6折和牛生蠔自助晚餐 🍽
.
———————————————————-
🔸 星期一至四：$548
🔹 星期五至日、公眾假期及前夕：$578
———————————————————-
.
第一次食呢間酒店嘅自助餐，
做緊優惠只要讚好Facebook專頁就有6折，
而最近自助晚餐主題係「尋和味」，
主打一系列日式料理，
連加一後每人最平四百蚊有找，
可以由18:30食到21:30，
雖然食物選擇唔算好多或者好特別，
款式比較大路而且整體食物質素正正常常，
但生蠔海鮮等都叫應有盡有，
而且收碟速度快之餘食物去到尾都仲有refill，
咁平都總算對得住價錢有餘
是次主題重點之一係和牛五食，
包括炸吉列和牛、慢煮醬燒和牛肩胛肉眼、
日式和牛火鍋、和牛串燒同日式鴨肝和牛炒烏冬；
即開生蠔肉身較細但鹹鮮爽口，
另外亦有松葉蟹腳、凍蝦、青口同翡翠螺，
刺身方面最推薦鮮甜爽彈嘅大赤蝦，
另外亦有原條赤鯛及其他小碟如海膽粒粒籽丼、
北海道帶子三文魚籽沙沙、拖羅他他等
熟食有天婦羅、咖哩吉列豬扒、蒸魚等約十款，
比較少見嘅係有關東煮供應；
最後除咗各款蛋糕、朱古力噴泉、即製班戟機、
迷你甜品同Movenpick雪糕杯外，
亦有抹茶芝士餅、宇治抹茶豆腐花、
宇治抹茶木糠布甸、若葉丸子同大福一系列和風甜品
.
————————————————————
📍Le Cafe (灣仔) @novotel_century_hong_kong
灣仔謝斐道238號香港諾富特世紀酒店1樓
————————————————————
. @ Novotel Century Hong Kong
