最- 看板Gossiping 的推薦與評價