《懷孕後及早做的五件事》
最近有幾個朋友都不約而同向我秘密透露懷孕消息,諗返我第一胎,岩岩見到驗孕棒上個十字,心情係興奮,但同時都不知所措,原來開心還開心,有啲嘢都真係要做。
第一件事:預約婦產科醫生
雖然驗孕棒既準確度已高達99%,不過都要確認受精卵係適當位置著床。我第二胎係計劃懷孕,所以5週就知道有左,好心急咁book左去睇醫生,但週數太細, #超聲波 照唔到,照埋陰道超聲波都睇唔到受精卵既位置,醫生話 #驗孕棒 呈陽性,即係身體已經有 #孕激素,所以係懷孕,不過因為確認唔到位置,所以未能夠排除 #宮外孕 既機會。聽到佢咁講,返屋企睇左好多宮外孕既資訊,好擔心。第9週再去照超聲波,除左見到位置,仲見到手仔腳仔,終於鬆一口氣。
另外,見完醫生,醫生就可以推算一個 #預產期,之後既事都係跟住呢個預產期做架喇!
第二件事:請陪月
#陪月 有好多,但好既陪月就難搵,就算有通常好早full,所以我5週個時,未知陀唔陀得穩、會唔會宮外孕,就已經book定上一胎個陪月姨姨。生完BB,身體虛弱,休息同調理好重要‼️陪月要照顧虛弱既產婦、軟綿綿既初生BB,要肩負咁大責任,一定要揀岩人。
第三件事:去公立醫院登記
生之前同啲朋友傾開,知道 #公立醫院 非常支持 #順產,而我又好想順產,於是生巧兒時就據當時住處,去左威爾斯。之後先知,原來懷孕11-13週,醫院會安排照超聲波度BB頸皮,呢個階段屬於 #早孕期篩查,可檢測出約90% 的唐氏綜合症的胎兒,如果14週之後,就冇得 #度頸皮。到生細佬,因為疫情關係,公立醫院禁止陪產同探訪,所以一直都計劃去私家生,不過公立都照登記先,比自己有多個選擇,私家醫院反而遲下先落訂都冇問題。
第四件事:安排照顧BB人手
BB需要24小時貼身照顧,呢樣都要計劃好。
第一,如果職場女士打算做 #全職媽媽,可能要考慮家庭財政狀況,如果少一份收入係咪OK。
第二,如果 #請工人 都係要快手,疫情關係,由揀岩工人、批簽證、出發來港、完成隔離,直到真係到屋企開工,成個過程都要好長時間,請既時候要講明湊初生、需唔需要同初生同房等等,如果佢唔接受就一開始唔好take offer,最怕佢話黎,做左一頭半個月話辛苦然後辭職🙈
第三,如果請四大長老幫手湊,佢個人健康狀況、思想開放程度對於順利同佢合作照顧BB都好大影響,一定要考慮清楚。決定左人選之後,可以多啲同佢溝通,又滲透下自己既育兒理念,避免日後因為理念有別而破壞關係。
第四,如果要報 #育嬰園,又係要早。育嬰園既位嚴重供不應求,聽過啲媽媽分享,排到小朋友2-3歲先收到通知話有位,2-3歲已經唔係「嬰」,可以返N / K啦。
第五件事:向公司申請產假
有醫生紙證明預產期之後,就可以向公司申請產假。我公司有因為我懷孕而減輕我既工作量,遇到良心僱主,實在相當感恩!
