我唔係針對你，我係話所有不明電話都唔會聽！
btw，試當真10月26號開show啦
票價每日降價，大家諗住幾時買飛？
#captv #唔好亂聽電話 #唔好安慰我 #唔係針對你 #賣噢
唔好亂聽電話 在 CapTV 擷電視 Facebook 的最佳解答
唔好亂聽電話 在 倫敦人妻先生手記 Facebook 的最讚貼文
話說我係某紅色媒體的粉絲，尋日見到有個智庫出左篇文講在外國讀書的中國留學生，八成都選擇畢業後回到中國發展。毫無懸念，一眾紅色專頁立刻亢奮了，紛紛都把理由扯到愛國之上，好一句「振興中華，乃我輩之責！」搞到我睇完即刻好似傅穎咁打冷震。我作為一個好奇小寶寶，當然會對為了中國學生們選擇回國感到好奇，所以我又好快做左個fact check，得出來的結果，震驚十三億人了！
智庫奇文共賞：http://tiffany.fbs.one/post400335/593
對於佢聲稱「技術全面反封鎖」，講到班海歸派好似帶左啲咩了不得嘅科技返中國，之後成篇文就開始係咁吹中國科研點點點，於是我走去搵左另一個《2017中國海歸就業創業調查報告》，入面講到中國留學生在外國主修商科為主，有足足50%。至於能夠為中國帶來「技術全面反封鎖」嘅應用科學（工、農、法、教育）就有16.2%，自然科學的數理化生，10%都冇，而裡面學士和碩士又佔了92.5%，量又唔夠、質又唔夠，訓醒未呀你？咁點反封鎖呀？你唔信，你星期一返工捉你公司隻fresh grad出黎，問下佢有咩計？大佬，你望下佢，一臉無辜成隻八哥狗仔咁款，你旨意佢反封鎖？佢whatsapp封鎖老細都唔夠膽啦。
拆解完「技術封鎖」之謎，又係時候拆埋呢個謎之愛國情意結了。拿，我唔係移民界KOL，移民工作簽証手續我唔算專家，其他國家的我都唔識講，但係英國的工作簽證，絕對不是一般的容易拿到。全英國只有約兩萬八千間公司可以提供T2長期工作簽證，而公司如果要幫你申請呢個簽證，首先佢要俾你年薪三萬鎊，仲要每年多俾政府一千鎊的費用，英國好多Fresh grad年薪都唔過兩萬五千鎊，邊度嘔多五千鎊俾你？我當真係有公司俾得起錢，但你睇下個死人成功率，根據英國國家統計局官網，今年四至六月只係得1728個中國人拿到T2簽證，當中還包括了一大堆由中國公司調派來英國工作的人，你覺得有幾多個留學生可以滿足到如此苛刻的條件？英國唔係唔歡迎你留低，但只係歡迎最最最精英的那批留低。你，呢件英文唔咸唔淡唔肯融入本地生活仲要淨係識講祖國幾咁偉大食碗面反碗底的二世祖次貨，O.U.T！
說穿了，唔係愛國，而係英國唔愛你，你咪唯有死死氣氣返中國，不過又唔好意思講自己俾人飛，咪唯有話始終都係掛住祖國囉。當然，總有啲矯情小賤人走出黎講中國發展好呀，大國崛起前途一片光明呀！嘿，把臉靠近熒光幕一點，我來打臉了哦！根據同一份報告顯示，44%的呢批次貨在中國月薪不足六千，22%拎住六至八千一個月，總共65%的海雞派，雞到連英國洗廁所最低工資都不如，你同我講大國崛起前景亮麗？你加油，成功需苦幹哦，喔呵呵呵呵呵！（八婆+群嘲模式全開）
唔緊要，古語有云：Fail In London, Try Hong-kong，中國版的Filth咪係咁樣黎架囉，俾封大利是就可以變輸港專才架啦。不過小心唔好亂聽電話，陣間大陸假公安打俾你，你做得虧心事多，就盞俾人呃晒啲錢，今日先有個內地專才匯款一百次唔見左一千一百萬，真係喊都無謂。
《2017中國海歸就業創業調查報告》全文：http://www.ccg.org.cn/dianzizazhi/2017haiguibaogao.pdf
#你個智庫弱左少少喎
#弱智庫癡癡呆呆坐埋一枱
#喔呵呵呵呵呵
#輸港豬才
#你係認真鎖好自己國家先好講
#唔好氹香港開心呀
#咁樣唔係叫做飛
#而係叫做跌得好睇
#胡廸講架
#反斗奇兵那個
#唔係胡適呀
#最鍾意做fact_check
