關於 嗱嗱嗱我大把產品用 ，我們在網路上蒐集到這些相關的討論、資訊與評價

經過上個月的爛面事件
比我知道原來揀選產品係好__重要
而當我明明已經係自己既
#皮膚達人
又咁熟悉各樣產品同使用方法
都會令我有出事🥲
我就知道產品有幾易揀錯

比著大家分分鐘爛面以為係自己問題
搞完一輪先發現係因為揀錯產品
#大家擔心咗我咁耐然後到我擔心返大家😅
#到時真係人工皮都補唔返

其實每日當收到唔同品牌的產品
我都會拎返屋企試或者放响公司用
都係增加產品知識同深化對護膚的專業啫
#喂咪賴係深奧咁呀

不過認真我真係日日係度諗
#到底點幫大家揀呢 #我成日諗人諗咩🥲
我知道大家揀選產品的資訊來源
一係新品，一係邊個邊個賣的廣告

但我想用多一個角度
以我每日使用護膚品的經驗
加上每個同事學生觀眾的交流
將我 #真。用完 的產品
講吓我點解用點樣用同埋點好用
#唔用好都唔會用咁耐
#嗱嗱嗱我大把產品用
#而且我唔懶轉產品😌

由於係用完的關係
#你可想而知我對隻野有幾熟
#晴天陰天雨天
#面油面乾咩狀態都用過
應該會比一般全新的推薦更safe更多信心

#好啦我寫完第一篇
#留言有LINK

#RICKY空瓶企劃

一日之計，在旭日。

墨藍天空默默，靜候着晨暉到來，哈，真寫意，不如底下的一片昏黃。街燈有序，嗞嗞作聲地控訴着自己晝夜顛倒的工作，不似繁星亂綴，悠悠眨眼。也不止它們，石屎公路亦然，明明三更，卻還是熙熙攘攘，承受車輛不住地穿梭，月兒看着倒嘆美。也不是每位辛勤者都愛嗟怨，就如此刻於大道上馳騁的小貨車，靜謐地運載着車上的一老一嫩，也許是物似主人，司機座上的老人，臉上不帶半分煩躁，銀絲滿頭的他，比身旁尚留些許青絲的小伙子爽利得多，老人一雙銳目炯炯，跟他半皺的臉龐不太相襯；反倒小子眼臉圓潤，卻撐不起眼皮來，不住打瞌睡。

發叔，這是老人的稱號，一臉從容，一點料不到他正往骯髒之地去，上水屠房。他不是執刀的屠夫；也不是清潔大叔；更不是看更。他，是買賣牛雜的老行尊，這行業有一個略有耳聞的名號——執雜佬。身旁的阿漢，是發叔的兒子，如今父子倆正準備闖蕩他們每夜的老江湖，在朝陽趕至之前。


落日江湖
夜半路路亨通，小貨車已經抵達了屠房的閘口，阿漢猛地醒過來，雞手鴨腳地翻出往來屠房的通行證。閘口看更查證期間，平靜下來的小子，憶起這與他印象中小時候的屠房，很不同。小時候放假，做完功課沒事幹的他，就吵着要爸爸帶他到屠房玩，那年代嘛，很窮，沒有太多電子產品，對小朋友而言，屠房是一個樂地，因為到處是水，孩子玩水不畏濕身。當年，屠房的守衛沒有那麼緊張，基本車子上載甚麼人進去，都無人過問。「入得！」比發叔年輕得多的看更，把通行證看了幾遍，又點算車上人數，確保沒有外人才放行。還好，小子長大了，不再玩水。歲月神偷，總在十年廿載後，才東窗事發。唯獨是僅餘的這十來個逐臭之夫，依舊夜出早歸。

是的，這一行只餘十二人。行內年紀最大的發叔，五十多年來都堅持這樣的生活，凌晨一時許來到屠房作準備功夫，清潔﹑磨刀﹑磨剪。執雜佬在屠房內，都擁有自己的位置，做好準備，他們就靜候着屠夫宰掉一頭又一頭活牛後，把取下內臟運送到他們的位置。牛雜分成上雜及下雜，牛柏葉及牛雙連是上雜，由於價值較高，故肉食公司都會保留。至於執雜佬執到的，就是下雜，包括牛膀，即牛胰臟、牛腸、牛粉腸﹑牛肺、牛肚，即牛胃﹑牛脆骨，即牛氣管等。兩點半左右，接到牛雜後，先把內臟清洗乾淨，這個階段的牛雜，相當齷齪。牛畢竟是雜食，內臟廢物多，發叔形容這是一陣餿味，臭氣熏天，他邊洗擦着一大幅牛胃，邊講解原來吃不同飼料的牛隻，氣味會有所不同：「嗱，食草嘅牛呢，就冇咁臭；食粟米嗰啲就不得了。」尤其是牛胃，有糞便，甚至鐵釘﹑沙石，就連古幣他也見過。


