[慈山寺 · 靜修襌一🙏🏻 體驗日分享]
禪修都試過幾次 但係今次係第一次玩咁耐...
師傅話有五支香，每一次要坐足一炷香嘅時間，坐香嘅40分鐘自己打坐靜修，完咗之後要跑香
正正因為擔心自己平時冇盤膝坐咁耐，可能俾咗好大壓力自己🤕
第一支香：數息，順便當練習腹式呼吸，還可以接受，靜修嘅時間不停提自己坐姿
第二支香：好快就已經坐到腳痛... 個心不停諗其他嘢
然後食午飯，都唔敢食得咁飽驚眼瞓
(題外話，午飯有咖喱素牛腩! 真係想食多round😂)
飯後第三支香：最難捱... 盤坐到下半身好痛，坐到好炆憎，郁嚟郁去，數息數到亂曬，忍唔住擘大眼望吓其他人
第四支香：換換坐姿，只係希望唔好再痛，但係發現冇第一第二支香諗咁多嘢
第五支香：到最後一支，捱埋佢！由數息改為數數字呼吸，一開始數到亂晒，最後發現自己專注嘅時候數到四百幾下就完了
我喜歡跑香 雖然只係圍住觀音像行
過程中冇乜特別嘢諗 但係感覺好舒服
又可能係比麻痹咗嘅腳可以郁動一下舒服啲😂
喺坐呢五支香我發現，我每次坐香嘅時候成個人出晒汗！師傅話打通緊血氣。我感覺到自己盆骨打開，返到屋企發現平時膊頭掂唔到張床要拉開膊頭先瞓到，尋晚一瞓落去竟然貼實張床🙈
另外發生小插曲：
開始禪修嘅時候師傅講咗句「今日冇安排座位，所以如果你隔離嗰個喐身喐勢騷擾到你嘅話，呢個係你自己惹返嚟嘅」...
70人之中有一個係去到慈山寺嘅時候都已經隔空騷擾到我...
佢嘅行為係令我有啲反思嘅...
靜修打坐同書法一樣都有meditation效果
但係唔同嘅地方係練習書法係有工具去協助專注
而靜修只係靠自己意志去專注
難度比平時練習書法高深好多🙈
雖然靜修襌一過程真係好痛苦
禪修原來唔係咁輕易嘅事
係有啲變態，但係感覺真係好好
可以有大半日放低手機靜靜將時間留俾自己
好似將個心挖空了🙏🏻
雖然我成日都覺得呢個經驗可一不可再😅
但係體驗真正打坐冥想都係我一直都想試吓嘅事情
得閒要做多啲練習 清空個人🧘🏻♀️
令自己騰空多啲空間去處理平日嘅生活😊
Oh btw~~
慈山寺除咗"靜修襌一"以外仲有其他活動
有興趣嘅朋友可以去佢哋嘅官網留意一下！
不過參加活動要記得早啲上網登記丫！😊🙏🏻
#靜修 #打坐 #襌修 #心靈 #靜觀
