爭氣
踢，其實就唔夠踢架啦講真，唔知大家知唔知啦，今場港隊場上隊長雖然係葉鴻輝，但隊長查實係陳偉豪，而佢除咗係一個足球員，仲係一個地產代理。而中國隊，基本上任何一個正選既年薪都超過六百萬人民幣，係絕大部份港隊球員既十倍以上。
身價或者只係其中一個原因，當然中國隊好，或者就好似好多中國人一樣，佢地可以有好多理由去輕視港隊、去輕視香港人，財大氣粗，邊個係老細？今時今日要背靠祖國去搵錢渡日既香港人不在少數，名店自由行優先都已經唔係新聞，所以有人會話：要不是中國照顧，香港早完蛋了。
就好似周不時有人話香港唔掂咁，左一句上海超越你右一句深圳前海，中國隊係好睇死香港隊，由賽前既海報，到中國隊記者會，下下又話要大炒幾球幾球乜乜柒柒仲串過碼頭咕呢。
世界盃出唔出到線，講真大家都無乜期望，唔通真係陳七踢嬴偉拿咩，但人爭一口氣，佛爭一柱香，如果俾人踩到上心口都唔出聲，就永遠都俾人睇死架啦，怯，就輸一世架啦。
就好似好多人唔明佔中搞乜鳩一樣，講真到今時今日，咁多香港人去撐佔中到底係唔係為政治為自由為普選，我真係唔敢講，港豬嘛，唔中意政治嘛，你話香港人對政治好有熱誠，我可以賭賓周話唔係。
但無論佔中好，中港足球大戰，點解咁多香港人會願意唔返工去撐？嗱，今日星期二，聽日仲要返工架。其實好多香港人既核心精神唔係咩獅子山精神，而係：你有壓力，我有壓力，你做乜挑釁我？――雖然好多人都當呢句說話係一個笑話。
老老實實，如果政府唔係出催淚彈，如果梁振英唔係成日當香港人係柒姑碌，如果中國隊唔係咁串柒柒，你睇吓仲有無咁多人會show你？都唔好話啲仆街炒飛狗同埋一放工就要裙拉褲甩咁撲去睇，睇完場波成十點，返到屋企沖得涼黎聽日又唔夠精神返工，睇英超就話姐。
我知道咁樣好唔健康，大家黎打下卡威威或者睇一兩場波就算鳩數，呢場波之後又點？香港幾時有民主？最後係咪都要屈服？或者好多野最後改變唔到，但明知會輸，我地都一定要嬴，點解？因為香港人要爭氣，唔好衰俾人睇。
咪咕英超 在 咪咕体育MIGU Sports 的推薦與評價
... <看更多>