唔好成日講搵工甜故,今日認真講下搵工。
1. 搵工第一件事,執CV
基本嘢英文文法唔好錯,最重要簡單整潔,大約一頁CV 就足夠,過長太boring。
關鍵字亦好重要。一般大公司都係CV 做關鍵字screening 先,之後才有HR review 你的CV。例如,你apply bank finance team,banking return. FRR 之類的關鍵字要見到,你先可以pass 到system 呢關。
即使你pass 到system 呢個關卡,但HR 都要review 好多CV,到底如何stand out 呢?
網上有CV 生成器,我用開cake resume 的CV 生成器,最少令你CV 比其他applicant 有d唔用嘅地方,增加成功機會。
2. Apply 工同send CV
宜家呢個時勢,如果你失業,就千萬不要挑剔,點為之挑剔呢? 就係你無興趣又睇唔起嘅工,你唔去apply。 你第一個反應問:「就算佢請我,我都唔會做,間公司咁細,人工又唔好,咁做咩要apply,浪費時間呢? 」
如果我同你講,時間從來唔會浪費呢?又如何?
Interview 要practice,practice makes perfect。In 得多你慢慢知道interviewer 會問咩問題,佢要嘅係咩人。至少你成日interview,你唔會好似第一次咁口震震呀。
更重要係如果你interview manager or assistant manager position,其實in 你嘅都係Financial controller or senior manager,佢地嘅時間就係金錢,但佢地竟然浪費時間去interview 你,即使係幾細嘅公司,每一次interview 都係一個學習嘅過程,它都令你下一次interview 做得更加好。
都係果句,盡可能send 更多CV 出去,即使不是你嘅專業,即使你只係做audit 狗,但都可以send CV 去apply investment manager,credit control,compliance或者其他financial service position。如果你連機會都唔俾自己,你點會搵到工。
當然send CV website 有LinkedIn, cpjobs, ctgoodjobs, jobsdb, efinancial。我最常用LinkedIn, ctgoodjobs 同jobsdb。
Jobsdb d job 係無咁好paid,但勝左apply 完真係有人review 你嘅cv,唔會好似其他website 咁次次apply 都石沉大海。 我朋友話一個job ads 係jobsdb 兩個鐘就有200 個applicants apply,簡單來說就係手快有,手慢連interview 機會都無。
我平時就下午12:30-14:00 搵工,去不同的website send CV,大約apply 10 份工先,到下午3-4 點去個coffee break,再apply 3 份工,之後放工再apply 多十幾份工。apply 工又無成本,都係1 click apply,點解唔俾個機會自己呢?
3. Interview preparation
基本要預備以下問題:
「點解對我地position 有興趣?」
「你以前份工遇到最大困難係咩?」
「你個experience 唔夠,你覺得我地公司點解要㨂你?」
「做manager 你覺得最重要係咩skills?」
「你career path 係咩?Short term 同long term goal 係咩?」
呢啲基本question 自然要諗好點答,點樣可以用你過去experience 去貢獻到間公司。
In case 你真係轉field,又真係對新position 一啲認識都無,你show 到一個can do attitude 又係另一個致勝關鍵。畢竟要學識又唔係難事,難就難在佢唔俾機會你。當然,就算你demonstrate 到你有can do attitude,你都要有一定soft skills (eg. people management skills, project management skills, communication skill等等) 的配合,唔係都無用。
4. 如果interview 又失敗,點算好呢
每一次失敗,都要反醒你interview 失敗的原因,唔好成日歸咎於你係呢行唔夠經驗。因為佢地係scan 過你CV先interview 你,但就算佢知你唔夠經驗都肯in 你,代表佢都肯俾個機會你。當然宜家疫市,經驗充足一定佔優,但interview 得總係有機會嘅。
最好每次失敗都想想,你係咪答得唔好呢?又或者面部表情做得唔好?
Interview 係一個market 自己嘅過程, 就係包裝自己再將自己賣出去。如果你都唔相信自己做得到,interviewer 又點會相信你呢?
我會建議每次interview 前對住塊鏡催眠一下自己:
「我有信心,我係你地想請嘅人」
「我有信心即使我經歷唔夠,但我可以憑住我的soft skills 同can do attitude 好快學識。」
「我有信心,係咁多applicant 入面,我係最適合的一個。」
不要取笑這個催眠過程,如果你連自己都唔信自己,難道你要求你interviewer 要相信你有能力去帶領佢地嘅部門嗎?
你要令佢地無猶豫咁請你,靠嘅並唔係你有幾多經驗,而係靠你market 自己的能力。
當然搵工係靠運氣,但就算你有運氣又有機會,你又可唔可以把握到個機會呢? 呢個就睇你market 自己嘅能力。
簡單、清晰、令interviewer請你沒有一點猶豫。
希望幫到大家!