他把另一幅小巧得多的牛胃交予阿漢清洗，這是牛沙瓜，牛胃的其中一部分，因為物罕而最搶手。接過沙瓜的阿漢不住調侃：「講句難聽，比一個未洗嘅公廁仲臭，不過細個成日嚟，慣咗陣味。」除了味道，最苦了人的，是工序，當中最花工夫就是洗牛腸。只見，發叔洗好牛胃後，就於放滿水的藍色水桶內，捏起一條牛腸，用鐵通串好，再從末端反方向拉往自己一方，就把牛腸內外反轉，要逐條通乾淨。他指牛腸油脂多，洗完大腸後，手心一陣肥膩，久久也洗不去。發叔沒有戴上手套，就這樣用手擠洗，他笑謂：「好多行家話唔戴手套，做耐咗手會唔好，我就做咗幾十年都唔戴，冇嘢啊，你睇幾滑。」把最後一條牛腸洗好，他伸出手來，着兒子幫忙把一桶桶的牛雜搬到車上。

屠房偌大，一路上，發叔滔滔未停。他說執雜這江湖很小，各行家都得遵循老行規。誰個每晚分配到多少牛雜，早已跟隨第一代而定，不能巧取，如遇缺貨，就只能高價向其他行家買入，但人家也不一定有多餘的可賣。至於他們提供予哪一家食肆，大抵是固定的，鮮會出現搶客的情況。然而，發叔最擔心兒子經驗不足，較死板，不會因應情況而增加或減少數量給客人，致牛雜分配不均。說着說着，二人已經來到停車處，協力把數桶子都抬入車尾之時，天色已成藏藍，把車子撻着，電子鐘顯示為凌晨五時，小貨車又再出動，送雜去。

日出而息
離開腥臊之地，這趟車去屯門，算是長途，由阿漢掌軚。執雜佬每日工作約莫七小時，五點離開屠房的話，大概七至八點送畢所有牛雜，可以回家休息。阿漢卻例外，下班後，他還要去當貨車司機，他苦笑：「冇計啦，有老婆有個女要養，呢一行又唔可以賺好多，咪要努力啲囉。」這勾起了發叔的刻苦歲月。

發叔本是澳門人，十八歲來香港，跟隨姐夫到牛棚工作而入行，成為了執雜佬。當時的牛棚比屠房更糟，無瓦遮頭，宰牛後於地下洗牛雜，又黑又血腥，起初他十分不習慣，但讀書少，打任何工都只能苦幹，反正當時這一行人工算是高一點，而且做生不如做熟，習慣習慣，就好。後來成家立室，更離不開這一行。至一九八六年，姐夫退休，於是便接手生意，半輩子，就這樣過去。

貨車終於停定，父子倆合力把藍桶卸下到小鐵車，往砂紅招牌的「新興麵家」推去，只見小店仍未開門，發叔就把東西放在門口，再往對出草叢處拿走一個空的大桶，就往車子走。這次換了發叔開車，阿漢則在一旁解說。他們現時共供貨予八間食肆，全都是合作多年的老字號，大家有固定的交收模式，甚至有店主把門匙交予他們，好讓他們夜半把牛雜放到店內。說到只供貨八間餐廳，發叔開着車也忍不住慨嘆，有些事，的確無可奈何。活牛由五豐行從大陸收購後，運來香港。他猶記得全盛時期，全港每日宰殺四百多頭牛，他最高峰一晚洗三十多副牛雜，是現時七至八副不能相比的。

