殺出個黃昏，故事有趣，對於我呢啲只是近黃昏嘅人嚟講，睇完確實低徊不已。所以片尾彩蛋見到謝賢唱唱下歌抹眼淚，啲工作人員安慰佢果下，我相信係真嘅，以佢嘅經歷拍呢套片，點會唔感觸！
我都諗可能過多十年八年，我都唔識得點樣D個手機！又或者好多潮語，我都跟唔上。到最後都可能喺屋企有一句沒一句咁唱吓夜溫柔！
講返套片，故事帶點黑色幽默，謝賢難得放下型男身段，演出真實年齡，不過我都係覺得佢問馮寶寶係咪回塘呀，帶點輕佻嘅神情嗰個比較似佢。馮寶寶冇得講，演出超標，啲眼淚好似有Timer咁，準時落下。林雪保持水準，個女仔傻瓜而可愛！
故事好好，如果去得盡啲，拍得再癲啲，效果會更理想。畢竟片頭嘅風格，係令我有遐想嘅！
由老人講到BB，再由BB講返老人！生命循環不息，但夕陽無限好，只是近黃昏！相信對兩位主角，拍呢齣戲對佢哋嚟講，都係殺出個黃昏吧！
#何嘉麗callmegaga #何嘉麗 #出街玩
#嘉嘉劇透 #殺出個黃昏 #謝賢 #馮寶寶 #殺手
#黑色幽默 #老人問題
#睇呢套戲要擺低晒所有道德觀念
#唔好問點解殺咗咁多人都冇人發現
#唔好問點解一個有樓有鋪行走江湖幾十年身體健康思路正常嘅人最後要住老人院
唔好問點解殺咗咁多人都冇人發現 在 【飛虎系列】再有特工被殺，會徹查定不了了之？ - YouTube 的推薦與評價
飛虎之雷霆極戰| 一伙神秘勢力在香港蠢蠢欲動，飛虎隊隊長駱家成從警界挑選精英，成立特別行動組A team。經多番調查， 發現 富商歐陽正透過虛擬幣交易 ... ... <看更多>