IG: Fakemanching1607
唔係ctgoodjobs 在 辦公室日報 Facebook 的最讚貼文
上星期講咗邊5大行業喺逆市之下,刊登招聘廣告嘅數量比起去年同期跌得最甘,不過有負亦都有正,我哋都要睇埋有邊幾個行業喺呢段時期反而出多咗招聘廣告,事先聲明~~~今日講呢5個行業所錄得嘅升幅,係用月份去比較,今年3月份比起今年2月份出多咗廣告請人,而唔係比起上年2,3月份同期出多咗job ad,須備忘。
睇完幅圖,可能有人會問點解唔係醫護或者清潔工人錄得最大升幅,我個人會讀解為某啲行業未必倚賴傳統求職網站刊登招聘廣告,舉例清潔工人,仍然有唔少係用緊貼街招形式。至於醫護方面,要睇求職者想喺邊類型機構做,有人會直接去醫管局個網搵,如果係想搵私家醫院嘅工作,就會更直接地去返嗰間私家醫院嘅官網搵空缺,當然亦有部分人唔想做醫管局或者私院,呢一批candidate就會去JobsDB或者CTgoodjobs等等嘅求職網搵工,例如診所姑娘。再舉多個例,教師,一般會睇教協招聘或者明報居多。
無論如何,喺JobsDB提供同埋計算到嘅招聘廣告刊登升幅當中,電訊業3月份係比2月份出得更多job ad請人,逆市中有26.3%升幅,慈善組織/NGO排第2,有20.3%升幅,有一點需要留意,NGO係有涉及醫護工作,所以升幅反映咗需求。
至於次次市道唔好都率先被祭旗嘅IT,今次都排第4,單計3月份出嘅招聘廣告數量係比起2月份升咗12.5%,相信好大原因係香港人經此一役對網購同埋internet服務有更大需求,stay home可以救地球之下,IT方面嘅渴求亦相對多咗。
而根據JobsDb提供嘅資料,金融界同埋銀行仲係請緊好多人,有部分職位甚至有按年升幅,2020年第一季同去年同期比較 (以下職位係講緊按年,呢個數據唔係按月),金融界同埋銀行界單純睇呢幾個職位係出多咗job ad請人,包括:
Data Science(+15.4%)
Wealth Management(+13.4%) ** Wealth Management呢part係包含咗保險經紀
Asset Management(+10.5%)
Risk Management(+1.6%)
唔知以上錄得招聘廣告多咗嘅行業關唔關你事,但希望各位搵工唔好灰心,唔好咁快放棄,因為有唔少HR反映work from home好難做interview,就算視像見工都好,始終係拖慢咗成個請人嘅進度,而且醫藥相關行業(medical)係有按月升4%,所以睇好嚟緊會多咗healthcare既opening。
好多行業喺呢個時候都遭遇重創,需要時間重建同埋康復,以我網上廣告為例,整個4月份得5隻廣告,連同兩個員工薪酬,加埋一啲雜項支出,我自己冇糧出之餘,其實都唔夠畀佢哋,所以聽日又要去私人account拎錢出嚟墊支,而最奇怪嘅係......我唔明點解冇咩生意都一樣咁忙,你哋見我最近啲留言都唔係好覆得切🙏🏻
我哋唔捱都捱到就快5月,相信慢慢會更多人可以有工見,更多人可以就業,希望大家可以頂住💪🏻
PS:呢個唔係廣告,藉此多謝JobsDB提供嘅數據,仲有Cathy護士同埋Miss Ho詳細講解醫護同教師用咩渠道搵工🙏🏻
唔係ctgoodjobs 在 辦公室日報 Facebook 的最佳解答
如果呢度有朋友同我一樣係做headhunt,應該知道呢行喺請人嘅時候,其實都幾鍾意請白紙。
何謂白紙?一係就fresh grad,一係就有工作經驗但冇做過相關呢行,原因包括:
1)上司或者老闆可以灌輸佢嗰套畀你。
初入行見咗3間headhunt公司,其中一間嘅interviewer好直接咁講:「之前個男仔因為喺另一間headhunt轉過嚟,係都唔肯跟我哋嗰套,咁樣好難共事,我寧願請一張白紙,你第日跟晒我啲step就得喇。」
問心嗰句,我幾欣賞佢咁坦白,不過傀儡式嘅工作真係唔啱自己,所以就turn down咗並且揀另一個offer。
2)你係白紙,對於人工嘅概念就會係零。
未做過唔識開價好合理,我呢幾年睇住好多新同事入職,背景幾乎一模一樣,但係可以一個$13,000,一個$18,000,差距$5,000咁多,唔通$18,000嗰個靚仔啲?非也,原來佢朋友都係做呢行,知道市價,所以搏到個高價位俾自己。
其實唔知自己值幾多?同埋唔知出面市價係幾多?唔止我地做headhunt嘅,我諗大家搵工嘅時候都疑惑過:
「開幾多好呢?」
「咁樣填會唔會叫得太少呢?」
「填呢個價係唔係獅子開大口呢?」
唔係個個人都好似我嗰位$18,000同事咁幸運,你估身邊啲人老馮話你知佢賺幾多咩?更何況每一年,甚至每一季嘅市道都唔同,掌握嘅資訊唔夠全面,唔夠貼市,蝕底嘅始終係自己。
我保守啲講,如果你人工比人地少$2,000,咁一年就係$2,000 x 12個月,即係蝕咗$24,000,下次再跳槽又因為之前一份underpaid,搞到永遠追唔到個market price,影響真係好深遠。
香港係一個資訊發達嘅城市,大家要善用各項工具去保障自己利益, CTgoodjobs嘅薪酬搜尋引擎(Salary Check)功能就係要幫打工仔解決呢個問題,佢結合咗多個工種從入門到管理階層嘅職位市價,彈指之間就可以知道行情,而且仲有「打工秘笈」,只要登記成為會員就可以睇到,我哋一定要幫自己做好職涯規劃,唔應該做一張任人塗改嘅白紙,就好似由「細龍太」飾演老細嘅呢段片咁,升職加薪唔肯傾,唔夠人手又當睇唔到,仲一味淨係識得叫後生仔唔好怕蝕底,其實我哋唔係怕蝕底,係唔想無止境同埋無意義咁蝕落去啫!
唔好再畀人壓價,唔好再畀人蝦,快啲去以下連結睇睇啦!
http://bit.ly/2I4DiEe
#CTgoodjobs
#天下何處無好工
#搵工要知價
#細龍太
#打工仔辛酸
#對抗麻煩老細