【講聲唔該有幾難?】
Run得呢個場,不時都有電影發行、戲院搵我,幫手介紹吓佢哋新戲呀、戲院呀,都有收到好多press release,咁我都係戴頭盔,做乜Blogger都好,做電影呢就最犯賤,唔會有錢收,所以唔好又話我收咗錢。之但係,叫做出於興趣,又有留意開,出一出無傷大雅,而我真心都同95% PR保持到良好關係嘅。
除咗電影,又會有好多其他公司九唔搭八Inbox你,叫你同佢介紹呢樣果樣,可唔可以免費出個廣告,咁呢個一直係我嘅底線,只要同電影無關,我就一定當廣告出,哪怕你只有一句植入式廣告,我都會同你quote返價,咁問題就嚟喇。
一般我都會婉拒,價呢啲嘢,傾得掂咪去,傾唔掂咪算囉!最頂癮係,好多人總會覺得係老奉,明明自己揹住乜乜公司嘅名,唔會驚我開佢名,甚至會起曬槓話「你唔係吓吓都講錢呀?」「你唔係要收咁貴呀?」貴定平好主觀,呢個社會有市有價,唔講錢我同你講咩?你邊位?拍拍膊頭三唔識七我要同你出?
更甚是,就算有啲我覺得啱style,又眼見對方聲稱自己「Budget有限」/「細公司」/「NGO」,一次半次唔收錢幫你出喇--間間公司都話自己「Budget有限」,你覺得我會信嘅。咁始終我冇收錢,你又唔係咩Urgent或Ad-hoc嘢,我自己有曬schedule,delay一日先至出,又會俾對方不斷chur你,點呀幾時出?今晚出得唔得?我要你今晚20:00 timeslot... 喂你幾急都好,關我咩事?
最後,真係出咗喇。呢班「Budget有限」/「細公司」/「NGO」,就係最唔識得講「唔該」嘅人,老奉嘅,幫你出咗,又或者用完我connection幫你搵個適合嘅人,唔會有「唔該」嘅。
到底「Budget有限」/「細公司」/「NGO」係咪特別冇禮貌?r人嘢時就(用段template)客客氣氣、r完人嘢人哋應承完你,就覺得完成咗一個task,唔止唔該都冇,同佢講返已出咗po,覆都唔覆你。
自己都係做呢行,知道搵blogger基本操守係咩,但係今時今日好多人都唔識,又或者講,呢啲都唔係基本操守,係基本禮貌,好多人都係唔識。
有求於人覺得人哋一定要幫,幫完你又一句唔該都冇。雖然我唔係啲咩超人氣KOL,但基本尊重都要有掛?
有行家朋友講過,一句秒殺呢啲人:「冇Budget就唔好搞咁多嘢」。
不能同意更多。
#唔好估邊間公司
#唔好估邊個POST
#其實我落完廣告大家都應該唔發覺
#其實我根本一個廣告都冇
#真的假不了
☑小弟的原創小說現已上架,詳情請看:goo.gl/3g4Hk8
☑自製南美明信片正式開售,請多支持:goo.gl/Dfmpbc
【IG請follow】www.instagram.com/travelerwithmovie
唔好估邊個post 在 辦公室日報 Facebook 的精選貼文
【暑期工桑拿侍應見聞】
大家好似對我做過桑拿侍應同埋誤入馬拉外圍公司好感興趣,好啦好啦,一單還一單,我交代埋桑拿侍應嘅點滴先,因為馬拉外圍嗰單我想正經啲紀錄來龍去脈,世界盃就到,想一盡綿力,叫啲人唔好賭波。
桑拿侍應暑期工其實我做得一個月左右,幾錢糧都唔記得喇,不過真心講句,啲同事又幾好,當年係返通宵,班友放咗工仲會約埋一齊食早餐,有時啲老粗之間嘅感情,往往比中環商廈一班西裝友更真摰,因為大家唔使扮嘢吖嘛。
我當時暑期工個職位叫更衣室侍應,大約有兩至三個人企喺Locker房,聽到接待員大大聲叫「歡迎光臨」就醒水喇,然後啲客嚟就開Locker比佢哋擺嘢,等佢哋換浴袍,換完就扮晒同佢兩條key一齊鎖Locker。
