【懶人文字版食評 😋 第16回】🍽 兔角 Tonikaku
地址：尖沙咀寶勒巷10號3樓
價錢：各式午市套餐大概$80-$120
人均消費：$80
時間：星期四中午
人流: 30%入座率
入座方式：walk in
💡對上一次文字版食評，已經一個月前。今日簡單啲同大家介紹一個中午套餐。介紹此店主要因為佢由日本人經營，低調，充滿着日式味道及情懷。地方隱蔽，不過完全感受到日本小店嘅氣息。午市套餐甚至比好多同區餐廳平。
🍲食物
簡單直接，不賣弄花巧。兩份午市套餐，包括經典嘅咖喱炸豬扒定食。份量大，咖喱調味偏甜，豬扒爽脆不油膩，充滿着家庭風味。另外一份，包括吞拿魚蓉飯，牛肉飯及一碗小烏冬，相對上較為平凡，但正正沒有添加太多味精及調味，反而感覺清新舒服😌。
🏠環境
在尖沙咀的樓上鋪，地方較為隱蔽。但是店內擺設及味道總會讓你感覺到他是真真正正的日本傳統風味。小店感覺寧靜舒適，和尖沙咀急速的步伐有着幾大嘅對比。據我所知，晚上會有比較多嘅日本人在這裏覓食。
🤷🏻♀️服務
店內只有兩位店員，全部都是日本人，只懂簡單英語但基本嘅溝通絕對冇問題，態度有善。況且日本嘅餐牌好多時都有圖片，所以看圖識字吧。值得一提呢度有一個少少的飲品角落，有幾款飲品完全免費，自由飲用。
🌟總分4/5
一間食得非常舒服嘅小店，食物方面你唔會搵到太大驚喜。但係反而尋找到日本嘅味道，令我回憶起大板鬧市中幫襯過的小店。最緊要就係在香港，這一類平凡嘅親民小店已經買少見少，而且比快餐式的日式連鎖店味道實好得多。
#真實食評
#吃喝玩樂
#咖喱豬扒飯
兔に角 Tonikaku
咖喱豬扒飯 在 #日式咖喱豬扒飯 - Explore | Facebook 的推薦與評價
#日式咖喱豬扒飯 · Silver Ho巴打絲打「05食在香港」Facebook Club · Blanche Tin-Wing Yeung · 喜川Kigawa · Sally's Kitchen & Bakery · Leslie Wong · Kennis Wong · Crystal ... ... <看更多>