【怒摑曾江無難處】
訪問見四哥，趁他那天神智幾清明，先讚下他擦過鞋下個馬威。「你後生時實靚仔過姜濤！」「姜濤？邊個嚟！」四哥沒有裝傻，他真的不知道。十六歲入行至今八十四歲的謝賢，經歷足足幾個朝代，比常人不知多活幾輩子，他邊識咁多人。
《殺出個黃昏》好好睇，可稱為四哥演技代表作。從前見到他，只會聯想到風流倜儻玉樹臨風，他有幾多女人幾多跑車。但其實從來沒有敬仰他的演出。尤其在電視框內，正所謂大俠難贏鄭少秋，民初莫敵劉松仁。直至2015年，蝦！你又真係當住全世界兜口兜面企圖摑埋曾江處，結果打歪，並好彩地由修哥副眼鏡食咗。難得連一向幾燥火霸氣的曾江亦呆咗：「阿四仲乜咁衝動吖？」阿四哥立即帝皇式回應：「我邊度都打得你！（係打唔中啫）」咁八十幾歲人打交係咁上下。
難得四哥呢一面夠野蠻夠真性情，真係幾十年來千王之王之電視電影史上從未見過。我覺得，保錡咁癲都唔敢當眾堅摑193或者花姐啩！事後話夾宣傳！黐線啦，你打我一句問我一句都唔信！問良心唔通你身邊會冇一個忍咗幾十年，早就想大巴大巴車佢嘅人物或角色咩！
今期掹車邊，同超級前輩鄧小宇、林奕華一起寫謝賢！謝謝買書收看！
#謝Rexkoo
#嗱冇話打人啱呀
#四哥後生又真係靚仔到大曬嗰隻
嗱冇話打人啱呀 在 睇下有幾多個係你哋識嘅呢？而搵嚟呢啲嘅口語字 - Facebook 的推薦與評價
而搵嚟呢啲嘅口語字，只係想畀大家認識下廣東話嘅本字，唔係想要矯枉過正，亦都唔係想令大家刻意咁用呢啲字 ... 啱(=aam1=)；唔啱著(=zoek3=)（不合穿）；啱啱（剛剛） ... <看更多>