我好彩而已. 多謝上天, 感恩.
今次DSE, 果然係新鮮野, 不再炒冷飯!
第一, 唔出議論文!
第二, 將中華文化融入作文題目中!
第三, 從日常生活入手, 考你會否死讀書.
卷二作文題目有三條, 我好彩貼中兩條, 一條係:
唐老師不喜長篇大論式說教講大道理, 言辭少; 但從平素行為, 看到中華文化可貴的一面, 行為顯.
我不敢認叻, 但關於言, 行 兩者, 有成篇範文, 叫'訥於言而敏於行', 3-4版, 夠你參考同抄考了.
除了言行外, 你可以作多些唐老師的其他方面既特質, 我教過'律己以嚴, 待人以寬', 又教過中國音樂觀, 又講過師生關係, 誨而不倦, 亦師亦友......
所以, 如果你寫一個平時少講野, 但做野有效率, 教人有心機識因才施教, 與學生關係好既音樂老師, 應該5星星都得!!
最重要睇你地, 你地一緊張就咩都唔記得了.
至於另一篇講箭豬既, 就要 '貫穿我地既現實生活' , 即係各同學身邊既例子, 保持不太近又不太遠既距離既情況, 反而更佳.
記住唔可以用古例!
距離, 有肉體上同精神上兩方面, 前者好易, 平時搭車, 搭LIFT, 飲茶都得, 否則便好易嗌交, 呢D好易作.
精神方面, 可引朋友, 待人接物,工作, 男女, 兩代, 師生等等, 我覺得呢篇不過將我教過既事例抄番出黎就得, 例如:
巴菲特與下屬關係; 朋友間有錯要提醒佢, 但佢如果唔聽就走, 不要自取其辱; 異性有D只可以做朋友, 但太CLOSE成為情侶又唔得; 師生關係等等
最重要的, 是我有一篇文, 叫 '謙讓 與 競爭',中, 我地平時要收埋D箭, 但有時面試, 見工就起箭, 兩者不矛盾, 能放能收!
以上有晒證據, 包括錄影, 筆記架.
可能你地一路睇, 一路DUP心:
頂! 欣欣真係教過架喎, 最衰緊張啦!
第一日, 係咁架啦, 一起迎接明天啦!
經過今日教訓, 記住:
淡定, 有錢剩!
