【#媽媽帶娃】我家女兒初長成 。#隨心戒片記
自去年小JM踏入兩歲，身邊已經聽到不少聲音 「教我」如何幫小JM戒片。當然其中亦不乏長中長輩嘅經驗之談啦。
老老豆豆，其實 #戒片不能急，要慢慢建立小朋友嘅自信心去作嘗試。
💗#適得其反 不如 #循序漸進💗
小JM曾經聽到長輩對佢講「#唔好著片，#醜死怪」之後，突然某日起身後唔肯再著片。。。但媽媽知道小JM未係時候戒片，所以打算叫小JM著返 #尿布褲仔，誰知小JM唔肯。
咁媽媽記唯有收起晒屋企嘅地墊 #以防萬一，同時亦不忘 #提醒 小JM要去VV。
#說時遲那時快，呢邊小JM剛剛答「#唔急」，轉頭小JM企係原地，輕輕叫:「媽咪呀。。。」 結果係瀨濕咗。。。
呢個情景一日內重覆好幾遍，拖地、抹地、洗褲仔，真心攰。
為咗令小JM了解 #瀨濕 褲仔嘅責任，媽媽決定教小JM #洗褲仔。
洗完褲仔後，小JM仲話:「濕咗褲仔媽咪要洗又好攰啦！」
#仲主動幫媽咪按按返
係小JM再著返尿布褲，我亦有不時問小JM需要去廁所無，而且每次成功去到都會稱讚一番加以鼓勵。
慢慢地小JM已明白 #急就要去Potty，有時小JM仲主動要求用大人廁所添。#距離成功已經又邁進一步
💞 #成功之門被打開
就係2018即將完結嘅前一日，小JM再次提出 #唔著片 嘅要求，今次媽媽亦將一早準備好嘅卡通內褲拎出來俾小JM著，仲 #叮囑 小JM要好好照顧公仔唔好整濕添。
#神奇嘅事就發生啦！
數個鐘頭後，小JM突然話:「媽咪，我坐Potty BuBu呀！好臭呀！你快啲幫下我!」
媽媽我當下感到驚訝，因為小JM從來都唔鍾意係Potty #辦大事 架!
而且亦係小JM第一次成功係日頭時間唔用片片添!
完全0瀨濕，仲識自己去Potty辦事，去完仲會拎去廁所倒再叫媽媽洗。
原來日常事小朋係會有留意，只要我地肯花時間及心機，一樣可以成功。
☘謝謝你，#我嘅窩心小寶貝!
蕃外篇:
話說某次飯後，爸爸洗緊碗之際，剛好我要去 #倒垃圾，誰知坐係potty上嘅小JM以為媽媽走咗，即時喊到傻咗。
媽媽當下緊係即刻消毒雙手再 #抱緊處理 啦!
小JM就話👧🏻:「我以為唔見咗你呀！我好掛住你!」
💕媽媽愛你呀，小寶貝!
#我又點會掉低你呢 #你有時都好sweet #好可愛
#一啖沙糖一啖💩
CK Ma Sleepy Ceci