完左呢五件事,仲有其他預備功夫留待下次分享。準媽媽們唔駛擔心,媽媽們都好願意分享自己經驗,有唔明就問啦,最緊要保持心情輕鬆、心境開朗,媽媽開心定唔開心,BB知道架💕
💡好文回顧💡
《坐月日與夜》
https://www.facebook.com/100043347206086/posts/369586301162940/?d=n
《產後48小時》
https://www.facebook.com/111805923718473/posts/274199974145733/?d=n
《疫情下聯合醫院生產記》
https://www.facebook.com/111805923718473/posts/259721718926892/?d=n
《巧生活 — 戒片片》
https://www.facebook.com/111805923718473/posts/192615865637478/?d=n
《巧生活—戒奶咀》bit.ly/byebyedummy
《巧巧成長—Trouble 2 變Lovely 2》bit.ly/trouble2lovely2
《巧巧成長—教出充滿安全感的孩子》bit.ly/nurturesecurity
同時也有1部Youtube影片,追蹤數超過5萬的網紅港。故 kongguhk,也在其Youtube影片中提到,天生患有唐氏綜合症的15歲女孩翁欣怡,一出生便出現各種不同的病痛,包括腸塞、哮喘、心漏症等,自幼已不斷出入醫院接受大大小小的手術和治療,是名符其實的「藥煲」。 親人離棄 母獨立照顧 「我覺得佢係一個被親情遺棄嘅小朋友。」欣怡媽傷心地憶述。由於愛女如此多病痛,令丈夫和爸爸都不接受這個新的家庭成員,...
唐 氏 綜合症 照顧 在 Facebook 的最佳解答
【#好文重溫】孩子是我最幸福的一堂課
假如上天給我們一杯苦茶,必會附送一些陳皮梅,令我們苦中有甜……
—————————————————————————
在重比較、追名次的社群壓力下,「贏在起跑綫」甚至「贏在射精前」成了香港最畸形的產業之一;然而,當我們回首養育的初心,總曾在某刻許願,只希望子女健康快樂。
像不一樣的親子書《孩子,你是我最幸福的一堂課》,當中六位樂天知命卻不認命的父母,同樣育有患罕見重病的孩子,有些更是從未聽過的罕病:威廉氏綜合症、CFC綜合症、CTNNB1綜合症等。他們每天24小時、年中無休的,傾盡每分氣力去照顧罕病兒,卻能把埋怨變力量、把愁眉變笑臉、把不可能變可能,孩子的一顰一笑、長高一厘米已是全世界,最大而最卑微的願望不過是子女健康成長。
猶記得當年高齡懷孕的我,腰痠背痛得徹夜難眠,吃得多會吐,吃得少又怕胎兒不夠營養,期間還要擔心胎盤剝離、唐氏綜合症、妊娠糖尿病、肩難產、兔唇等問題,每次產檢都是步步驚心。最後經歷6小時陣痛,誕下重6.6磅的66,第一次聽到兒子的哭聲,我哭著讚嘆生命的奇妙!
生命更奇妙之處,是看著兒子每天成長,他那天真的笑聲、胖胖的身體、搞笑的睡姿、好奇的眼光、甜甜的氣味、蘋果般的臉,到每朝張開眼第一句:「媽me,我真係全宇宙最愛妳。」都讓我覺得自己是世上最幸福的人,也可以因為兒子出玫瑰疹、染手足口病,甚至趾上一粒小瘜肉,教我杞人憂天。世界因為有了孩子,所以變得美好;生命因為有了牽掛,所以變得幸福。
而作為父母們的你,若因子女沒考滿分而棍棒伺候、因生涯規劃被破壞而心生埋怨、因雞毛蒜皮小事而嫌孩子麻煩的時候,或者可以讀一讀書中的故事 - 六個罕病孩子、六份罕有的愛、六個不完美的子女讓父母修煉出最幸福的六堂課,「假如上天給我們一杯苦茶,必會附送一些陳皮梅,令我們苦中有甜。」讓大家重新咀嚼及思考對孩子的愛,並慶幸,也珍惜,孩子還會來找你麻煩。
#孩子你是我最幸福的一堂課 #親子 #親子專欄 #親子教育 #鄧明儀
唐 氏 綜合症 照顧 在 新Monday Facebook 的最佳解答
