我個仔係蟄居族（下）
上集：https://bit.ly/38qEY6M
阿英好似攰啦，佢丟低老公，去咗廁所。
我唔知阿英幾時會出番嚟，繼續打我哋。
我隨手拎咗幾包餅，扶起受傷嘅老公，匆匆返去我哋間房，將門鎖死。
門外傳來阿英嘅叫囂：「我會殺咗你哋㗎！」「遲早都要殺死你！」
之後嗰兩日，我哋冇出過房門，剩係食嗰幾包餅。
「老婆，對唔住。」
我苦笑：「個仔我都有份，唔駛講對唔住啦。」
老公摸吓我個頭，冇出聲。
我隨手打開電視機，電視播緊新聞：
「特別新聞報導，一名51歲男子持刀，在街上無差別刺殺路人後自殺，造成3死、17傷。
有消息指，該名男子是中年『蟄居族』，心理學家表示，社會應多關注『蟄居族』的心理健康。」
我感慨：「嘩，啲人咁衰嘅，拎把刀周街斬人都做得出。」
老公居然問：「你話，下一個會唔會係阿英？」
「阿英周街斬人？佢唔會嘅。」我下意識答，但答完之後，我居然冇任何論據去支持我嘅論點，
老公皺晒眉頭：「我一世人行得正企得正，如果生出嚟個仔係會殺人，我寧願……佢殺嘅係我。」
「啋過你把口。」我馬上捂住老公個嘴。
兩日後，老公要出門返工，冇辦法唔離開間房。
好彩，阿英匿喺自己間房打機，打得興起，冇理到我哋。
阿英嘅怒氣來得快，去得快，我哋好似又回復番正常生活。
我努力煮好飯菜，希望唔好再惹起阿英嘅怒火。
但無論我做得幾好，要發生嘅，始終會發生。
嗰一日，附近有間小學搞運動會，班小學生可能太開心，歡呼聲大到我坐喺屋企都聽到。
聽到佢哋無憂無慮嘅聲音，我不禁諗起阿英讀小學嗰陣，佢都曾經係一個好可愛嘅小朋友……
「嘈嘈嘈，嘈夠未啊？遲早斬死晒你哋班小學雞！」阿英對住窗外大叫。
老公成個彈起，個樣好嬲。
我即刻捉住佢隻手，驚佢同阿英發生衝動，好漢不吃眼前虧啊。
估唔到，老公只係深呼吸咗兩下，就坐番低。
第二日下午，我洗緊衫，忽然聽到警車嘅響聲，然後係門鐘聲。
我開門，一班警察衝入我屋企，直衝向二樓阿英間房。
原來，老公用刀斬死咗阿英，然後打電話自首。
一片混亂之際，我隱約見到老公無助嘅白髮，喺人羣中顫抖。
老公嘅口供好簡單，佢一直都怕阿英會殺咗我，更怕阿英會成為下一個無差別殺人嘅凶手。
於是，佢決定喺自己仲有行動能力嘅時候，親手殺死阿英。
佢認罪，佢唔後悔。
後來，好多人議論呢單案。
有人話，阿英的確好可能周街斬人，對社會又冇貢獻，殺佢係為民除害。
又有人話，唔應該為一個人未犯嘅罪行，而預先判刑。
但我知道，老公殺阿英嘅時候，冇諗咁多。
老公冇得揀。
人生最難嘅路，叫做「認真無路」。
你好認真去做好生活中嘅每一件事，但條路就係愈行愈窄，最後無路可走，剩番一條死路。
—完—
註：真人真事改編自「熊澤英昭殺子案」，熊澤英昭曾任日本高官。
長子熊澤英一郎成年後長期失業在家，曾在家中暴力傷害父母，並在Twitter上威脅要殺死母親。
熊澤英昭非常不滿，認為兒子十分危險。
2019年，附近的小學正在開運動會，44歲的熊澤英一郎因噪音而憤怒，叫嚷道：「真吵，我要殺了這些傢伙」。
熊澤英昭擔心數天前發生的「川崎殺傷事件」重演，用刀殺死熊澤英一郎，隨後向警方自首，被判監六年。
將專頁設定為「搶先看」/ "See first"，最新故仔馬上睇！
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我個仔係蟄居族
啋過你把口 在 床頭打交床尾和- 【十個港式廣東話俚語+ 英文解釋】坐月 的推薦與評價
【十個港式廣東話俚語+ 英文解釋】坐月、床、床頭打交床尾和、啋、 啋過你把口 、啋過你把衰口、睬、睬佢都傻、彩、彩數您又知唔知咩意思呢. ... <看更多>