大台可以跨過「師奶」這坐大山嗎？
最新電視直播收視，繼續嚇大台一驚，重頭劇《刑偵日記》第三周直播收視只有14.2，一百萬觀眾也不到，而另一邊，《大叔的愛》結局周收視高達7.9，數字超過大台的一半，令到主席許濤即時成立劇本審批小組，煞停幾部預備開拍的新劇，重新審視劇本，要精益求精云云。不過，針對的劇本主要是杜之克監製之作，山頭味道依然濃厚。唔好介意潑冷水，審完又係差唔多。
不過，主席愛將副經理主理的綜藝節目收視，其實情況更險峻，例如《盛舞者》這個吸引年輕人的跳舞比賽真人騷，第二周平均收視只有8.6，同時段ViuTV《納米無明火》收視有5點，去到大台收視6成，比率上仲高過《刑偵》，不過因為係副經理，所以應該沒有審查小組。
曾經看過一篇文章，抱歉已經忘了出處，當時是一台獨大年代，內容概要是講大台的節目製作口味，完全受到中年婦女群組控制，這是個鉄三角組合，包括有控制住家中電視遙控器的師奶，另兩個是中年職業婦女，一個是廣告公司中負責向客戶建議落廣告部門，入面的管理層和planner主力是中年婦女，而廣告客戶中，負責決定落廣告的市場部，也是中年婦女為主，即係俾錢的、俾廣告建議方案的和看電視的，都是以中年婦女/師奶做主力，大台要賺錢，節目要啱師奶口味，才會被廣告代理建議，才得到廣告客戶同意落廣告，在這個鉄三角連線下，大台不論劇集和綜藝節目，一直都是照顧她們為主，而且一直賺到錢，基本上無須改變，穩穩當當服待好這批觀眾便可以了。
今次《刑偵日記》和《盛舞者》收視失利，是節目質素不佳嗎？當然不是，一般輿論都同意《刑偵》是有質素之作，支持大台的媒體，更力挺劇集充滿改革意義，教育觀眾學識睇劇。其實，一切都不是質素問題，是口味問題，這批大台慣性收視的核心擁躉，就係慣左睇倫理、三角戀、職業劇、千篇一律的查案劇、有摑小三兩巴就係好激情、爆喊就係好戲、爭產閙交就係劇力，她們真係很忠心，只要係這種劇情，多多照睇，收視仍然超過二十點，大台跟她們搞新意，《刑偵》幾大製作，幾大卡士都好，唔係睇慣那些，她們會索性唔睇，或者轉去睇德斌，不過始終卡士夠強，還有14.2觀眾支持。《盛舞者》也是相同情形，不是製作問題，如果你搵翻肥媽同鼎爺出嚟煮餸，收視會即刻升回十五、六點，柴米油鹽醬醋茶贊助又會回來。
大台當下的尷尬情況是，要擴大巿場，爭取回年輕人觀眾，廣告客戶，劇集同綜藝節目必須改革同多元化，但鉄三角組合明顯地唔接受，新觀眾未見增加，舊觀眾大量流失，而一些見慣見熟的劇集如《寶寶大過天》，由《超級巨星》延續過來的《聲夢傳奇》，繼續有不俗收視，面對這群唔願改變的觀眾，好想睇大台仝人是否有鐵血勇氣繼續改下去！
忠告：急召肥媽鼎爺救亡吧。
#刑偵日記 #收視告急 #肥媽鼎爺快救亡
唔該出處 在 《好耐都唔該！》 有時候幫啲公公婆婆做野，佢地好多都會話 的推薦與評價
開頭既時候都會以為聽錯，點會係「好耐」同「唔該」？好似唔係好順口咁喎！ 細問之下，原來「好耐都唔該」係老一輩既人既口頭禪，意思係十分感激，唔該晒既意思:) ... <看更多>