《你無錯,但香港地係咁架啦,你知道個問題係邊,但你解決唔到個問題呀嘛》
今晚我去咗睇一套德國同丹麥合拍嘅電影《十個拆彈的少年》(放心,以下真係無任何劇透),呢套戲係講二戰後德國少年俘虜,俾丹麥人派遣拆除二戰德軍埋喺丹麥嘅地雷,套戲係有少年被地雷炸到斷手斷腳場面,有地雷爆破場面,種族歧視,逼人飲尿,戰後仇恨..... 咁總之成套戲都非常嚴肅,非常緊湊,全場都「講不出聲,講...不出聲」。
入場前,我買咗個熱狗,我知套戲有斷手斷腳場面,就趁trailer期間拿拿聲啪左成個熱狗入口。而且我知套戲全部都係講丹麥文同德文,我唔識聽,係必須要非常concentrate,先可以又睇畫面又睇字幕。
我今晚買嘅位就係圖中咁啦...
套戲100分鐘,全場係無人出聲,就只有我隔離再隔離個pair 低質情侶「講戲」講足全場。一開始個女朋友就問「個班人講咩話?」,然後佢男朋友就不停扮演google translate,解釋丹麥文同德文。然後往後每一個爆地雷鏡頭,個女朋友都話「好驚呀」,個男朋友就妙手仁心咁安撫佢「唔使驚」。當中好多個德國拆彈少年都俾人炸死,一路死,個Pair 人就不停表達自己好sad嘅感受。
啲演員死到一半嘅時候...
我已經feel 到「其實自己一個更開心」男人,側側身坐,避咗個pair 情侶,我都好頂唔順,於是我就拍一拍「其實自己一個更開心」男人,同佢講「唔好意思,你可唔可以叫佢哋唔好咁大聲,幫手噓下佢哋啦」.....
「其實自己一個更開心」男人... 對我冷笑咗一下,坐返直個人,繼續睇地雷爆破,從此唔出聲...就好似佢都陣亡咗一樣...
同一時間,個畫面出現嘅啱啱就係其中一個少年俾人炸斷咗pair 手,無其他人肯幫佢,無人肯抬佢去睇醫生...
我個心好寒呀... 對於套戲...同香港地
※※※※※※※※※※※※
點解我會叫「其實自己一個更開心」男人噓佢哋,唔自己噓,係因為我唔想嘈到人。我係唔係要跨過「其實自己一個更開心」男人,再企起身出聲?咁咪嘈到更多人?
其實事後我同我朋友討論咗一陣,我到底有無錯?
我咁拍「其實自己一個更開心」男人,叫佢噓人,我阻住佢睇爆破,但我唔拍佢,佢都俾pair 低質情侶嘈住,佢都竟然唔出聲。
我朋友同我講「你對個社會過份要求啦」...
根本「其實自己一個更開心」男人覺得,只要有得繼續睇爆地雷,佢理得隔離車震,佢根本都係低質,佢係唔會覺得有問題,只要仲睇到套戲,多一事不如少一事。
「你無錯,但香港地係咁架啦,你知道個問題係邊,但你解決唔到個問題呀嘛」
「你睇開啲啦,而家根本香港地嘅人質素就係咁低,你只可以算數,你啱先無野做到,你要接受香港係愈來愈多呢啲低質人。你如果坐個pair 人隔離,你可以自己叫佢收聲,你expect 「其實自己一個更開心」男人出聲,你諗得個世界太好,無架啦,香港係咁架啦, 一係你就好似徐子淇咁包個院,如果唔係,你就認命啦,成街都係呢啲 人呀」
今日呢個情形,真係好香港,日日都發生...
「其實自己一個更開心」男人其實真係好似香港政府,我無論講咩,佢都只係冷笑,佢點會同你向中央表達姐,唔好諗多咗啦....
「其實自己一個更開心」男人亦都好似港豬,「有人侵占香港利益呀,點可以唔理呀」,佢係覺得,少少利益姐,唔好嘈啦,唔好爭論啦,唔好咁唔冷靜啦,有得食飯,俾少少利益人有咩問題?
PS. 我真係唔明香港地,呢啲低質人,你唔明,你驚,你睇返MK 活地阿倫啦,你唔明,你又要問,仲要一路睇一路問,仲成程不停check 手機睇幾點,照田雞咁「殘」住其他人,你要增進感情,質素又咁低,book 間時鐘酒店交配啦。
嚴德文醫生好唔好 在 兒童腦神經科醫生嚴德文醫生道出家長怎樣安排孩子在家中最 ... 的推薦與評價
在新冠肺炎的疫情下,相信一眾家長們最頭痛的是,除了要做足抗疫及防疫措施外,就是孩子由於不用上學,又被迫減少外出時,在家中怎樣安排他們的日常 ... ... <看更多>
嚴德文醫生好唔好 在 嚴德文醫生- Explore 的推薦與評價
發燒其實無論幾多度38定39定40都好,只係一個數字,吾好比個數字嚇親, 吾係話40就一定會抽筋,吾係燒到40就會頂吾順,發燒係身體士兵打緊仗既信號,好正常,退燒藥吾 ... ... <看更多>