一連14日既 #開間咖啡店2 #開店真人騷 @muissscafe popup cafe 終於完成。節目將於2022年頭於77台香港開電視播出，敬請留意。
從兩個月來的籌備，到真係開cafe ，每日都好累但卻好滿足。
好感激每一位來臨既客人，無論係專登來支持的你們，抑或緣份驅使撞入嚟既你哋，感激你們配合拍攝、亦感激你們對我地一切不足既包容。雖然我未必每次煮出來的食物都保持到水準，但每次見到你哋食完滿意既笑容同讚賞，都好感動，好滿足。能夠見到你地食得開心，有一個舒適既空間俾你地唞一唞，仲有同你地傾下偈，見到你地重新充電上路，係我最開心滿足既事。亦係我一直想開cafe 既原因。你地既打氣同鼓勵，亦係令我越做越起勁既原因。
多謝我兩位拍檔 @aiyanlo 同 Christy Lai 黎紀君呢段時間我地一直互相支持打氣，互相補位，難得既係我地三個都對「開間咖啡店」呢件事做得咁認真，即使拍攝見唔到，依然落力去做。
多謝幕後同事既用心拍攝，從陳設到鏡頭都絞盡腦汁，辛苦建設。我地熱我地無休息，但佢哋比我地更熱更累辛苦，無怨言之餘更加越拍越起勁。每日廿幾部攝影機，8個鐘無cut機既拍攝，之後仲有漫長既睇片剪片時間。更特別想感謝你地對我既要求同堅持、緊張同執著既包容。還有在煩重既拍攝下，依然為我們帶來令我們淚奔既驚喜。
多謝所有節目上既嘉賓同私下俾我經常問野既廚師，全靠你地，我先可以有一個順暢既出餐流程。
最後多謝77台香港開電視，讓我實現開咖啡店既夢想，雖然只係14日，但已經係一個好好經驗。
我唔知節目出街會係點，可能我對於cafe 著緊既表現會嚇親你地。
但我最希望觀眾睇到我地台前幕後既努力。呢個節目真係有笑有汗有血有汗。
希望呢份努力都能感動到你地。
