［薪有限，但做無限］Fuck more, fry less．由嘉年華郵輪Carnival（CCL） 講起
TLDR：都要諗下，點解買股票賺大錢咁難？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
1. 喂，真係冇點你喎。而且真係有讀者買咗中咗主動PM我，仲買得唔細（可能對佢嚟講細啦）。冇計錯佢贏咗12萬港紙，即係買咗40-50萬？
2. 真的，呢隻就唔係理文化工746，唔係我原創。但站在巨人肩膊上，我嘅工作就係一日睇好多好多好多嘢（歡迎嚟比劃比劃），然後消化晒所有嘢，再揀啲好嘢包裝過揀畀你知。你嘅時間應該去做啲更寶貴嘅嘢，例如應付你老細。一個月畀一舊水我，幫你解決好多問題。食餐飯都唔止。
3. 講返，出文講郵輪都只係一個月，寫嗰時22.7，而家52週新高，昨晚見過30蚊。一個月唔夠升三成幾。咁你嫌慢嘅都幫你唔到。
4. 至於rationale，上次寫過啦。美國打疫苗打得快，經濟復蘇又勁，仲派錢，仲見到之前新經濟散晒，輪換去舊經濟，天時地利人和了。
5. 得三個問題仲要諗（你以為上一段嗰堆嘢就夠？）。第一，會唔會開返冇人敢坐。第二，會唔會捱唔到重開就破產。第三，會唔會已經唔值搏。三個問題都冇絶對答案（否則人人發達，隻嘢應該60蚊）。但Patreon有討論
6. 而家仲買唔買得？又係官方答案：夜晚九點半你咪買得，買到四點（留意轉咗夏令時間）。正經答就：「22.7叫你買又唔買？」。真喎，舊年3月我老母幾咁忙，我仲好記得架。OK，再正經啲答，照計仲有水位嘅，但到啲友開始真係ig出文講好期待乜乜之旅，就沽得。
7. 最後，都分享下，雖然呢隻唔似啲增長股（其實只係發夢股，有啲根本都冇乜增長，收入都冇），唔係一日升跌一兩成。但當中都chok chok地，一日都有上落5%。信心唔夠都未必坐得穩（你知啲友跌3%都叫救命架啦）。
8. 我就食呢行飯冇計，但即使做分析員或寫Patreon，我都N咁多年冇裝即時報價。趕住投胎？你日日睇反而易震走，或者忍唔住自己快手「止蝕」（or even worse，「止賺」）。
9. 遲下都會寫文講，但即使係長升長有嘅美股標普指數，你估下有幾多日子係升？答案係53%。你日日去睇，見到升跌市機會，一半半。同樣地，日日去賭大細，都係咁上下。（＊）
10. 但睇月份，63%嘅月份係升嘅！即時好好多。睇季度？去到69%。睇年份？74%。
11. 所以我唔明，點解好多人以為投資，就係要日日望實個股票機。亦唔明係咪即係買美股我要5點先訓得（夏令4點）—明明多數人都唔係5點訓（但我寫Patreon就係！），咁即係你都覺得買美股唔使睇到實 — 咁點解買港股又要日日睇實？
12. 最後吹多樣，外國都應該係，但香港特別明顯。你見買股票致富嘅（＊），或者至少大幅改善生活水平嘅，極少極少。你數得出有幾多個？勉強嚟講你可以話大劉（唔好計咩風扇火水爐嗰啲啦）。但靠買樓致富嘅，好多好多人都有，小有小搵大有大搵。
13. 原因好多，但有啲小朋友以為「樓價跑贏股票」，錯，錯得很。你可以睇下啲陳年成交美孚新村升XX倍，或者雷強水族行（早排經過，有感情，another story）個舖又幾十年升咗幾多，然後你再睇下當年恒生指數幾多點？我都唔好計你買騰訊咁屈機，仲要係近十幾廿年都橫行嘅恒指咋，你十幾廿年前比爭得仲要