佢哋唔係個個Locker都會開,主要睇人,如果大大隻隻陸軍裝咁就通常都開佢Locker,睇下銀包有冇警員證,由於我只係暑期工,所以冇份參與,佢哋手腳勁快,好明顯訓練有素。
嗰間係邪骨,有ABC餐,應該大約指齋dum同埋有特別服務,A餐最純潔,B餐我都唔知係乜,C餐佢哋稱為「魔鬼C餐」,唔使解釋啦,聽講我去做暑期工之前,佢哋就中過一次伏,叫魔鬼C餐嘅係便衣,技師當場斷正,但係罰咩同埋點罰就唔知喇。
最搞笑嘅一次係有個客偷煙,事緣嗰間桑拿嘅煙係無限量供應,擺喺一個畀客休息同埋食嘢嘅大廳任佢哋拎,但有個客應該想拎埋返屋企,用毛巾捲住大約20支左右,走嗰陣開Locker佢忘記咗,一郁條毛巾就跌咗成堆煙落地,嚴格嚟講又唔算偷既,不過冇預你拎走咁多啫,我哋班侍應相對無言,幾百蚊去一次桑拿,你偷埋啲大陸煙把鬼咩,真係樣衰。
畀客休息同埋食嘢嘅大廳都可以任員工拎嘢飲甚至食個麵,基本上個客有咩食,我哋自己一樣可以免費order,我都係嗰陣先知益力多喺行內叫「大力」,最多客人叫嘅飲品就係大力加冰同埋餐蛋麵,呢間桑拿仲有例湯,真係有個阿姐負責煲,幾鬼Pro。
見過一個議員同兩個明星係真既,不過大家唔好估邊個喇,講到明人不可以貌相,真係冇咁易估到,而且都要有啲道德嘅。佢哋喺Locker換衫嗰陣千祈唔好懶叻叫佢,或者講:「呀乜生,我好鍾意睇你做戲。」千祈唔好咁做,要扮唔識佢,要佢覺得自己係普通人,咁佢先會滾得安樂,呀Sorry,係dum骨dum得安樂。
最乞人憎就係嗰啲留睡嘅雞蟲,呀sorry,又講錯,應該係留睡客,我哋通宵更收工之時亦係桑拿嘅拉閘時間,如果個客叫極唔醒咁懶瞓豬,就會阻住全世界收工,收銀個阿姐一定會詛咒佢祖宗十八代,仲要等佢畀錢嚟埋數呀PK。
我記得辭職當日班阿姐仲留我,但唔通放棄學業嚟做桑拿侍應咩,總括嚟講都係一個人生經驗嚟既,幾難得架!有人同我講,話自己做過桑拿侍應驚唔驚影響聶瞳形象,唓,一來我都冇形象,二來又唔係去偷去搶,都係靠自己雙手搵食啫,細個屋企環境唔係咁好,唔係出身大富之家,我反而好慶幸有呢啲經歷,個個都含住金鎖匙出世咩。
其實我啱啱出嚟社會仲做過call center、文員仔、校務處、銀行......多到我都唔記得,係未做過鴨,有人問咁Jumpy張CV咪好花,咁又冇喎,因為我嗰種Jumpy全部喺剛畢業時發生,而且Jump到得一頭半個月,只要將「出道」時間推後,已經可以全部skip晒。下次想聽我邊份工啲經歷?直頭可以學連登咁,出個「你問我答」嘅post。
唔好估邊個post 在 【#法巴財經HotTalk流行榜】蘋果公司美股代號點解有兩個A ... 的推薦與評價
中特估真係估你唔到?息口今年真係見頂?[feat.郭偉安]. ... <看更多>
唔好估邊個post 在 該如何計算互動率?判斷FB、IG互動率的兩公式,一次告訴你 的推薦與評價
主要的互動率包含:貼文互動(Post Reactions)、貼文評論(Post Comments)、貼文 ... 我這邊提供兩個方式給你們參考,你們可以根據計算互動率的目的還有品牌角度來 ... ... <看更多>
唔好估邊個post 在 你估我一直比人鬧緊唔出聲好過癮呀???你認為咁樣我可以發 ... 的推薦與評價
出post 支持會帶風向? 唔好話網上出個post啦,直情企出嚟撐嘅人例如: 葉德嫻,何韻詩帶咗啲咩風向? 佢哋出嚟撐係凝聚到更多人,亦為年輕人打咗支強心針。 ... <看更多>