想知更多娛樂資訊,即睇:nmplus.app.link/8KG3toVoYfb
陳柏宇同符曉薇早前對外宣布證實懷有兒子,一家人滿心歡喜,但可是去到第13周時,醫生發現符曉薇BB嘅頸皮厚,可能是唐氏或心臟出現問題,雖然夫婦二人商量後,即使小朋友不幸患唐氏綜合症,他們也會全心全意地去照顧。
可是當符曉薇再次產檢後,醫生發現胎兒患上愛德華氏症T18,是個沒希望嘅病,即使成功出世,生存率亦十分低,同時,醫生還表示:「BB左右腦沒有分左右,心有嚴重的問題,沒有鼻骨,腸外露,手少了一隻骨,腳也是彎的;需要盡快做人工流產。」令作為媽媽嘅符曉薇心情低落。
符曉薇喺個人社交網產表示:「這一次會是我最後一次懷孕。我已經沒有勇氣去承受再一次的打擊。」並向老公陳柏宇道歉指:「我知你不像我一樣,會和家人朋友分享我的感受,你是一個把自己的痛苦收埋的人,上次第一次和你傾談短短幾分鐘,講到我們和仔仔的緣份,你忍不住想喊,所以我們停止這個話題。我就好想跟你說聲對不起,因為我的沒有運氣,要你陪我一起承受這痛。你說得對,我們不應該貪心,其實擁有abi已經足夠。」希望符曉薇同陳柏宇都可以早日走出傷痛。
#新Monday #NMIG #陳柏宇 #符曉薇 #人工流產 #八卦妹
唐 氏 綜合症 照顧 在 港。故 kongguhk Youtube 的最讚貼文
天生患有唐氏綜合症的15歲女孩翁欣怡,一出生便出現各種不同的病痛,包括腸塞、哮喘、心漏症等,自幼已不斷出入醫院接受大大小小的手術和治療,是名符其實的「藥煲」。
親人離棄 母獨立照顧
「我覺得佢係一個被親情遺棄嘅小朋友。」欣怡媽傷心地憶述。由於愛女如此多病痛,令丈夫和爸爸都不接受這個新的家庭成員,但懷胎十月,欣怡媽實在不忍心放棄女兒,於是咬緊牙關,獨力一人去照顧女兒這個「藥煲」。
3歲患血癌 心情跌至谷底
但命運卻不輕易放過她兩母女,欣怡在3歲時一次發燒入院,及後不幸被確診急性淋巴性白血病,需要長期住院接受化療療程。「當時真係好難接受,唔知點講淨係識喊,佢喺醫院住咗幾個月,我都幾個月無離開過醫院,當時真係好難捱,心情直情跌咗落谷底,有人打電話畀我都唔想聽嗰種。」
入住麥當勞叔叔之家 人生現曙光
就在欣怡媽最孤立無援的時候,社工轉介她們入住在醫院附近的麥當勞叔叔之家,生活終於出現曙光。「當時嘅轉變對我嚟講真係好大,因為麥當勞叔叔之家嗰陣時啱啱裝修完,好靚好舒服,有好多同路家長一齊住,佢哋嘅職員同義工都好好,當你屋企人咁安慰同照顧,令到我成個人都放鬆晒,同喺醫院嘅心情完全係一個好大嘅差別!」就是這樣,麥當勞叔叔之家的職員、義工和家長,陪伴欣怡兩母女渡過了人生最難捱的七個月。而感恩圖報的欣怡媽,堅持十多年來都帶同欣怡回去麥當勞叔叔之家做義工:「好感恩!呢度就好似我第二個家咁。」
精於游泳 屢奪殊榮
同一般唐氏小朋友一樣,欣怡學習能力比較弱,但她卻充滿游泳天份。樂觀堅強的欣怡捱過大大小小的手術並「打勝仗」後,喜歡游泳的她經教練指導泳姿和技巧後進步神速,當中蛙式最出色,最近又愛上蝶式,她更加入唐氏會泳隊,每周最少練水三次,而游泳亦令她體魄變得強壯,由「藥煲」變成小飛魚。除了在本地贏得大大少少的游泳比賽外,去年更遠赴加拿大,參加第9屆「唐氏綜合症世界游泳錦標賽」,擊敗多國選手勇奪一金一銀的殊榮,更創了七個亞洲紀錄,令欣怡媽非常開心和感動:「頒獎嘅時候我真係流晒眼淚,好感動,可以話畀人知,原來唐氏小朋友都唔係太差嘅!」
今集《港。故》用7分鐘,為大家介紹一個「藥煲」唐氏女孩,克服身體各種疾病,變身成為「小飛魚」的奮鬥故事。
-------------
《港。故》:東網每周專題習作,講故事、講香港人的故事。
Fb:http://bit.ly/oncckonggu_Fb
IG:http://bit.ly/oncckonggu_IG
Youtube:http://bit.ly/oncckonggu_Youtube