14. 咁點解買樓搵錢易，股票難？兩樣嘢。首先，槓杆，買樓N咁多人都被迫槓杆，但相對地係好嘅槓杆，低息，而且你一路供嘅銀行極少會call loan，你層樓跌幾成都冇事．股票呢？難做到槓杆啦，仲有息高啦（你計下股票孖展同你供樓爭幾多？），但最要重都係：一跌就call你孖展，一兩日冇錢到嘅，即時斬晒，保證冇仇報
15. 但第二，亦都好重要嘅係：買賣樓太難，交易費用高，金額大，亦冇得半間咁賣。你總唔會半夜起身屙夜尿賣咗層樓的（雖然有人百佳買餸就買咗層樓，嗰個係我老母）。但好多時你半夜手痕睇美股，見到升得多就沽咗佢，跌得多又沽咗佢。咪食唔到個浪。N咁多人都一兩百蚊買過騰訊啦。我都兩百蚊買過Tesla-拆股前嘅兩百蚊呀頂！
16. 畫到出腸啦，除咗攞威賣廣告，都有嘢落你袋嘅。要sit tight嘛。你坐過升十倍嘅股票未先？我就坐過啦—但買得好少！仲係因為放咗落櫃桶底。
17. 所以亦都容許我最後又鬧多句：都痴撚線，舊年啲友成撚日以為我叫人買股票，哦，仆街死財演昆鳩你推你去死，好多人疫症死經濟又衰退仲叫人買股票你痴撚線架？仲話哦，我叫人買股票喎，有得分佣喎。
18. 即係，先唔好講我從來冇叫你去康宏證券（已死）買。我亦好肯定公司唔會分佣畀我 — 因為，你畀幾錢佣呀老細。你估到啦，牛肉又出場。我昨晚打餐邊爐千幾銀，你計下你Trade幾多錢先夠佣畀我同我老婆打一個月邊爐？「唔好唔記得康宏仲要同我對分喎！」
19. 天地良心，由始到撚，過去十鳩幾廿年，我都係叫啲人睇少啲股票機，炒少啲股票（＊＊），你搵晒廿年嘅文我都係咁講。擺明我就幫自己倒米啦，huh？
20. 不過，而家明刀明槍叫你訂Patreon，就係真嘅。風再起時，我光明呂樂，賣廣告咪賣廣告咯。唔得呀？
21. 但，啲手切牛肉真係好貴架，知冇？
22. 又，in case有人係要找碴。係呀，讀者張相3月4號。但我今日先貼。因為之前想貼時股價落返去，我費事又有人出嚟鬧。而家破埋頂，高過佢呢張相時嘅價啦。滿意啦？
（＊）可以定義咩叫致富，姑且當係幾百萬？
（＊＊）當年星展個士撈緊叫 Live more, bank less。幾入腦，同埋我都覺得幾好（至少好過「亞洲最安全銀行」，嘻，保險箱都掉埋你嘅最安全銀行）。當然嗰時我就同啲同事講，Fuck more, fry less（＊＊＊）．薪有限，但做無限。炒啲啲股票啦。好粗俗？扯，人地講make love no war又唔粗俗啦。
（＊＊＊）你有眼福了，遲下如果我幫呢個Post落廣告，我就會自動河蟹，改走呢個F word
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
嘉年華郵輪 破產 在 [請益] 郵輪公司抄底還有救嗎- 看板Stock 的推薦與評價
根據CNBC最新的新聞顯示
挪威郵輪公司警告並尋求破產保護
看群組很多人都在抄底挪威郵輪NCLH、嘉年華遊輪CCL
但是下午的新聞又說8/1號要復航
郵輪公司的債務狀況都不是很好，過去都是高槓桿的方式在經營郵輪
這一波政府是不是不打算救了啊
--
※ 發信站: 批踢踢實業坊(ptt.cc), 來自: 114.198.188.233 (臺灣)
※ 文章網址: https://www.ptt.cc/bbs/Stock/M.1588699299.A.260.html
... <看更多>