如今，普遍認為吃內臟﹑吃紅肉不健康，不如舊時熱愛，活牛愈來愈少，每日只有四十來五十隻牛，牛雜供不應求，行家之間根本沒有機會競爭，縱有客人想買貨，大家也沒貨可交，很多食肆惟有買急凍貨。當然，也有尋鮮之人，故有些行家會取價高者得的策略，放棄出價較低的舊買家，改供貨予高價者。但發叔卻有他的堅持，只要老客戶仍然向他買牛雜，他就不會棄之不顧：「做耐咗，好多都變咗老友啦。」就如銅鑼灣「九記」，由現時事頭的父親單眼九當家那年代開始，發叔已經認識他爸爸，他吃吃地笑：「舊時單眼九同我老細買牛雜，我收工就去幫佢洗碗仔，搵外快嘛。」

說時遲，小貨車已來到中環，阿漢留下來看車，發叔則帶貨到「水記」，老闆水哥一見老朋友，就不住聊天，口水多過浪花。返回車子的途中，發叔仍然掩不住笑意，這一份情誼，是此刻坐於駕駛座上，等待着父親歸來的阿漢所不能理解的。噠一聲，貨車向最後一站——黃大仙駛去。抬頭，上方已是一片湛藍。

送走了最後一桶牛雜，父子二人坐於車尾邊緣回一回氣。發叔知道兒子孝順，這個行頭，兒子願意接手父親生意的，只有三人，他自覺幸運。今年年頭，阿漢因為眼見爸爸年紀開始大，始終這一行要勞力，半夜又辛苦，故回來幫忙。年輕人嘛，總有些少埋怨，畢竟執雜佬日夜顛倒，沒有假期，又請不到新人入行幫忙。現實歸現實，日日有牛雜分配予他們，不開工的話，牛雜拿去哪裏？這一行，很難回頭。老人淡然，深知這是心態上的調節，雖說厭惡，但執雜卻養活了這幫執雜佬，養大了他四個兒女。一旁的阿漢搭了搭爸爸的肩膀，道：「佢幾時冇力做，就正式接手，冇牛雜就冇我哋，佢一世人心血，會繼續做落去，做得幾耐得幾耐。」

人可真矛盾，很多執雜佬都嫌辛苦，只是，一旦退下來，沒有了寄託，不出三年就走了。發叔低首盯着石屎地，嘟嚷着：「唔想啊，唔想死啊。」卻不見頂上，赤烏正冉冉上升。
回首，一生之計，也在旭日。

採訪：黃寶琳
攝影：胡浩賢、謝本華
剪接：胡浩賢

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study

從前有兩兄弟，細佬就去咗哈佛讀書，阿哥就去咗哈佛增髮。 有一日，阿細佬就突然間同阿哥講： 

細佬：阿哥一齊創業喇！我哋去賣梳比和尚。

阿哥： 你傻㗎，和尚個個光頭，邊度洗梳頭。

細佬： 佢哋係光頭，但佢哋都要搵食㗎！

阿哥：咁關你乜事

細佬： 做生意，人客嘅事就係我哋嘅事。如果我係和尚，我都想改善生活，先至能夠更全心全意奉獻俾佛。但只係依賴信眾嘅燈油捐獻，佢哋個個都收入有限。 因此我已經搞咗幾次focus group，問咗一百個和尚佢呢想點， 其實佢哋個個都想「唔好太牟利」地搵多啲方法搵多啲錢。


阿哥： 咁即係點呀？


細佬：網上有個乜李根興嘅粉腸成日話唔好喺乞兒兜入搵飯食， 但幫佢哋去搵食呢就反而可能係條財路喎。 所以我哋唔應該賣梳比和尚，係應該幫和和尚去賣梳。 當然我唔係指佢哋係乞兒啦。


阿哥：阿李根興咁nice，梗係唔係咁嘅意思啦。


細佬： 嗱！中國有13億人口，當中兩億信佛。 就當佢哋每年只係去一次寺廟，等於每年就有二億個潛在顧客。 嗰啲善男信女，次次都風塵撲撲咁去到寺廟到拜神， 目的都只係希望積下善，同埋保平安啫。 如果我哋能夠叫啲大師為梳子開光，臨走前賣畀嗰啲善男信女成為佢哋嘅護身符。 男嘅就叫做積善梳，女嘅就叫做平安梳， 到時一定會大賣。每把梳賣十蚊，自己用已經每年廿億收入喇。 未計送俾親朋戚友嗰啲添。


