《鍾意》
👰🏻♀️：我係你酒店附近，一齊過去食飯？
😈：我過左去喇
👰🏻♀️：噢，咁好啦，我自己過去，你女朋友呢？會唔會黎？
😈：會啊，佢應該都差唔多
👰🏻♀️：我到喇
😈：拎左位，一入門口後到尾，燒味檔對面
👰🏻♀️：你今晚係咪特登？
😈：咩特登？
👰🏻♀️：特登咁對我
😈：我對你做過咩？今晚食飯都食得好地地
👰🏻♀️：你係特登既
😈：係，我係特登既
👰🏻♀️：點解我生日你要咁對我？你明知我係想同你好好地食餐飯
😈：我知道，但你都知我今晚會同佢一齊黎，你知喎
👰🏻♀️：我知，我後悔你話帶佢黎我無拒絕你
😈：就算佢唔係度，我都唔會係你心目中想要既感覺
👰🏻♀️：我今晚book左酒店，之前我地一齊住過既房
😈：過左去既……不如真係由佢過去啦……
👰🏻♀️：個陣我地都好開心啊
😈：你係想要開心，定係回憶
👰🏻♀️：兩樣都要唔得咩
😈：但你兩樣都唔會有，你知嫁，何必要咁呢
👰🏻♀️：你報復緊我
😈：如果我仲會報復你，對你講都係好事，唔愛一個人，係唔會恨一個人
👰🏻♀️：即係你對我係一點感覺都無
😈：朋友既感覺
👰🏻♀️：我知我外表比唔上佢，但我地識左咁多年，佢清楚你了解你咩
😈：我同佢識左一個月，但我感覺佢比你了解我多太多
👰🏻♀️：所以我咩都輸晒？
😈：當你要比既時候，就已經輸左
👰🏻♀️：我唔鍾意你會咩都問佢先，我唔鍾意你同佢全程無分開過，我唔鍾意你同佢一齊幾時都係笑住咁，我唔鍾意你對我咁冷淡，我唔鍾意你無再送我返屋企，我唔鍾意佢
😈：你有愛過我？
👰🏻♀️：我有
😈：無，你唔明咩係愛，你只係鍾意我
👰🏻♀️：我愛你，今日既我比幾年前既我更愛你
😈：咁你覺得咩係愛？
👰🏻♀️：我想同你一齊，我覺得同你可以好開心
😈：咁唔係愛，只係鍾意，當我唔再做到你想要既野時，你就會唔「愛」我，但如果真係愛一個人，對方做乜，你都會愛佢，我甚至覺得你連鍾意我都唔係，你只係唔忿氣，你只係想證明自己仲係好有吸引人，你係好有吸引力，對其他人會有，但對我……已經唔再有喇
👰🏻♀️：你真係好狠心，好，祝你幸福，我唔會再搵你
😈：如果你需要朋友既話，你可以再搵我
