#小編去哪兒 想去大阪附近行吓？除咗北上京都，南下和歌山之外，下次不妨好似小編咁，西行淡路島，為自己安排一日遊㗎！
鳴門漩渦-渦潮汽船うずしお
嚟到淡路島，必睇首選當然係鳴門漩渦啦，佢可以話係德島縣以至四國地區最著名的景點，因為鳴門海峽的海底地形和水流特別急的關係形成了世界最大漩渦的「鳴門漩渦」，不過小編嗰日唔太好彩，個漩渦唔太大，有啲啲失色！
幸福的Pancake
呢個真係打卡呃Like必到呀，又嘢食又有靚景睇！超正！講𡁵係『幸福班戟』呀！佢於2019年7月7日喺淡路島度假村開幕，佢提供全海景座席，同時亦提供露台座席及小狗區域，係享受淡路島悠閒時光的好地方！
小編溫馨提示：始終餐廳位於海邊，如果冬天去會比較冷，記得著夠衫呀！
道の駅UZUSHIO
顧名思義，就係淡路島嘅中途補給站，唔好以為呢度無乜特別，其實佢呢度有超多嘢食㗎，好似係淡路新鮮魚生，淡路牛Burger，名物洋蔥味雪糕等等，食好西真係好Easy！而且坐係餐廳入面都可以遠眺鳴門漩渦㗎，不過就細咗啲啲，想近距離望得清楚啲，當然係乘船遊覽啦！
湊小宿 海の薫と淡路島
唔想行程太趕，可以為自己安排係淡路島住番晚！今次要介紹嘅就係湊小宿 海の薫と淡路島 ，佢係去年（2018年）6月先開，係淡路島最南酒店，勝在夠新夠乾淨，而且仲有溫泉，行咗成日，當然要浸番個溫泉梳乎吓啦！
去淡路島不妨考慮自駕遊啦，租車預訂網址：https://flyagain.la/z72f