阿哥： 細路， 善哉、善哉，係喎。


細佬： 我目標係每年要賣出兩億把梳俾和尚用來保佑信眾，咁和尚收入多啲，信眾又更加能夠積善平安啦。


阿哥：咁點賣呀？


細佬： 全中國咁大，我哋有三樣嘢先要做好。 (1) 先搵十間分佈喺各省市嘅廠， 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳，同埋平安梳嘅好處。(3) 再建立物流嘅網絡，咁遇上佛誕、初一、十五嗰啲日子呢， 出貨入貨就可以更加貼市啦。


阿哥： 好喎，我星期日教堂有100個兄弟可以嚟幫手。


細路：錯啦，sell 得俾和尚， 一定要同聲同氣，加上佢哋日日喺寺廟入面咁枯燥，梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell，出發去sell 佢哋，同埋第日要檢討下點解sell 得成或者唔成。 我哋會將成個中國分成起碼廿個區， 每個區有個區域經理孭起每年賣一千萬把梳條數。邊個sales 賣出超過一百萬把梳，就會升職加薪。 我自己都每星期落區，去一間和尚寺道sell埋一份， 同方丈/和尚建立關係，我有實戰經驗先至能夠輔導其他sales sell 多啲。


阿哥： 細佬，你係哈佛大學真係學到嘢喎。


細佬：咁好嘅「和尚賣梳」idea,  你同我兩兄弟就聽日去籌錢創業啦。但今日起，為表我嘅決心，我會轉食齋、剃光頭，咁先至可以見到和尚時同聲同氣。 阿哥，你唔使再去哈佛增髮啦， 剃光佢啦。 慳番啲錢下去哈佛讀書好過啦。


我而家身在Boston，又返左嚟Harvard 呢道學 leadership 領袖技巧。 以上故事，我目的唔係想講宗教，但根據哈佛教授 Robert Kaplan 佢話做領袖，來來去去都係講要有 Ownership Mindset  承擔責任感: What do  believe 你嘅信念係乜, Have you acted on it 你行動左未, and Add Value to Others 為其他人增值.  


有嘅，執行再講 Vision 願景 , Priorities 優先重點 and Alignment 言行一致.  如果你做齊以上七樣嘢，你就可能係個好領袖， 好大機會人哋會跟住你行同埋做出成績。


(1) 先講 Ownership Mindset 承擔責任感。你有冇覺得嗰樣嘢係你自己嘅呢？ 屋企地下污糟咗，你會唔會執？你隻腳痛，會唔會去睇醫生？ 會?呢個就係 Ownership Mindset. 但老實說，生活、工作、甚至乎家庭，你係唔係覺得好多嘢都唔關你事，當睇唔到呢？ 呢個就係無Sense of Ownership. 要做好領袖？你先要有ownership， 呢個係最根本 。 等於你要做個好爸爸媽媽，起碼要個胚胎先啦。 無嘅，乜都唔使講。


(2) What do you believe in? 你有咩信念？ 我唔知你想拯救地球，定解放宇宙。 當你覺得自己係個Owner 嘅時候，你對嗰件嘢你想佢點呢？ 


(3) Have you acted on it 你有乜嘢行動？ 諗？冇用㗎， 你做咗啲咩去實踐你嘅信念呢？ 我最憎啲人呢就係話：「我當初都知唔得㗎啦!」 兜腳西埋去，不知所謂，馬後炮 。知道又唔早講？


(4) Add Value to Others 為其他人增值. 如果你做嘢只係為自己，無人會跟你。 幫到其他人嘅，自然追隨者外來嘅動力會大好多。


唔好講到咁複雜，睇返個哈佛兄弟你就明。


Xxxxxxxx (重複部分內容)



有左以上的四個基本條件， 咁點樣去執行呢？ 教授Robert Kaplan 佢就提到要有 Vision， Priorities and Alignment. 


(5) Vision 願景， 就係你想達成啲乜嘢？ Is it distinctive? 是否獨特呢？ 做到之後， 呢個世界係咪會好啲呢？抑或人做、你做，世界無左你其實都無乜所謂呢？ Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司，令到更加多人可以買舖唔駛煩，一舖養三代。


阿哈佛兄弟嘅Vision 呢？ 

 

(6) Priorities 優先重點， 就係你要先專注做好邊幾樣嘢。 乜都做，等於乜都唔做。 同一時間做十樣，等於十樣嘢都做唔好。 最好專注做好三四樣嘢已經夠。 呢三四樣嘢，可能係人事管理、可能係資訊科技嘅發展、可能係產品嘅創新。 我呢？就係買舖、搵租客、幫佢哋做生意、賣舖同再幫租客做生意。


