有時候，見到有人明白自己心意，真系眼濕濕。
今日想寫一個人，一位餐飲業老細。
經常要問零售業、飲食業情況、甚至加人工或最低工資，都會接觸佢。佢經常會掛係口邊，話港台個窮富翁節目，改變左佢想法，令佢想做更多去幫有需要嘅人。
因為係呢行見得太多人，明白好多老細係得把口，講就為社會責任點點點，根本都當員工唔係人咁。至於呢位人兄點貢獻社會、提供咗咩福利俾員工小記唔多講，各位有興趣可上網睇睇，但近日小記去佢旗下一間餐廳。發現一樣頗意外的事，令小記幾佩服，亦幾感動。
大家知香港有一種投訴文化，乜都要投訴一餐，影低你，係Facebook寫衰你。
當日食飯，小記一坐低，見到每張檯都有一個夾單牌，牌上有張卡紙，於是好奇望下，諗住睇下有咩信用卡有著數。點知一望就見到呢位老細個嘜頭，內容係話要班尊貴的顧客，如果見到佢啲員工做得好，就表揚下啦，笑下佢地都會好開心架。如果你想叫佢老細表揚仲有個電郵。
平日我見到的連鎖日本餐廳，都係俾張紙你，然後問你有乜寶貴意見，包括服務、食物質素，大開中門，俾機會你投訴佢啲員工。不過，呢位老細調返轉頭，話你知，我啲員工先係最重要，而且我知佢地辛苦，唔該你咪係度西口西面。
真心講，有時一個打工仔最感動係老細企係自己個邊，而唔係同個客一般見識，呢位老細正正做到。小記好認同，多啲笑容，少啲批評，會個社會會開心好多，真心欣賞佢呢種思維，同破格嘅做法，所以好想分享呢件事。
利申：非廣告，無收錢，純感受
嘜頭內容 在 Ship2TW - 嘜頭代表什麼意思?... 的推薦與評價
嘜頭 的主要內容如上圖有收貨人和發貨人的資料及生產國家和包裝數量和尺寸大小及重量，也可以將需要注意的事項也標註上去（如上圖），例如需要保持乾燥 ... ... <看更多>