咪搣我，痛 <3
徐志摩啲詩變咗粵語會點樣？
〔轉載文章〕
國語同粵語都各有特色，不過如果將國語嘅詩詞換成粵語嚟講，將會出現戲劇性效果，下面就將徐志摩嘅幾首名詩列出畀大家睇睇，左邊係原作（國語），右邊系經過香港著名鬼才填詞人林振強「翻譯」後嘅「粵語版」：
徐志摩 林振強
《再別康橋》 《劍橋拜拜》
輕輕地我走了， 我靜靜鷄散水，
正如我輕輕地來； 就好似我靜靜鷄噉踩嚟；
我輕輕地招手， 我靜靜鷄翕手，
作別西天的雲彩。 同啲雲講聲「係噉先喇，喂」。
那河畔的金柳， 河邊嗰啲金柳，
是夕陽中的新娘； 好似個新娘喺黃昏曬太陽；
波光裏的艷影， 反映喺水上面個靚樣，
在我的心頭蕩漾。 喺我個心度浮吓浮吓噉樣。
（以下數段從略） （以下幾段慳番）
但我不能放歌， 但我唔可以唱Ｋ，
悄悄是別離的笙簫， 講拜拜嗰支笛衰咗；
夏蟲也爲我沉默， 熱天的昆蟲都爲我收聲，
沉默是今晚的康橋！ 劍橋今晚眞係啞咗！
悄悄的我走了， 我靜靜鷄散水，
正如我悄悄的來， 就好似我靜靜鷄噉踩嚟；
我揮一揮衣袖， 我拍拍蘿柚，
不帶走一片雲彩。 一啲雲都毋拎，嫌重得滯。
《偶然》 《啱啱》
我是天空裏的一片雲， 我係天上面一嚿雲，
偶然投影在你的波心－ 個影咁啱遮住你喐喐吓嘅心－
你不必訝異， 你唔使問有冇搞錯，
更無須歡喜－－ 更加咪開心住，
在轉瞬間消滅了的蹤影。 眨吓眼我就冇晒影咯。
你我相逢在黑夜的海上， 我哋喺夜鼆鼆嘅海碰頭，
你有你的，我有我的， 你有你嘅，我有我嘅，
方向； 浮（音「蒲」）點；
你記得也好， 你記得又好，
最好你忘掉， 最好你咪鬼記住，
在這交會時互放的光亮。 互相鬥電嗰陣幾咁光猛。
《枉然》 《嘥心機》
你枉然用手鎖着我的手， 你嘥心機拉住我隻手，
女人，用口擒住我的口， 阿姐，重死咁咀我個口，
枉然用鮮血注入我的心， 嘥心機啪啲血入我個心，
火燙的淚珠見證你的眞， 雖然滾熱辣嘅眼淚幾逼眞。
遲了！ 遲唔遲啲呀！
你再不能叫死的復活， 你點叫瓜咗嘅翻生，
從灰土裏喚起原來的神奇， 點叫釘咗嘅我再有高潮；
縱然上帝憐念你的過錯， 就算個天原諒你對我做錯嘅嘢?
他也不能拿愛再交給你！ 佢都唔會叫我再同你疏乎。
《別擰我，疼》 《咪搣我，痛》
「別擰我，疼，」… 「咪搣我，痛呀，」…
你說，微鎖着眉心。 你話，皺皺地眉頭。
那「疼」， 嗰個「痛」字，
一個精圓的半吐， 蠱蠱惑惑噉，
在舌尖上溜－－轉。 喺條脷尖碌碌吓－－重Utum。
一雙眼也在說話， 對眼都喺度講嘢，
睛光裏漾起， 眼神裏面浮（音「蒲」）起啲，
心泉的秘密。 心水秘密嘢。
《夢》 《夢》
灑開了， 攤開晒，
輕紗的網， 重遮咩鬼嘢，
「你在哪裏？」 「你喺邊？」
「讓我們死，」你說 「我哋去死啦，」你講嘢。
版權屬於林振強先生及粵語協會
http://www.cantonese.asia/portal.php?mod=view&aid=371
我愛廣東話。廣東話資料館