阿哈佛兄弟嘅Priorities 呢？ 


Xxxxxxx (重複部分內容)


最後，(7) Alignment 言行一致。 有咗Vision (where to go and why go there?) 之後， 有埋三四個priorities (what to do?) , 最後就好似揸車咁， 四條車呔要同一方向，一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢？ 同埋You 你自己。 你每日喺度做緊啲乜呢？你嘅leadership style 領袖風格又係乜呢？ 你會唔會講一套，日日自己去打Golf，又做另一套呢？


又聽多次哈佛兄弟點？ 


Xxxxxxxxxxx (重複部分內容)


聽完以上七樣嘢，ownership mindset, what you believe in, take action, add value to others, vision, priorities and alignment.  你做咗幾多？你又係咪一個好領袖呢？ 唸唔通？得閒來下哈佛或者索性剃光個頭諗通佢啦。

http://www.facebook.com/lamfungfrances
http://www.facebook.com/tagconcept

【紋紋去哪兒？搽精華搽到有Botox效果，很想要吧！】
Clark's Botanicals NOURISHING YOUTH SERUM 抗衰老淡紋緊致精華 30ml

男人三十而立，女人三十而剩... 仲未嫁得出嘅你，咳咳... 傷心嘢都係唔講嘞！其實剩又好唔剩又好，有邊個女人唔想保持肌膚年輕得碰著誰亦能像?妹卜卜趣呀？可惜好多絲打都做唔足防old措施，護膚品冇揀過就買，失敗！正所謂幼紋三寸非一日之乾！搞到三十歲人就經已成個韓紅咁嘅款，死紋一面頸！嗱以下嘅產品唔係事必要你知，但你所知嘅，將會成為日後回春證明！


來自美帝嘅Clark's Botanicals牙瘋早排同大家開心些牙咗佢支專門對抗下眼肚浮腫嘅eye cream，今日就將另一款重點產品Nourishing Youth Serum帶到各位mon前！


見過本瘋真身嘅，應該都知我雖然稱唔上蛇精男塊面咁V煞，但都firm firm地嘅！近日同唔少熟客吹開水，都話牙瘋塊面更firm一層樓！起初我仲以為大家虛偽讚美為名，r贈品為實！殊不知連瘋母都話我塊面光澤咗、虎紋淡咗，我就知道CB呢碌Nourishing Youth Serum正式嚟料啦！


Firm呢家嘢，若然唔係捱咗十幾下還原靚靚拳咁，有即時效果的話，真係唔係咁易察覺得到！但幼紋就唔同，有幾條嘢喺塊面熠熠揚揚，好很礙眼架嘛！牙瘋用咗Nourishing Youth Serum三星期咋，虎紋出奇地好似用美圖獸獸篤淡咗咁！原本我以為幻覺嚟啫，嚇我唔到嘅！但虎紋果個位啲皮膚本來係有些少豬dup dup架，家下咁多個都話瘋仔firm咗，我好難說服自己唔關支精華事囉！


隆重介紹返，CB Nourishing Youth Serum集合咗兩種局部神經肽複合抗氧化劑（Hexapeptide-11、PRE Complex），強而有力咁撫平乜紋物紋，包括虎紋、魚尾紋、額頭紋、眉心紋、頸紋！同時放鬆肌肉幫助肌膚提升，搽下搽下，botox效果不是夢啊！


另外含有CB核心成分Jasmine Absolute Extract茉莉花油，修護肌膚，高效抗菌抗炎，仲可以upgrade皮膚彈性！聽見有埋維他命A、C、E，就知個抗氧化力非同小可，強化免疫力，對抗環境污染，跟手光澤肌膚，告別死灰面！仲有蘆薈、卵磷脂、亞麻油酸加入埋戰團，由外到內再到返外滋養肌膚，舒緩發炎問題，減少暗粒同痘痘！正呀喂～


所以話，年齡未必係女人嘅天敵，只要揀得啱抗衰老護膚產品，心境又夠young，就算已經踏入姨媽之年，都大把仔仔爭住過嚟hi下auntie呀！我林瘋話嘅！


TAG Concept
www.tag-concept.com
總店：旺角新之城3樓306
13:30 - 22:30
分店：銅鑼灣東角駅2樓275
13:15 - 22:15
WhatsApp：54425298
WeChat：tagconceptonline