我相信每一個人身邊,都會有一個「心地很善良、平平凡凡、好人好姐」但唔知點解會係藍絲嘅朋友。我亦唔例外,我也有一位識了好幾年的深藍之友,即係會覺得「美國佬俾左好多錢啲人搞亂香港,啲KOL成日收左錢廢up嗰種」,當然,佢唔知道佢面前,就係一個KOL,而我真係無錢收兼窮L到一個點。
Anyway,咁今日佢突然之間搵返我,呃... 原來我係少數未同佢割蓆嘅「黃絲」朋友(其實我覺得黃絲呢個term真係好過時架啦)。佢就同我講,「竟然出動黑社會,仲打傷平民」、「林鄭一定係外國派黎嘅間諜」、「依家社會好撕裂發展唔到」、「派錢搞到一塌糊塗」之類的bla bla bla... 然後,佢得出左一個神級結論:藍絲同黃絲應該合作,一齊企出黎支持警察對付黑社會,唔可以俾林鄭出動解放軍,對抗外國勢力干預,並且應該要林鄭同埋律政司司長下台!
我:.............. 🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯
我諗,作為親建制的支持者,佢地真係好怕亂、好怕焦土、好怕安穩的小日子消失,更怕的是:解放軍和共產黨。
雖然我唔知到底可以點樣支持警察執法,畢竟大家連案都報唔到,警署又落左閘。而我亦唔明白,佢地明明親建制,又點解要怕共產黨。但係,我諗經過左黑社會示範「無差別打人」之後,終於把裝睡的人都嚇醒了。
大家有空的話,其實也可以試著了解一下親建制的朋友,在外敵(?!)的面前,他們還是有機會過來合作的。
似乎,林鄭的we connect,成真了。
#唔好問我配圖是什麼
#我無野講
#又要擁護北京
#又要怕共產黨係咩玩法
#傳說中嘅民意逆轉
#其實有冇KOL真係收到美國佬錢
#可唔可以介紹一下
#喂咁我都係搵食啫
#分啲餅碎俾我好冇
Search