大家係時候可以落街買餸啦😆
但呢啲材料分分鐘你屋企都有齊😝
今次教大家整一道超開胃嘅豬扒菜式。
記住用梅頭豬扒，腍好多！
將豬扒簡單醃然後香煎，加埋呢個「薑檸蜜」汁醬，超勁開胃～🤤
做法如下：
1-4. 材料 - 梅頭豬扒、檸檬、薑、楓糖漿
5. 醃料 - 鹽、生抽、粟粉、少許清水（4塊豬扒約兩湯匙清水的份量，慢慢加入，豬扒要吸晒所有水份最好）
6. 鑊內下油加熱，下豬扒煎熟至金黃色。
7. 檸檬、薑片/絲、加入適量水略煮至出味。
8. 加入楓糖漿（可以用蜜糖嘅，但味道同用楓糖漿爭一截，而且蜜糖最好唔好加熱煮啦）
9. 加入少許生抽調味。
10. 逐少加入生粉水拌煮至汁稠。
11. 將汁醬放上豬扒即成。
#Hilda家常料理食譜
#呢隻梅頭豬扒只係普通超市急凍貨
#唔使剁唔使剪筋都好腍
#呢個餸太易整啦掛
#唔想教浮誇嘢
#疫症下家中菜式最緊要實際好味又易整
