【麻辣小店，真心要撐！】
秋風起涼涼地，四川麻辣就啱晒你～🍂🍁🌶🌶
好耐冇介紹過小店啦，有心嘅小店一定要撐！
真心希望呢間價錢親民嘅良心小店可以一直做落去！！
呢間麻辣外賣小店係我同事介紹，嗌過一次外賣返公司食，個個食到上晒癮。幾個同事夾錢，share午餐好抵，仲要好好味！😋😋
小店位置唔算偏僻，位於鰂魚涌港鐵站 B 出口，行5分鐘左右就到。 主打麻辣小菜，樣樣都做到水準極高。跟同事食咗幾款已 feel 到大廚製作相當有heart, 仲好有驚喜！
麻婆豆腐爽豬肚：香港地食到個嘴會麻嘅麻婆豆腐真係好少，肉碎加上麻辣既醬汁，食多2碗飯都無問題，愛死！
重慶水煮魚：水煮魚口感嫩滑，油而不膩，最中意佢用魚柳，唔係魚片，唔洗驚有骨！個底有好多芽菜好入味!
四川椒麻雞： 皇牌椒麻雞，雞滑，辣又香，啖啖肉，相當惹味！
嫩羊肉配芙蓉蛋：(由於太過花時間及功夫， 老闆話會轉做晚餐至推出芙蓉蛋！）
洋蔥、芽菜、韭菜、羊肉揉合於滑蛋中，要控制火候不讓蛋變老，材料卻要熟透且散發香味，作為一個恆常的午餐，廚師要煎近百份芙蓉蛋，而每一份也要做到美如白芙蓉，功力及經驗都唔少得！
極爽麻辣花膠魚肚冬菇湯麵：主角花膠份量十足，花膠大大隻而且煮得好入味，入口一點也不腥, 咬落黏口滑嫩中帶點筋度。完全感覺到每一啖都食緊骨膠原嘅滋味，食多兩啖皮膚都滑啲!
另外佢仲有好多小食：
麻辣大波波魚蛋 $8/1粒，$23/3粒：
麻辣大魚蛋，好味過長洲多多聲！麻辣入晒味又彈牙，真係無得輸！
湘西土匪雞翼：唔係平時食開譚仔嘅土匪雞翼，食過你就知！
寫到呢度，我又想聽日Lunch再去幫襯啦！
*注意！這間是外賣店
逢星期六日休息，外賣可用 Deliveroo
（11:30－17:30pm是餐廳的午餐時間）
（17:30－21:30pm是餐廳的晚餐時間）
紅館 The Red Cuisine
地址: 鰂魚涌海堤街18-22號D7地舖
電話: 35802920
四川椒麻雞醬汁 在 四川椒麻醬配方-Dcard與PTT討論推薦|2022年10月 的推薦與評價
椒麻雞 料理各國大不相同， ... 我用去骨雞腿，蒸熟後，放涼再撕成小條裝盤後，淋上椒麻醬汁。 ... <看更多>